//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > སྡེ་སྲིད་ཁོག་འབུབས། > ནང་དོན།

བོད་ཡུལ་དུ་གསོ་བ་རིག་པ་དར་ཚུལ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-30 9:49:06 ཀློག་གྲངས། 38 

བསིལ་ལྡན་ར་བ་དཀར་པོས་ཡོངས་སུ་བསྐོར་པའི་ལྗོངས་འདིར། གསོ་བ་རིག་པ་བྱུང་ཚུལ་ལ། སྤྱིར་ཀླ་ཀློ་ལ་སོགས་པ་ཁོལ་བུ་རེ་གཉིས་ལས་ཕལ་ཆེ་བ་མི་རིགས་ཡིན་ནོ་ཅོག་ལ་རང་རང་གི་ཡི་གེ་རེ་ཡོད་པར་གྲགས་ཤིང་། མངོན་སུམ་དུའང་སྣང་ལ། དཔལ་དུས་ཀྱི་འཁོར་ལོའི་རྒྱས་འགྲེལ་དྲི་མེད་འོད་ལ་སོགས་པར་ཡང་དེ་བཞིན་དུ་བཤད་མོད། འོན་ཀྱང་བོད་ཡུལ་འདིར་ཆོས་ཀྱི་རྒྱལ་པོ་སྲོང་བཙན་སྒམ་པོའི་ཡབ་གནམ་རི་སྲོང་བཙན་ཡན་དུ་ཡི་གེ་མེད་པར་འདོད་པ་ལྟར་སྨན་དཔྱད་ཀྱི་གཞུང་ལུགས་ལ་བརྟེན་པའི་བརྟག་ཚུལ་དང་གསོ་ཐབས་མེད་ཅིང་། ཟས་ཕན་གནོད་ཤེས་པ་ཙམ་དང་། རྨ་གསར་པ་ལ་མར་ཁུ་བཏང་ནས་རྩ་ཁ་སྡོམ་པ། སྦང་མའི་འཇིབ་བྱེད་པ་ལ་སོགས་པ་ཀློ་དང་པོད་དུ་མི་ཆགས་པ་ནས་བཟུང་ཡོད་པར་ཁ་ཅིག་གྲགས་རུང་སྤྱི་སྐད་ལ་ལྷ་ཐོ་ཐོ་རི་སྙན་ཤལ་གྱི་སྐུ་རིང་ནས་དར། དེ་ནས་རྒྱལ་རབས་གསུམ་སུམ་ཅུཔ་འགྲོ་འབྲོངགཉན་ལྡེའུ་ས་གདོན་གྱིས་ཟིན་པ་རྒྱལ་བརྒྱུད་ཕྱི་མ་རྣམས་ལ་དེ་ལྟར་མི་འབྱུང་བའི་ཕྱིར་གསོན་པོར་དུར་དུ་ཞུགས་ཁར། སྲས་དམུས་ལོང་དཀོན་པ་བཀྲར་ཞལ་ཆེམས་སུ། བསམ་པ་བཟང་པོ་གསེར་དང་འདྲ་བ་སྟེ།། བཟང་པོའི་གྲོས་ནི་བདུད་རྩི་ཡིན་ཞེས་ཉོན།། ངན་པ་རྣམས་ཀྱང་མེ་དང་འདྲ་བས་གསོས།། མི་ཆོས་རྟོག་པ་ཡིན་གྱི་རྣམ་རྟོག་སྐྱུངས།། ཞེས་གཉན་པོ་གསང་བ་ལ་མཆོད་པ་བྱ་བ་དང་། འ་ཞའི་ཡུལ་ནས་སྨན་པ་བོས་ལ་མིག་ཕྱེ་སྟེ་རྒྱལ་ཐབས་ཀྱི་བྱ་བ་བྱེད་ཚུལ་གསུངས་པ་ལྟར། རྒྱལ་ཕྲན་འ་ཞ་རྗེ་བྱ་བ་སྨན་པ་མཁས་པ་ཞིག་སྤྱན་དྲངས། རྒྱལ་བུའི་མིག་གསེར་གྱི་ཐུར་མས་ཕྱེ། སྐྱིད་ཤོད་སྟག་མོ་རི་ལ་གཉན་འདུག་པ་གཟིགས་པས་སྟག་རི་གཉན་གཟིགས་སུ་གྲགས། དེའི་སྲས་གནམ་རི་སྲོང་བཙན་གྱི་དུས་རྒྱ་ནག་རྩིས་དང་སྨན་གྱི་ཆ་ལག་འགའ་ཞིག་བླངས་པར་བཤད་ཀྱང་འདི་ཡིན་གསལ་བར་མི་སྣང་། འཕགས་པ་འཇིག་རྟེན་དབང་ཕྱུག་མི་རྗེའི་ཚུལ་བཟུང་བ་སྲོང་བཙན་སྒམ་པོ་རྒྱལ་སར་ཕེབས་ནས། མིང་ཚིག་ཐམས་ཅད་ཡི་གེར་གདབ་ཏུ་རུང་བ་དང་། རྒྱ་མོ་བཟའ་འུན་ཤིང་ཀོང་ཇོས་བསྣམས་པའི་སྨན་དཔྱད་ཆེན་མོར་གྲགས་པ་ཧ་ཤང་མཧཱ་དེ་བ་དང་དྷརྨ་ཀོ་ཥ་གཉིས་ཀྱིས་བསྒྱུར་ཞིང་། འཕགས་ཡུལ་གྱི་སྨན་པ་བྷ་ར་ངྷྭ་ཛ། རྒྱ་ནག་གི་སྨན་པ་ཧེན་ཝེན་ཧད་དེ། སྟག་གཟིག་གམ་ཁྲོམ་གྱི་སྨན་པ་ག་ལེས་ནོས་གསུམ་རྒྱལ་པོའི་སྙུན་གསོ་བའི་ཕྱིར་གདན་དྲངས། རྒྱ་གར་གྱི་སྨན་པས་འབུ་ཤག་མ་བུ་ཆེ་ཆུང་དང་སྦྱོར་བ་མར་གསར། རྒྱ་ནག་པས་རྒྱ་དཔྱད་ཐོར་བུ་ཆེ་ཆུང་། སྟག་གཟིག་པས་མགོ་སྔོན་བསྡུས་པ་དང་དེ་ཕོ། རྨ་བྱ། ནེ་ཙོ་གསུམ་གྱི་དཔྱད་སོགས་བསྒྱུར། གསུམ་ག་བཀའ་བགྲོས་ཏེ་མི་འཇིགས་པའི་མཚོན་ཆ་ཞེས་བྱ་བ་བམ་པོ་བདུན་ཡོད་པའི་གསོ་དཔྱད་ཀྱི་གཞུང་གསར་དུ་བརྩམས་ནས་ཕུལ། དེ་ལས། ལུགས་ཆེན་གསུམ་པོའི་ཚུལ་དག་མ་རྟོགས་ན།། སྨན་པ་ཆེན་པོའི་གྲངས་སུ་མི་འགྲོ་སྟེ།། བདག་དང་གཞན་ལ་ཕན་པར་མི་ནུས་པས།། བར་སྣང་མཁའ་ལ་ཇི་ལྟར་མཐོས་བསྙབ་བཞིན།།  བྷ་ར་ངྷྭ་དྷཛ་དྲང་སྲོང་ཆེན་པོ་དང་།། ག་ལས་ནོས་ནི་རྒྱལ་ཚབ་ཐུ་བོ་དང་།། ཧེན་ཝེང་ཧང་ངེ་ཧན་ཝེད་ཧན་དེས་བདག་དབང་བསྐུར་པ།།འཕྲུལ་ཆེན་གསུམ་པ་བདུད་རྩི་བུམ་པ་བསྔགས།། ཞེས་གསོ་དཔྱད་ཐམས་ཅད་ལུགས་སྡེ་གསུམ་དུ་བསྡུས་ནས་འཆད་པར་མཛད། རྒྱ་དཀར་ནག་གི་སྨན་པ་གཉིས་ལ་རྒྱལ་པོས་བྱ་དགའ་ཕུལ་ཏེ་རང་རང་གི་ཡུལ་དུ་བཞུད། ག་ལ་ལེསནོས་རྗེའི་བླ་སྨན་དུ་བཞུགས། ཕལ་ཆེར་ལྷ་སར་སྟན་ཆགས་ཤིང་བསྟན་བཅོས་ཀྱང་དུ་མ་བརྩམས་པར་གྲགས། ཡུམ་ཁབ་ཏུ་བཞེས་པར་སྲས་གསུམ་བྱུང་བའི་ཆེ་བ་གཙང་སྟོད་དུ་བཏང་བས་བི་ཇི་སོགས་ཀྱི་བརྒྱུད་པ་དར། འབྲིང་པོ་གཡོར་བོར་བརྫངས་པས་ལྷོ་རོང་གི་སྨན་པ་རྣམས་འཕེལ། ཆུང་བ་ཡབ་ཀྱི་སྐུར་བཅར་པར་སོག་པོ་སྨན་པ་ཞེས་གླེང་། ག་ལས་ལེསནོས་ལ་ཕྱིས་མཚན་འཛོ་འཇོརོར་འབོད་ཅིང་། དེ་ལ་བོད་ཀྱི་རིགས་བཟང་བ་འགའ་ཞིག་སློབ་པར་འདོད་པ་མ་གནང་སྟེ། རིགས་ངན་པ་རྟུག ལྗང་། སྣིགས། རྨོངས་ཞེས་པ་བཞི་སྨན་དཔྱད་སློབ་ཏུ་བཅུག རིགས་བཟང་ངན་དང་མཐོ་དམན་མེད་པར་འཆོས་ཤིག་པར་བཀའ་བསྒོས། མིང་འཚོ་བྱེད་སྨན་པར་བཏགས། བྱ་དགའ་ལ་གཙིགས་ཆེན་དགུ་དང་གཙིགས་ཆུང་གསུམ་སྟེ་བཅུ་གཉིས་གནང་། དེ་ནས་མེས་ཨག་ཚོམས་ཀྱི་སྲས་ལྗང་འཇངཚ་ལྷ་དཔོན་གྱི་ཇོ་མོར་རྒྱ་ནག་ནས་གྱིམ་ཤིང་ཀོང་ཇོ་བསུས་པ་དེས་སྨན་མང་དུ་འཁྱེར་བ་ཧ་ཤང་མ་ཧྭོ་ཀྱིན་ད་དང་། རྒྱ་ཕྲུག་གར་མཁན། ཁྱུང་བོ་ཙེ་ཙེ། ཁྱུང་བོ་དམ་ཚུགས། ལྕོག་ལ་སྨོན་འབར་རྣམས་ཀྱིས་ཟླ་བའི་རྒྱལ་པོའམ་སོོ་སོམ་རཱ་ཛཛཱ ལེའུ་བརྒྱ་བཅོ་ལྔ་པས་གཙོ་བྱས་མང་དུ་བསྒྱུར། སོོ་སོམ་རཱ་ཛ་ཛཱའདི་བློན་པོ་བཀའ་ཐང་ལས། ཀླུ་སྒྲུབ་མཛད་པའི་སོོ་སོམ་རཱ་ཛ་ཛཱདང་༔ བདུད་རྩི་ཐིགས་པ་བདུད་རྩི་བུམ་པ་དང་༔ ཞེས་ཡི་གེ་ཉམས་པའི་ཀླུ་སྒྲུབ་ཀྱིས་བརྩམས་པའམ་ཞུ་པ་བོ་མཛད་པར་སོང་བ་དེར་བརྟེན་སྨན་པ་འགས་ལྷོ་ཕྱོགས་བྷེ་དྷ་སོགས་སྦྱར་བ་དཔེ་རེ་གཉིས་ན་སྣང་སྟེ། ཝང་ཐེའམ་ཀླུ་རྒྱལ་ག་པས་ཞུ་པ་བོ་བྱས། རྒྱ་ནག་ཕྱི་འགྱུར་ཧྭ་ཤང་མ་ཧྭོ་ཡ་ན་སུ་ཏྲ་དང་ལོ་ཙཱ་བ་བཻ་རོའི་འགྱུར། ལུས་བསྐྱེད་རྒྱུ། ལུས་རྐང་རུས། མགོ་རྐང་རུས། ཡན་ལག་རྐང་རུས། ལྡང་ཚད། ནད་གནས། རྣམ་གཞག དབྱིབས་དང་ལྕེ་སེན་ངོས་བཟུང་། ཡུལ་དུས་བརྟག་པ། ཆུའི་དཔྱད། ཆུའི་དོན་གྱི་བྱང་ལམ། བྱང་ལམ་དུས་ཀྱི་འཁོར་ལོ། བྱང་ལམ། ཆུའི་ཐ་སྐར་བརྟག་པ། རྩ་ཚ་གྲང་སྟོད་སྨད་བརྟག་པ། སྙིང་། མཆིན། མཁལ། གློ། མཆེར་རྣམས་ཀྱི་རྩ་བརྟག་པ། འཆི་རྩ། དགྲ་རྩ། གདོན་རྩ། དུས་བཞིའི་རྩ། རླུང་། བད། མཁྲིས་ཀྱི་མཚན་ཉིད། སྙིང་། གློ། མཆིན། མཆེར། མཁལ། རྒྱུ། ཕོ། མཁྲིས། ལོང་། ལྒང་། བསམ་སེ། མ་ཞུ་འཁུ་འཁྲུབ་རྣམས་ཀྱི་མཚན་ཉིད། མ་ཞུའི་མཚན་ཉིད། སྐྲན་ངོས་བཟུང་བ།འབྲས་དང་སུར་ཡའི་སུརྱའིནད་བསྟན་པ། འབྲུམ་པ། ལྷོག་པ། དུག དམུ་ཆུ། སྲིན་རྣམས་ཀྱི་མཚན་ཉིད་བསྟན་པ། མགོ་དབྱིབས། ཤ་དང་རྩ། ཡན་ལག་གནད། བྱང་ཁོག་གསུམ་གྱི་མཚན་ཉིད། ལ་ཉེ། མུ་ཟི། བྲག་ཞུན་གཉིས་སྦྱར་ཐབས། རླུང་། མཁྲིས། བད། ལྡན་འདུས། སྙིང་། རླུང་། གློ་ནད། མཆིན་ནད། མཁལ་ནད། མཚེར་ནད།རྒྱུ་ནད། ཤ་ཀྵཡ། ལོང་ནད། ལྒང་ནད། བསམ་སེའི་ནད། མ་ཞུ་བ། འཁྲུ་བ། སྐྲན། འབྲས། སུར་ཡ། འབྲུམ་བུ། གག་ལྷོག དུག དམུ་ཆུ། སྲིན་ནད་རྣམས་བཅོས་པའི་ལེའུ། ཕྱེ་མ། ལྡེ་གུ། ཐང་རྣམས་ཀྱི་སྦྱོར་སྡེ། ཐང་བཤལ། བཤལ། འཇམ་རྩི། ནི་རུ་ཧ། སྣ་བཤལ། རྩ་སྦྱོངས། ལས་རྣམས་ཀྱི་ལོག་གནོན། སྨན་མར། དར་ཡ་ཀན། རིན་པོ་ཆེ། ཟས་དང་ཤ ཟས་སྨན། རྨ་དང་ཁོང་སྨན། རུས་པ། སྲུབས་རྩ་བཅོས་པ། རྩ་བབབབས འགྲམ་འགྲམསཔ། རྨ་སྨན་བསྡུས་པ། དཔྱད་མདོར་བསྡུས། ཡན་ལག་བཅོས་པ། གདོན་དང་སྐེ་བཅོས་པ། ཐུན་མོང་ནན་ལྕིབས། བྱང་ཁོག་སྟོད། བྱང་ཁོག་སྨད་བཅོས་པ། བྱང་ཁོག་ཐིག་ཚད། བྱང་ཁོག་གི་དཔྱད་དང་། སྨན། གཏར་ག མེ་བཙའ། སྨན་གྱི་ནུས་པ་བསྟན་པ་སྟེ་ལེའུ་བརྒྱ་བཅུ་གཉིས་ཀྱི་བདག་ཉིད་ཅན། རྒྱ་གར་འགྱུར་མཁན་པོ་ཀྲྀཎ་ཞེས་པའི་པཎྜི་ཏ་དང་། ལོ་ཙཱ་བ་བནྡེ་ཆོས་རབ་ཀྱིས་བསྒྱུར་པ་གཉིས་ཕྱོགས་མཚུངས་པར་སྣང་། ཡང་དེའི་ཚེ་ཁྲོམ་གྱི་ཡུལ་ནས་དེའི་སྐད་དུ་བ་བིཇི་ཞེས་པའི་སྨན་པ་མིང་དངོས་ཙམ་པ་ཤི་ལ་ཧ་བྱ་བ་དཔོན་སློབ་མང་པོ་བོས་ནས་ཙམ་པ་ཤི་ལ་ཧས་རྒྱུད་ཤེལ་གྱི་མེ་ལོང་ལེའུ་ལྔ་བཅུ་པ། དེ་ལ་བརྟེན་ནས་བྱང་ཁོག་སྟོད་ཀྱི་དམར་བྱང་གསལ་བའི་སྒྲོན་མེ་ལེའུ་ཞེ་གཉིས། སྨད་ཀྱི་དམར་བྱང་འཕྲུལ་གྱི་ལྡེ་མིག་ལེའུ་ཉེར་ལྔ་པ། ཡན་ལག་གི་བཅོས་ཐེམ་བྱང་ལེའུ་ཞེ་གཉིས་པ། དེ་རྣམས་ཀྱི་འགྲེལ་བ་གསང་ཊིཀ་ཊཱ་ཀཱགསུམ། མ་སྙིང་གི་དྲ་བ་ཆེ་ཆུང་གཉིས། བུ་འགྲེལ་བ་དམར་ནག་གཉིས་ཏེ་དཔྱད་མ་བུ་བཞི། ཊིཀ་ཊཱ་ཀཱཆུང་། དྲ་ཆུང་། སྒྲོན་མ། ཞི་ཆུང་སྟེ་སྙིང་ཏིག་བསྡུས་པའི་བུ་བཞི། མདེའུ། རྣག མེ་ཐིག རྩ། འབྲས་རྣམས་ཀྱི་བཅོས་ཏེ་གཅེས་པའི་བུ་དྲུག་སྟེ་བསྡོམས་པས་མ་གསུམ་དང་བུ་བཅུ་བདུན། དེའི་སྟེང་དུ་བགེགས་སེལ་གནད་ཀྱི་སྒྲོན་མ། རྣག་བརྟག་ཐབས་ཆོད་བཞི་པ། སྐེམ་སྨན་རིན་ཆེན་གཞིར་བཞག རྣག་སྐྱུགས་འཇམ་འདྲེན་བདུད་རྩི་སྟེ་ཐུན་མོང་མ་ཡིན་པ་གསང་བའི་བུ་བཞི་སོགས་རྒྱས་པའི་སྐོར་དང་། འབྲིང་དུ་བེ་བུམ་སྨུག་པོ་ཏི་ཀ་ཊཱ་ཀཱཡང་ཏིག་གཉིས། ཤིན་ཏུ་བསྡུས་པ་ཡི་གེ་དམར་ཆུང་རྩ་འགྲེལ་ཏིག་གསུམ་དང་། བྱང་ཁོག་གི་མན་ངག་ལེའུ་གསུམ་ག་དྲིལ་བ་ལ་བདུད་རྩི་མེ་ལོང་གི་སྐོར་ལེའུ་ཆེ་བ་བརྒྱད་དང་ཆུང་བ་བཅུ་གསུམ་སྟེ་ཉེར་གཅིག རྨ་སྐོར་གསུམ་སྟོན་པ་ཐིག་ལེ་གསལ་བའི་མདོ་མགོ་བྱང་ཁོག་འབྲེལ་མར་བཅོས་པ། དོན་སྙིང་། རྣམ་པ་ལྔའི་དཔྱང་ཐག རྒྱ་ནག་གི་དྲང་སྲོང་གིས་མཛད་པ་རིན་ཆེན་དབྱིག་ལེའུ་བདུན་ཅུ་པ་དང་། མོ་དབྱིག་ལེའུ་བདུན་པ་དྲིལ་པས་བམ་པོ་ཉི་ཤུ་རྩ་ལྔ་པ། ཕྱག་རྡོར་གྱིས་མཛད་པ་མགོ་བོའི་རྩོད་བཟློག སྤྲུལ་པའི་ཁྱེའུས་མཛད་པ་བདུད་རྩི་དར་ཡ་ཀན་ལྷུང་བཟེད་ཀྱི་འཕྲུལ་འཁོར། དེའི་འགྲེལ་བ་ཧ་ཤང་ཀྲིན་ངས་དསམཛད་པ། མདོ་བྱང་ཆེ་ཆུང་བྱ་བ་དང་། ཉེས་དམིགས་སུམ་ཅུ་རྩ་ལྔ་པ། རོ་བཀྲ་འཕྲུལ་གྱི་མེ་ལོང་ལེའུ་ཉེར་དྲུག་པ། རོ་བཀྲ་ཐ་གུ་དགུ་སྦྱོར། གསོན་ཐིག་རོ་ཐག་ཐིགགི་རྣམ་གཞག་དྲང་སྲོང་མིའི་ཁོག་པ་ལེའུ་བཅུ་པ། དྲང་སྲོང་རྒྱུན་ཤེས་ཀྱིས་མཛད་པར་གྲགས་པ་བྱང་ཁོག་ཁྲེམས་ཀྱི་མདོ་ཞེས་བྱ་བ་དང་། ཡན་ལག་ལ་དྲང་སྲོང་གི་ཀེང་རུས་ཆེ་ཆུང་བྱ་བ་དང་། ལེའུ་བཅུ་གསུམ་པ་བྱ་བ་དང་། ཚིགས་ཀྱི་སྡོམས་ཀྱི་ལེའུ་ཞེས་བྱ་བ་དང་། རིན་པོ་ཆེའི་མཛོད་ཕན་པ་སྨན་གྱི་ལེའུ་བཅུ་པ་དང་། སྨན་པ་ལ་རབ་ཏུ་གཅེས་པའི་ལེའུ་བཞི་པ་དང་། རིན་པོ་ཆེའི་ཕྲེང་བ་ཞེས་བྱ་བ་ལེའུ་ལྔ་བཅུ་པ་དང་། རིན་པོ་ཆེའི་དབྱིག་ལེའུ་བདུན་ཅུ་པ་རྣམས་བསྒྱུར་ནས་རྒྱལ་པོ་ལ་ཕུལ། དེ་རྣམས་ཕྱོགས་གཅིག་ཏུ་ཟ་འོག་གི་སྒྲོམ་བུར་བཞུགས་པ་ལ་བླ་དཔྱད་ཀྱི་གཞུང་འཚོ་བའི་མདོར་གྲགས། གཞན་ཡང་དེའི་དུས་ན་ཧ་ཤང་མ་ཧྭོ་དེ་བ་དང་ཁྱུང་བོ་ཙེ་ཙེ་སོགས་ཀྱིས་སྨན་དཔྱད་དུ་མ་བསྒྱུར་པར་བཤད་ཅིང་། ཙན་པ་ཤི་ལ་ཧ་དེས་ཕྱིས་བོད་དུ་སྲིད་བསྐྱངས། བི་ཇིའི་རྒྱུད་སྔར་བྱུང་གྲུབ་རུང་འདི་ནས་ཀྱང་འཕེལ་པར་གྲགས། སློབ་བརྒྱུད་ལ་ཞང་དང་སྟོང་དང་བྲང་ཏི་གསུམ་གྱིས་གཙོས་དུ་མར་འཕེལ། དེ་གསུམ་པོས་མདོ་ཁམས་ཀྱི་སོ་ཁ་བསྲུང་པ་བོ་ལོ་བཞི་བྱས་པའི་བྱ་དགའ་ལ་རྒྱལ་པོས་རྒྱུད་ཤེལ་གྱི་མེ་ལོང་། རྨ་བཅོས་མ་བུ་བཅུ་བདུན་སོགས་རྒྱས་འབྲིང་བསྡུས་གསུམ་ཡི་གེ་དམར་ཆུང་དང་བཅས་པ་གནང་ནས་རྒྱལ་བརྒྱུད་ཀྱི་བླ་སྨན་དུ་དབང་བསྐུར་ཞིང་དམག་ནས་ཀྱང་བཏོན་པར་གྲགས། ལ་ལར་སྟོང་པཞེར་བཞེདམེས་པོ་ལ་མགོ་དཔྱད། བྲང་ཏི་རྒྱལ་མཉེས་ཁར་མཁརབུར་ཕུགབྱང་ཁོག ཞང་ལྷ་མོ་གཟི་ལ་ཡན་ལག་རྣམས་ཀྱི་བཅོས་གནང་ཡང་ཟེར། མེས་ཨག་ཚོམས་གནམ་དུ་གཤེགས་ནས་བཙད་པོ་ཁྲི་སྲོང་ལྡེ་བཙན་ནམ་ཚངས་པ་ལྷའི་མེ་ཏོག་གིས་རྒྱལ་སྲིད་འཛིན་པའི་ཐོག་མར་རྒྱ་གར་གྱི་སྨན་པ་དྷརྨ་རཱ་ཛ། ཧ་ཤང་མཧྭོ་ཀྱིན་ད། ཙན་པ་ཤི་ལ་ཧ་གསུམ་ལ་སྤྲུལ་བའི་སྲས་གསུམ་དུ་གྲགས་ཏེ། དེ་གསུམ་གྱིས་རྒྱལ་ཁམས་སོ་སོའི་ལུགས་དང་བསྟུན་ནས་གསོ་བ་རིག་པའི་རྩ་བ་རྩིས་ཉི་ཟླའི་འཁོར་ལོ་ཞེས་བྱ་བ་ལེའུ་བདུན།ལུས་གནས་ནས་ནདབཞི་གཞིགསུམ་གསོ་ཐབས་ཀྱི་འགྲེལ་བ། ཆུ་བརྟག་པ་གསེར་གྱི་མེ་ལོང་། གདམས་པའི་འཕྲུལ་འཁོར་དངུལ་གྱི་མེ་ལོང་། སྒོ་གཏན་ལྕགས་ཀྱི་གཟེར། རྩ་དཔྱད་རྒྱའི་སྨྲ་མཆུ། ཁ་དམར་རྒྱས་པ་གསེར་གྱི་གཏན་ཕྱིས། བསྡུས་པ་ལྕགས་ཀྱི་སྟ་རེ། རིན་པོ་ཆེ་བདུད་རྩི་གསང་བའི་ལུང་། སྨན་ནུས་སྒྲོན་མ་གསེར་གཟོང་། བཅུད་ལེན་རིན་ཆེན་ཤེལ་འཕྲེང་། སྨན་མིང་འབུ་ཤག་ཟངས་ཀྱི་བུམ་པ། འདྲ་ཡིག་དུང་གི་མིག འཁྲུག་སྡེབས་གཡུའི་དྲ་བ། རོ་སྐོར་ལྕགས་ཀྱི་ཕྲེང་བ། ཞི་བྱེད་མུ་ཏིག་འཕྲེང་བ། རྣ་བཤལ་དུང་གི་ཕྱགས་ཤིང་། སྐྱུགས་རིན་ཆེན་ལྕགས་ཀྱུ། བཤལ་དངུལ་གྱི་བུམ་པ། འཇམ་རྩི་ཉི་མའི་གཟེར་བུ། ནི་རུ་ཧ་ལྕགས་ཀྱི་པར་བུ། སྡེ་སྔོསྨན་ནགས་སུ་འཇུག་པ་གཡུའི་དྲ་བ། ལུམས་ཉི་ཟླའི་ཐིགས་པ། བྱུག་པ་མེ་ཆུའི་གཟེར། གཏར་ཁ་ལྕགས་ཀྱི་པདྨ། མེ་བཙའ་བདུད་རྩིའི་ཐིགས་པ། ཐུར་དཔྱད་མཚོན་ཆ་འཁོར་ལོ། དམུ་ཆུ་རྒྱ་མཚོ་འདྲེན་སྐེམས། སྨན་གནས་མདོར་བསྡུས་རྣམས་ལ་འགྲེལ་ཆུང་ཉེར་བདུན་ཞེས་བྱ་བ་ཁོང་ནད་ཀྱི་སྐོར། ཐོར་དཔྱད་ལ་སྤྱིར་རྨ་གཅོང་གཉིས་དང་བྱེ་བྲག་ཉི་ཤུ་རྩ་གསུམ། མགོ་བྱང་ཁོག་ཡན་ལག་དང་བཅས་པའི་བཅོས་ཏེ་བསྡོམས་པ་ལ་རིན་ཆེན་སྤུངས་པའི་སྐོར་ཞེས་བྱ་བ་བརྩམས་པ་དང་། ལིའི་རྒྱལ་པོའི་སྐེའི་བཅོས་སོགས་ཕུལ། ཀླུ་སྒྲུབ་ཀྱིས་མཛད་ཟེར་བ་ཕུང་པོ་ལྔའི་ནད་གསོ་བ། བདུད་རྩིའི་སྨན་རིན་པོ་ཆེའི་གསང་ཏིག་སྒྲོན་མ། རིན་པོ་ཆེའི་མདོའི་རྩ་བ་ལྟ་བུ་ལེའུ་བཅུ་བདུན། མདོ་རིན་པོ་ཆེ་གསང་བའི་འགྲེལ་ཆེན་ལེའུ་དོན་དྲུག འདུ་བ་རྣམ་བཞིའི་ཏི་ཀ་ཊཱ་ཀཱལེའུ་ཉེར་ལྔ། དོན་སྣོད་ཏི་ཀ་ཊཱ་ཀཱལེའུ་བཅུ་དྲུག ཕྲན་བུ་གསེར་གྱི་ཏི་ཀ་ཊཱ་ཀཱལེའུ་སོ་བདུན། མགོ་བོའི་ཏི་ཀ་ཊཱ་ཀཱལེའུ་ཉེར་གཅིག བྱང་ཁོག་གི་ཏི་ཀ་ཊཱ་ཀཱའཕྲུལ་ལྡེ་ནག་པོ་ལེའུ་ཞེ་བདུན། ཡན་ལག་རྣམ་བཞིའི་ཏི་ཀ་ཊཱ་ཀཱལེའུ་བཞི་བཅུ་སྟེ་དྲིལ་བས་ལེའུ་ཉིས་བརྒྱ་བདུན་ཅུ་རྩ་དགུའི་བདག་ཉིད་ཅན། མི་དྲུ་དྲམི་དབང་ཙནྡྲ་དང་ཧ་ཤང་དེ་བ་བོ་ངྷིའི་འགྱུར་དྲང་སྲོང་ཉི་མའི་དངོས་གྲུབ་དང་དཀའ་ཐུབ་གཞོན་ནུར་འཇམ་དབྱངས་ཀྱིས་གསུངས་པར་གྲགས་པ་གསོ་བྱེད་འཕྲུལ་གྱི་མཛོད་རིན་པོ་ཆེའི་སྒྲོན་མ་ཞེས་བྱ་བ་ཨ་རུ་ར་རིགས་བདུན་ལ་དཔེ་བླངས་ནས་ནད་གཞིའི་གནས། དེའི་རྟགས། སོ་སོར་བཅོས་པ། དཔྱད་ཀྱིས་བཅོས་པ། དེའི་ཇ་ལོག ཐོར་དཔྱད། རྟེན་འབྲེལ་གྱི་སྒོ་ནས་བཅོས་པ་བདུན། རྣམ་རྒྱལ་རོ་དྲུག་ལྡན་ཡིན་པ་ལྟར་གསར་པ་བཙན་བབས། རྒྱས་པ་ཐོག་བབས། བཅོས་ཉེས་ཡེངས་བཟློག བླ་གཉན་ཇ་ལོག ཁ་ཐོར་གདམས་པ། ཁྱུག་དཔྱད་རྫུ་འཕྲུལ་བཅོས་དང་དྲུག ནུས་པ་བརྒྱད་ཡོད་པ་བཞིན་དུ་ཡོན་ཏན་བརྒྱད་ལྡན། ཞུ་རྗེས་སུམ་གསུམལྡན་བཞིན་དུ་རྟགས་བཅོས་ཐབས། རྗེས་གཅོད་གསུམ་དུ་སྟོན་པ་རྣམས་བསྡོམས་པའི་གླེགས་བམ་གཅིག ཕྱག་ན་རྡོ་རྗེས་གསུངས་པར་གྲགས་པ་རྩ་བའི་རྒྱུད་ལེའུ་བཞི་བཅུ་རྩ་བཞི། དེའི་འགྲེལ་བ་རྩ་བའི་དྲང་སྲོང་བརྒྱད་དང་ཕྲན་བུ་བཅུ་གསུམ་གྱིས་བྱས་པའི་ལེའུ་ཉེར་བཞི་པ། བཅོས་ཐབས་ཉེར་གཉིས་པ། ཚིག་རྐང་བརྒྱད་པ་ཞེས་བྱ་བ་རྣམས་བསྒྱུར། དེ་ནས་ཙན་པ་ཤི་ལ་ཧ་རང་ཡུལ་དུ་འབྱོན་ཁར་སྲས་ལ་གདམས་པ་བེ་བུམ་ནག་པོའི་སྐོར་འཇལ་ཚད་དང་བཅས་པ་དང་། ཙ་ར་ཀས་མཛད་པ་དྲང་སྲོང་རྙིང་རྒྱུད་མགོ་བྱང་ཁོག་ཡན་ལག་གི་པྲ་འཁྲིད་སྐོར་གསུམ་དང་། མགོ་བྱང་ཁོག་ཡན་ལག་འདུ་བ་ཐོར་བུ་དང་བཅས་པའི་བཅོས་ཐབས་རྩའི་མན་ངག་དོན་བརྒྱད་པ་རྣམས་ལ་བི་ཇིའི་པོ་ཏི་ཁ་སེར་དུ་གྲགས་པ་རྣམས་ཕུལ་བ་ལས། ཕྱི་མ་ལ་རྒྱལ་པོའི་བླ་ཡིག་འོད་འབར་དུ་གྲགས། གཞན་ཡང་ཧ་ཤང་པེ་ན་ཙེ་ཏས། རྒྱལ་བློན་དམངས་གསུམ་གདམས་པ་རྩ་བ་རིན་པོ་ཆེའི་མཛོད་སྐོར་ལྔ་སྟེ། མགོ། བྱང་ཁོག ཁོང་ནད། ཡན་ལག ཐོར་བུ་དང་ལྔ། མགོ་རིན་པོ་ཆེའི་མཛོད་ལ་དྲས་དང་བཟླུམ་བཅོས་ཀྱི་སྐོར་ཤོག་དྲིལ་བཅུ་བདུན། བྱང་ཁོག་རིན་པོ་ཆེའི་མཛོད་ལ་དཀར་ཆོས་དམར་ཆོས་དཀར་ཤལ་དམར་ཤལ་སོགས་ཤོག་དྲིལ་བཞི་བཅུ་རྩ་ལྔ། ཁོང་ནད་ལ་བཤལ་རིན་པོ་ཆེའི་ཕྱགས་ཤིང་། དུག་བཅོས་རིན་པོ་ཆེའི་བུམ་པ། ཤ་དུག་ཉི་ཟེར་སྤྲིན་བྲལ། བཙན་དུག་སྲོག་སྐྱབས་གོ་ཆ། ཚད་པ་གསལ་བྱེད་མེ་ལོང་། གྲང་བ་རིན་ཆེན་ཤ་སྦྱོར་སོགས་དང་། ཡན་ལག་ལ་མཛོད་ཆེ་བ་ལེའུ་སོ་དྲུག འབྲིང་རིན་པོ་ཆེ་འབར་བ་རྩ་འགྲེལ། སྤྱི་དོན་འགྲེལ་བ་དང་གནས་སྐབས་གེགས་སེལ་གཉིས། སྤྱི་དོན་ལའང་ཕྱི་ལྟར་དམངས་ཡུལ་མི་ལ་གདམས་པ། ནང་ལྟར་བློན་པོ་ལ་གདམས་པ། ཕྱི་དམངས་ལུགས་ལ་རྩ་བ་འཕྲུལ་ལྡེ་ཞེ་གཉིས། མན་ངག་འཕྲུལ་ལྡེ་ཆེ་ཆུང་། ནང་བློན་པོ་ལུགས་ལ་རྩ་བ་འགྲེལ་བ་གནད་ཡིག་དཔེ་ཆུང་དང་བཞི། རྩ་བསྐོར་ལ་འགྲེལ་བ་བདུན། གནད་ཡིག་བཅུ། དཔེ་ཆུང་ཉེར་བདུན་ནོ།། གསང་བ་རྒྱལ་པོ་ལུགས་ལ། ཆེ་ཚེ་ལྟར་བཅོས་པ། ཆུང་ཚེ་ལྟར་བཅོས་པ། དམར་འཁྲིད་ལྟར་བཅོས་པ་གསུམ། ཆེ་ཚེ་ལ་གའུ་སྙིང་འདྲ་དང་སྙིང་རྩེ་གཉིས། སྙིང་འདྲ་ལ་སྐོར་ལྔ་དང་སྙིང་རྩེ་ལ་བཅུ་སྟེ་བཅོ་ལྔ། ཆུང་ཚེ་ལ་ལྷན་ཐབས་ཉིང་ཁོལ་གཟེར་བུ། ལོག་གནོན་བཞི་ལས། ལྷན་ཐབས་ལ་བརྒྱད། ཉིང་ཁོལ་ལ་བཞི། གཟེར་བུ་ལ་དྲུག ལོག་གནོན་ལ་གསུམ། དམར་ཁྲིད་ལ་ལྡེ་མིག་དང་ཡང་ཏིག་གཉིས། དེའི་འགྲེལ་བ་གནས་སྐབས་གེགས་སེལ་རྩ་བའི་དཀའ་འགྲེལ་སྒྲོན་མེ་ལྟ་བུ་བཅུ་གཉིས་སོ།། ཆུང་བ་ལ་གབ་པའི་བང་མཛོད་ཅེས་བྱ་བ་དང་། ཐོར་བུ་རིན་པོ་ཆེའི་མཛོད་ལ་མི་འདྲ་བ་བརྒྱ་རྩ་བརྒྱད། ཁ་བྱང་རིན་པོ་ཆེའི་ལྡེ་མིག་སོགས་ཡིག་སྣ་མ་བུ་ཚང་བར་བསྒྱུར་རོ།། འདི་དག་གི་སྔ་ཕྱིར་བཀའ་གདམས་གླེགས་བམ་རིན་པོ་ཆེ་ལས། སྔོན་ཚེ་རྡོ་རྗེ་གདན་དུ་འཛོམ།། དིང་སང་ཨོ་རྒྱན་ཡུལ་དུ་ཚོགས།། མ་འོངས་གངས་རིའི་ཁྲོད་དུ་འདུ།། ཞེས་དང་།བླ་མ་དྲི་མ་མེད་པས། བདག་ཀྱང་གནས་དེར་ལྷ་འདྲེ་འདུལ་དུ་འགྲོ།། ཞེས་དང་། དགེ་སློང་ང་ལ་བདེན་པ་ཡོད་མེད་ཀྱང་།། མི་དབང་ཁྱོད་ཀྱི་གྲོགས་བྱེད་རྟག་ཏུ་དགེ། ཞེས་པ་ལྟར་འཕགས་པ་ཕྱག་ན་པདྨ་དང་འཇམ་པའི་དབྱངས་ཐ་མི་དད་པ་ཆོས་རྒྱལ་ཁྲི་སྲོང་ལྡེའུ་བཙན་དང་། སངས་རྒྱས་སྣང་བ་མཐའ་ཡས་ཀྱི་ངོ་བོ་ཨོ་རྒྱན་དུས་གསུམ་མཁྱེན་པ་དུས་གཅིག་ཏུ་ཞལ་འཛོམ། བོད་ཀྱི་ལྷ་སྲིན་གདུག་པ་ཅན་རྣམས་བཏུལ། བྲག་དམར་དཔལ་གྱི་བསམ་ཡས་མི་འགྱུར་ལྷུན་གྲུབ་ཀྱིས་གཞི་བྱིན་གྱིས་བརླབས། རྟེན་བརྟེན་པར་བཅས་པ་གེགས་མེད་དུ་འབྱོངས། རབ་ཏུ་གནས་པས་དམ་ཚིག་པ་ལ་ཡེ་ཤེས་སེམས་དཔའ་དངོས་སུ་ཐིམ་པའི་རྟགས་འཇིམ་གཟུགས་རྣམས་མི་ལྟར་འབྱོན་ཞིང་གཏམ་གསུངས་པ་སོགས་དཔག་པར་དཀའ་བའི་ལྷ་ཁང་དང་། མཆོད་རྟེན་སོ་སོར་བྱུང་། བོད་ཕྲུག་དབང་པོ་གསལ་ཞིང་བློ་སྒྲིན་པ་དུ་མ་བོས་ནས་ལོ་ཙཱ་བསླབས་ཀྱང་། སཾ་སྐཱ་ཏའི་སྐད་ལྕེས་མ་འགྱུར་བའི་བསརྒྱལ་པོ་ཐུགས་ཕམ་པར་གྱུར་པ་ན། སློབ་དཔོན་ཆེན་པོས། གཙང་གི་སྙེ་མོ་བྱེ་མཁར་བྱ་བ་ཡི༔ གནས་གཞི་ཞིག་གི་གྲང་ཁང་དམིག་གུ་ན༔ ཕ་མིང་སྤ་གོར་ཧེ་འདོད་བྱ་བ་ལ༔ མ་མིང་བྲན་ཀ་བཟའ་སྒྲོན་སྐྱིད་ཀྱི་བུ༔ གན་ཇག་ཐང་ཏ་ཞེས་པ་ལོ་བརྒྱད་པ༔ ཕ་མ་གཉིས་ལ་བསླངས་ན་སྟེར་པར་མཆིས༔ སྤྲུལ་བའི་ལོ་ཙཱ་རྩོད་མེད་གྲགས་པ་འབྱུང་༔ ཞེས་ལུང་བསྟན་པ་ལྟར། གཙང་ཉང་ཆབ་དང་གཙང་ཆབ་འཛོམ་པའི་འགྲམ་དུ་ཡབ་སྤ་གོར་ཧེ་འདོད་དང་སྒྲོན་བཟའ་སྒྲོན་སྐྱིད་གཉིས་ཀྱི་སྲས་སུ་འཁྲུངས། དགུང་ལོ་བརྒྱད་པ་ལ་རྒྱལ་པོའི་སྤྱན་སྔར་བོས། ལོ་བདུན་གྱི་བར་ཁ་ཟས་དཀར་གསུམ་མངར་གསུམ་ཁོ་ནས་གསོས། ཤེས་རབ་བསྐྱེད་ཐབས་སུ་བློ་འཕེལ་གྱི་གཟུངས་སྒྲུབ་ཏུ་བཅུག་པ་དང་། འདྲ་འབག་ལྟར་ན་ལོ་དགུ་ནས་ཕྱི་ནང་གི་བློན་པོ་ལོ་གསུམ་དང་། བཅུ་གཉིས་ནས་རྗེའི་གསོལ་ཀ་བ་ལོ་གསུམ་མཛད་པར་གྲགས། གང་ལྟར། དེ་ནས་ལོ་ཙཱ་སྒྲ་རྣམས་མཁས་པར་བསླབས༔ ཞེས་བྱུང་བ་བཞིན་ཨོ་རྒྱན་སློབ་དཔོན་པདྨ་འབྱུང་གནས་དང་ཟ་ཧོར་མཁན་པོ་ཞི་བ་འཚོ་གཉིས་ལས་དགུང་ལོ་བཅོ་ལྔའི་བར་སྒྲ་རིག་པ་གསན་པས་མཁས་པའི་ཕུལ་དུ་གྱུར། ཁྲུས་ཁང་གླིང་དུ་མཁན་ཆེན་བྱང་ཆུབ་སེམས་དཔའ་རབ་ཏུ་བྱུང་། དུས་དེར་རྒྱལ་པོས་བློན་འབངས་མཁས་བཙུན་ཐམས་ཅད་བསགས་ཏེ། རྒྱུ་འབྲས་ཀྱི་ཆོས་བོད་དུ་རྫོགས་ཀྱང་རྒྱུ་འབྲས་ལས་འདས་པའི་ཆོས་ཤིག་རྒྱ་གར་ན་ཡོད་འདུག་པས་ཚོལ་དུ་གཏོང་དགོས་ཞེས་བགྲོས་པར། གན་ཇག་ཐང་ཏ་དང་གཙང་སྔོན་ལེགས་གྲུབ་གཉིས་ཚོགས་པའི་གསེབ་ནས་ལངས་ཏེ། རྗེས་ཇི་སྐད་གསུངས་པ་བཞིན་བྱེད་པའི་ཁས་ལེན་ཞུས་པ་ལྟར། ཁྱེའུ་གཉིས་པ་གསེར་གྱི་པ་ཏྲ་ཐོད་པའི་དབྱིབས་སུ་བྱས་པ་མགོར་བཀོན། པ་ཏྲ་དང་ཐུར་མ་དང་ལུ་གུ་རྒྱུད་འགའ་ནི་དུག་པོའི་གསེབ་ཏུ་སྦས། གསེར་ཕྱེ་བ་མེན་གྱི་རྭ་དོ་དང་། གསེར་ཐུམས། ལུས་ཆས་མི་འདྲ་བ་དང་གཅན་གཟན་གྱི་སྡེར་མོ་སོགས་དགོས་ཆ་ཐམས་ཅད་རྟ་མཚའ་ལུ་བྱ་གདོང་སོགས་ལ་བཀལ་ཏེ་རྒྱ་གར་འཕགས་པའི་ཡུལ་དུ་བྱིན། དོ་ཤི་དོ་ཆད་ཀྱི་དཀའ་བ་ཆེན་པོ་བཅུ་དྲུག་སྤྱད་པའི་མཐར། སློབ་དཔོན་ཤྲཱི་སིདྷ་ལ་སོགས་པ་པཎ་ཆེན་ཉི་ཤུ་རྩ་ལྔ་ལ་ཟབ་རྒྱས་ཀྱི་ཆོས་དུ་མ་ཞུས། ཁྱད་པར་ཤྲི་སིང་ལ་རྩོལ་མེད་རྫོགས་པ་ཆེན་པོའི་ཆོས་རྒྱ་གར་རང་དུའང་ཁྱབ་གདལ་དུ་མི་བསྒྲགས་པར་རྡོ་རྗེ་གདན་དུ་ཆོས་རྒྱལ་དང་པཎྜི་ཏའི་རྒྱ་ཉིས་སྤྲོད་བཏབ་ནས་འཇོག་པ་དེ། སློབ་དཔོན་གནོད་སྦྱིན་སྐར་མདའ་གདོང་དང་། བཻ་རོས་སེང་གེ་རབ་བརྟན། ལེགས་གྲུབ་ཀྱི་ངང་བ་རྣམས་སུ་བརྫུས་ཏེ་གདན་དྲངས། དབང་དང་མན་ངག་རྫོགས་པར་ནུསཞུས ལེགས་གྲུབ་ངོ་སོ་འདོད་ནས་སྔོན་དུ་སོང་བ་ལམ་ལ་ནསབར་ཆད་ཀྱིས་འདས། སླར་ཡང་བཻ་རོས་གཞུང་མན་ངག་ཀུན་གྱི་ཞུན་ཐར་བཅད་ཅིང་། དགའ་རབ་རྡོ་རྗེ་དང་འཇམ་དཔལ་བཤེས་གཉེན་ལ་སོགས་པ་ཡེ་ཤེས་ཀྱི་སྐུ་ཅན་རྣམས་དང་མཇལ། ཆོས་བཀའ་སྣ་ཚོགས་པ་ཞུས་ཏེ་དགོངས་པ་གཉིས་སུ་མེད་པར་གྱུར། རྐང་མགྱོགས་དཔོན་པོ་ཀུ་མཱ་ར་ལ་གསེར་གྱི་པ་ཏྲ་བྱིན་གྲོགས་པོ་བྱས། རྐང་མགྱོགས་ཀྱི་གདམས་པ་བསྟན་དགོས་བྱས་པས། བྱ་གོ་བོའི་རྩིབས་གཅོད་པ་ཙམ་གྱི་གདམས་པ་བྱིན་ནས་བོད་དུ་ཆས་པའི་ཚེ། རྒྱ་པཎ་རྣམས་ཀྱི་རྨི་ལྟས་ལོག མན་ངག་གི་ཆོས་བོད་དུ་འཁྱེར་པར་རིག་ནས་རྗེས་བསྙེགས་པ་བཏང་བས་མ་ཟིན་ཏེ། བོད་ཀྱི་བན་དེས་ཆོས་ནི་མ་རྙེད། མུ་སྟེགས་ཀྱི་ཆོས་ལོག་འཁྱེར་ཟེར་ཕྲ་མའི་ཡི་གེ་བོད་དུ་བརྫངས་པ་རྒྱལ་པོས་གཟིགས་པས། བཻ་རོ་རྒྱ་ནས་འཁོར་འཕྲལ་མཇལ་དུ་མ་གནང་པར་བརྟེན། རྗེ་ལ་ཞུ་འཕྲིན་ཕུལ་བ་ནི། བོད་ཀྱི་མངའ་བདག་རྒྱལ་པོ་ཆེན་པོ་ལགས།། འཇིག་རྟེན་འཁོར་བའི་ཆོས་ལ་ཐུགས་ཕྱུངས་ཏེ།། མ་ནོར་ཡང་དག་བདེན་པའི་ཆོས་འདོད་ནས།། གསེར་ཕྱེ་བརྫངས་ནས་བདག་ཅག་འཚོལ་དུ་བཏང་།། དམྱལ་སྦྱོང་ལམ་བཅད་མཐའ་ཡི་ཁ་བསྐོར་ཏེ།། ལས་འཕྲོ་དག་པས་མཁས་ཞལ་མང་པོ་འཁུམས།། བཟོ་དང་བསྟན་བཅོས་གསོ་དཔྱད་སྨན་ལ་སོགས།། ཚེ་འདིར་དགོས་པའི་ཕན་བྱ་སྣ་ཚོགས་པ།། དམ་ཉམས་སྒྲོལ་པའི་བསྟན་སྲུངས་སྣ་ཚོགས་དང་།། ཕྱིར་རྒོལ་བཟློག་པའི་ལུང་རིགས་མཚོན་ཆ་དང་།། དབང་པོའི་རིམ་འཇུག་ལམ་སྟེགས་རང་རང་ལམ།། རྒྱུ་འབྲས་ཐེག་པ་མ་ལུས་ཐམས་ཅད་དང་།། བདེ་ཆེན་ལྷུན་རྫོགས་སངས་རྒྱས་ཀུན་གྱི་ཐུགས།། རྨད་བྱུང་བསྟན་པའི་སྙིང་པོ་ཐེག་པའི་མཆོག། རྒྱུ་འབྲས་གཉིས་མེད་རྩོལ་མེད་རྫོགས་པ་ཆེ།། མ་ལུས་ལུས་པ་མེད་པར་བདག་ལ་མཆིས།། ཞལ་གསར་མཆིས་ནས་བཀའ་མཆིད་གསན་དུ་གསོལ།། ཡུན་དུ་མ་མཇལ་གཡར་ཁམས་སྙོམས་ལགས་སམ།། མངའ་བདག་རྒྱལ་པོ་ཞལ་མཇལ་ཞེས་འབུལ།། ཞེས་ཕུལ་པས། འཁོར་བའི་རྫིངས་ཆེན་འདྲ་བའི་ཁ་དཔོན་བདག། ཅེས་སོགས་ཀྱི་ལན་གནང་། མ་འགྱངས་པར་མངའ་བདག་གི་དབུ་སྐྲ་ཐེམ་པར་བཀྲམ་སྟེ་དེའི་སྟེང་ནས་ལོ་ཙཱ་བ་ཆེན་པོ་སྤྱན་དྲངས། རྟ་མཚའ་ལུ་མེ་སྟག་དང་ངང་བ་གསེར་ལྡོངས་གཉིས་གསེར་སྒ་གཡུ་ཡིས་སྤྲས་པ་དང་། གསེར་དངུལ། དར་ཟབ། གཡི་སྤྱང་གི་ཐུལ་བ། བཟང་སྐྱེམས་ལ་སོགས་པ་དྲངས་ཏེ་ཞུ་དོན་ཚིགས་སུ་བཅད་ནས་ཞུས། ཉིན་པར་རྗེ་བློན་འབངས་བཅས་ལ་རྒྱུ་འབྲས་ཀྱི་ཆོས་དང་། ནམ་གུང་རྗེ་ལ་མན་ངག་གི་ཆོས་བསྒྱུར་པས། རྒྱལ་པོས་མན་ངག་གི་རྒྱ་མཚོ་ལྷའི་རྗེ་ཞེས་མཚན་གསོལ། བཻ་རོ་འདི་སློབ་དཔོན་པདྨའི་ཞལ་སློབ་རྗེས་འབངས་ཉེར་ལྔ་དང་། གྲུབ་ཆེན་དགུར་གྲགས་པ་གཉི་གར་ཐེ་ཞིང་། བོད་དུ་དམ་པའི་ཆོས་བསྒྱུར་པ་མཐའ་ཡས་པས། ཐང་ཡིག་ལས། འདས་དང་མ་འོངས་ད་ལྟ་ཐམས་ཅད་དུ༔ བཻ་རོ་ཙ་ན་འདྲ་བའི་ལོ་ཙཱ་བ༔ སྔར་ཡང་མ་བྱུང་ད་ཡང་འབྱོན་རེ་སྐན༔ མ་འོངས་རྒྱ་གར་ཕལ་སྐད་ཤེས་ཙམ་ལ༔ ལོ་ཙཱར་བཞེད་སྲིད་བཻ་རོའི་ཆར་མི་ཉེ༔ ལོ་ཙཱར་བཏགས་ཀྱང་དོན་ལ་པཎྜི་ཏ༔ འདི་ཡི་ཆོས་དྲིན་ཡོད་དོ་ཕྱི་རབས་རྣམས༔ ཞེས་གསུངས་པ་དང་མཐུན་པར། ཕྱི་འགྱུར་གྱི་ལོ་ཙཱ་བ་ཆེན་པོ་བློ་ལྡན་ཤེས་རབ་ཀྱིས། བཻ་རོ་ཙ་ན་ནམ་མཁའི་མཐའ་དང་མཉམ།། སྐ་ཅོག་གཉིས་ནི་ཉི་ཟླ་ཟུང་འབྲེལ་ཡིན།། རིན་ཆེན་བཟང་པོ་ཐོ་རེངས་སྐར་ཆེན་འདྲ།། ཁོ་བོ་ཡང་ནི་སྲིན་བུ་མེ་ཁྱེར་ཙམ།། ཞེས་ཆེད་དུ་བརྗོད་པའི་བསྔགས་པ་དང་རང་ཉིད་ཀྱིས་ཁེངས་པ་སྐྱུང་བར་མཛད་ལ། མཁྱེན་བརྩེ་ནུས་གསུམ་འགྲན་ཟླ་དང་བྲལ་པ་ངོ་བོ་རྣམ་པར་སྣང་མཛད་ཀྱི་ཡེ་ཤེས་སྒྱུ་མའི་རོལ་གར་ལས་གསང་བའི་བདག་པོ་ཕྱག་ན་རྡོ་རྗེ་དང་དབྱེར་མེད་པ་བདག་ཅག་གི་སྟོན་པའི་ཞབས་རིམ་བཀའ་ཐམས་ཅད་ཀྱི་སྡུད་པ་བོ་འཕགས་པ་ཀུན་དགའ་བོ་སླར་ཡང་སྐྱེ་འགྲོའི་དཔལ་དུ་ཕེབས་པ་སྤྲུལ་པའི་ལོ་ཆེན་བཻ་རོ་ཙ་ནས་ཁ་ཆེའི་ཟླ་མངོན་ལ་སྨན་དཔྱད་ཀྱི་ཆ་ལག་མང་དུ་ཞུས་ཤིང་། ཁྱད་པར་དུ་ཐང་ཡིག་ཤེལ་བྲག་མའི་ལེའུ་གྱ་བཞི་པར། བཻ་རོ་ཙ་ནས་བོན་ཆོས་འདྲེས་མར་བསྒྱུར༔ བཻ་རོ་ཙ་ནས་རྩིས་སྨན་འདྲེས་མར་བསྒྱུར༔ བཻ་རོ་ཙ་ནས་མདོ་སྔགས་འདྲེས་མར་བསྒྱུར༔ མདོ་བསྒྱུར་ནང་དུ་ཡེ་ཤེས་སྡེ་ཞེས་བྲིས༔ སྔགས་བསྒྱུར་ནང་དུ་བཻ་རོ་ཙ་ན་བྲིས༔ བོན་བསྒྱུར་ནང་དུ་གན་ཇག་ཐང་ཏ་བྲིསཿ རྩིས་བསྒྱུར་ནང་དུ་ཨིནྡྲ་བཻ་རོ་བྲིས༔ སྨན་བསྒྱུར་ནང་དུ་ཆོས་འབར་བྱ་བ་བཅུག༔ མདོ་ཆོས་དགོངས་འགྲེལ་དང་བཅས་ཕལ་ཆེར་བསྒྱུར༔ ཞེས་པ་ལྟར་སྨན་དཔྱད་སྣ་ཚོགས་སྔོའི་མན་ངག་ཅེས་པ་འཇམ་དབྱངས་སྔོ་འབུམ་དུ་གྲགས་པ་དང་། དུག་བཅོས་ཤ་མོ་ལས་དཀྱུས་སློབ་དཔོན་ཉི་མ་སེང་གེས་མཛད་པ་སོགས་བསྒྱུར་ཅིང་བདག་གི་བླ་མ་ལྔ་པ་ཆེན་པོས། ཁྱད་པར་ཁྲི་སྲོང་རྗེ་ཡིས་གངས་ཅན་འདིར།། ཨོ་རྒྱན་སངས་རྒྱས་གཉིས་པ་སྤྱན་དྲངས་པའི།། དྲིན་ལས་སྙིང་རྗེའི་ཡུལ་གྱུར་འགྲོ་བའི་སྲོག། འཚོ་བའི་གསོ་རིག་གཙུག་ལག་འབྱམས་སུ་ཀླས།། དེ་འདྲའི་རིག་བྱེད་རྒྱུ་སྐར་འཕྲེང་བའི་དབུས།། ཚིག་ཉུང་དོན་རྒྱས་རྒྱུད་བཞིའི་ཆུ་ཤེལ་དབང་།། དོན་གྱི་པཎ་ཆེན་འཇིག་རྟེན་མིག་གཅིག་པུ།། བཻ་རོའི་མཁྱེན་དཔྱོད་རླུང་གི་ཤིང་རྟས་དྲངས།། ཞེས་བཀའ་བསྩལ་པ་བཞིན་གཞུང་ལུགས་མན་ངག་ཐམས་ཅད་ཀྱི་མཆོག་དང་རབ་དང་ཕུལ་དུ་གྱུར་པ་བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ལེགས་པར་བསྒྱུར། ཊཱ་ཀཱ་མུན་སེལ་སྒྲོན་མེ་དང་མིང་དོན་བརྡ་སྤྲོད་རྣམ་ལྔ་གཉིས་མཛད་པར་གྲགས། གཞན་ཡང་ཐང་ཡིག་ལེའུ་གྱ་ལྔ་པ་ལས། རྒྱ་ནག་སྨན་པ་ཧྭ་ཤང་དེ་བ་དང་༔ བླ་སྨན་ཉང་བཙན་ཤི་ལ་ལ་སོགས་པས༔ ཡན་ལག་བརྒྱད་པ་བདུད་རྩི་སྙིང་པོ་དང་༔ སྨན་གྱི་བཅུད་ལེན་བྱེད་ཐབས་མང་པོ་བསྒྱུར༔ ཞེས་རྒྱུད་བཞི་འདི་ནས་རྒྱ་ནག་འགྱུར་བར་བཤད་པའང་ཡོད་ཀྱང་། གཞུང་མན་ངག་དང་བཅས་པའི་བཀའ་བཻ་རོ་ཉིད་ལ་བབས་པའི་གོང་དུ་འཕྲིན་ཡིག་ཚིགས་བཅད་མར་གསལ་བ་བཞིན་མངའ་བདག་རྒྱལ་པོ་དང་སློབ་དཔོན་སངས་རྒྱས་གཉིས་པར་ཕུལ། ཟབ་ལ་རྒྱ་ཆེ་བའི་ཚིག་དོན་ཕུན་སུམ་ཚོགས་པར་གཟིགས་ཀྱང་། གསང་རྒྱུད་མན་ངག་འཆོལ་ན་མི་རུང་བར་མཁྱེན་ནས་རྒྱ་ཆེར་སྤེལ་པར་མ་མཛད་ཅིང་། རང་ཉིད་ཀྱི་སྙིང་ནོར་དུ་བཅངས་རྗེས་མ་འོངས་པ་ན་ཆོས་བརྒྱུད་ཐག་ཉེ་བ།གདམས་པ་ལྷད་མི་ཞུགས་པ་སོགས་དགོས་པ་ཁྱད་པར་ཅན་ལ་དགོངས་ཏེ་གཏེར་དུ་སྦ་བར་བརྩམས། ཨོ་རྒྱན་སངས་རྒྱས་གཉིས་པ་དང་བཀའ་བགྲོས་པས། སློབ་དཔོན་ཆེན་པོས། འཚོ་བའི་སྲོག་སྐྱོབ་བླ་ན་མེད་པ་ཚིག་ཉུང་དོན་རྒྱས་ཀྱི་རྒྱུད་ཡིད་བཞིན་ནོར་བུ་འདི་ད་ལྟ་སྤེལ་པའི་དུས་ལ་མ་བབ། འདོད་ལྷའི་ཞག་གསུམ་གྱི་རིང་གཏེར་དུ་སྦ་པས་ལེགས་པར་བསྲུངས་ཤིག་ཅེས་ཆོས་སྲུངས་ཞང་བློན་རྡོ་རྗེ་བདུད་འདུལ་ལ་ཡང་བསྐྱར་དང་གཏེར་བདག་ཡོན་ཏན་གྱི་རྒྱལ་པོ་ཤིང་བྱ་ཅན་ལས་བྱེད་ཤན་པ་ཧབ་སེ་མྱུར་མགྱོགས་ཅེ་སྤྱང་མདོག་དམར་གསུམ་ལ་གཏད། རྗེ་མངའ་བདག་གིས་མ་འོངས་པ་ན་ལས་དང་སྐལ་བར་ལྡན་པས་གཏེར་ནས་ཕྱུངས་ཏེ་འགོ་འགྲོཕན་དཔག་མེད་སྤྱོད་པར་ཤོག་ཅིག་གི་སྨོན་ལམ་བཏབ་ནས་བསམ་ཡས་དབུ་རྩེ་བར་ཁང་གི་ཀ་བའི་ནང་དུ་སྦས་པ་གཏེར་མའི་ལུགས་དང་།

བཀའ་མ་ལྟར་ན་ཁ་ཅིག་འདི་ཡན་དང་རྒྱུད་ལུགས་མི་འདྲ་ཙམ་ཡོད་ཀྱང་དོན་ལ་ཁྱད་པར་མེད་པར་སེམས་ཤིང་། དེ་ནས་ཆོས་རྒྱལ་ཡབ་སྲས་ཀྱི་བཻ་རོ་ལ་ཞུས་པར་ཆིག་བརྒྱུད་ཀྱི་སློབ་དཔོན་ལ་ཕུལ་གྲུབ་ཚུལ་ནས་སློབ་དཔོན་ལ་གསན་པར་གྲགས་ཀྱང་གཉའ་རིགས་ཀྱི་ཡིག་རྙིང་ཁུངས་མར་རྒྱུད་གཏེར་དུ་སྦས་པའི་རྗེས་སུ་སྲས་མུ་ནེ་བཙན་པོའི་དགོངས་པ་ལ། ཡབ་ཀྱིས་གསོ་དཔྱད་ཐུགས་གཙིགས་ཆེ་བ་ནི་སློབ་དཔོན་གྱིས་གནང་ངེས་པར་དགོངས་ནས་སློབ་དཔོན་ལ་ཞུས་པས། སློབ་དཔོན་གྱིས་ཁྲི་སྲོང་ལྡེ་བཙན་ལ་ངས་ཕུལ་པ་མིན། འོན་ཀྱང་རྒྱལ་བུ་ཁྱོད་ལ་སེམས་ཅན་དང་བསྟན་པ་ལ་ཕན་པའི་ཕྱིར་བཤད་དོ་གསུང་ནས་རང་འགྱུར་མཛད། སླར་ཡབ་དང་བཻ་རོ་ལ་ཡང་བཀའ་མ་ཕར་ཕུལ་ཞིང་གཏེར་མ་ཚུར་ཞུས་པར་བཞེད། དེང་སང་བརྒྱུད་པའི་དུས་བཻ་རོས་ཀྱང་སྔོན་དུ་སློབ་དཔོན་བཞུགས་པའང་ལོ་རྒྱུས་འདིའི་བཀའ་མའི་དབང་དུ་སོང་བའམ་ཡང་ན་གཏེར་སོགས་དགོས་པ་ཁྱད་པར་ཅན་གྱི་དགོངས་པ་ཡིན། གཞན་ཡང་ཆོས་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱི་ཐུགས་དགོངས་ལ། སྔར་ཡབ་མེས་རྣམས་དང་ཕྱིས་བདག་ཉིད་ཀྱིས་ཀྱང་གསོ་བ་རིག་པའི་བཀའ་སྲོལ་ལེགས་པར་བཏོད་པས་དར་རྒྱས་སུ་བྱུང་མོད་ཀྱི། ད་རུང་ཕྱོགས་ཕྱོགས་ཀྱི་སྨན་པ་མཁས་པ་དུ་མ་བསགས། སྔོན་ཆད་མ་བསྒྱུར་པའི་རིགས་མཐའ་དག་དར་པར་བྱའོ་དགོངས་ཏེ་གསེར་ལ་སོགས་པའི་བྱ་དགའ་མང་དུ་བསྩལ། ཕོ་ཉ་བ་ཡུལ་སོ་སོར་བཀའ་ཡིས་མངགས་པ་ལས། འཕགས་ཡུལ་ནས་ཤནྟི་གརྦྷ། ཁ་ཆེ་ནས་གུ་ཧྱ་བཛྲ། རྒྱ་ནག་ནས་སྟོང་གསུམ་གང་བ་དང་ཧ་ཤང་བ་ལ། ཧང་ཏི་པ་ཏ་གསུམ། སྟག་གཟིག་ནས་ཧ་ལ་ཤནྟི། གྲུ་གུ་ནས་སེང་མདོ་འོད་ཆེན། དོལ་བོ་ནས་ཁྱོལ་མ་རུ་ཙི། བལ་བོ་ནས་དྷརྨ་ཤི་ལ་སྟེ་མཐའ་བཞི་ནས་བྱོན་པའི་རྒྱལ་པོའི་བླ་སྨན་དགུར་གྲགས་པ་གདན་དྲངས། ཟུར་མཁར་བས་མེས་ཨག་ཚོམས་ཀྱི་དུས་ཙམ་པ་ཤི་ལ་ཧ་སོགས་ལ་བཤད་ཀྱང་འདི་སྐབས་སྨན་པ་རྣམས་ཉམས་སད་ཆེད་རྒྱལ་པོས་སྙུན་རྫུ་བཏབ། ཕོ་བྲང་འཕང་ཐང་ཀ་མེད་ཀྱི་ནང་དུ་བཞུགས། སྨན་པ་རྣམས་སྒོ་ཕྱིར་བཞག་སྟེ་ཁྱེད་ཅག་གསོ་བ་རིག་པ་ལ་མཁས་ཤིང་གྲགས་པ་དང་ལྡན་པ་ཡིན་པས་རྩ་ལག་པ་དངོས་ལ་བལྟ་བ་ངོ་མཚར་མི་ཆེ་ཡི། ཐ་གུ་འདི་ལ་རྟོགས་ལས་ཁ་སྨར་ཐོགས་ཤིག་གསུངས། བྱི་བླའི་ལའིལག་པར་ཐ་གུ་བཏགས་ནས་བརྟག་ཏུ་བཅུག་པར། རྒྱལ་པོ་འགྲོངས་སམ་བདག་ཅག་ཉམས་པ་ཇི་ལྟར་ནའང་ཕྱི་དལ་ཁོང་འཁྱུག་པ་གཅན་གཟན་ཐ་མ་བྱི་བླའི་ལའིརྩ་འདྲ་བ་ཞིག་སྣང་ཞེས་དང་། དེ་ཕོའི་ལག་པར་ཐ་གུ་བཏགས་པ་བསྟན་པས་ཁ་འདར་ལ་གཏིང་སྤུན་པ་འདབ་ཆགས་ཐ་མ་ཁྱིམ་བྱའི་རྩ་ཙམ་ལས་མི་འདུག་ཅེས་དང་། དེ་རྗེས་རང་འཐག་ལ་བཏགས་ནས་བསྟན་པས་ཁ་བྱིང་ལ་གཏིང་སྲ་བ་གོར་མ་རྡོ་དང་འདྲ་བ་སོགས་སྨན་གྱི་ལྷ་མོའི་མངོན་ཤེས་ལ་བརྟེན་ནས་སོ་སོར་མ་ནོར་པར་ངོས་ཟིན་པས་རྒྱལ་པོ་རབ་ཏུ་དགྱེས་ཏེ། འཚོ་མཛད་སྨན་པར་གྱུར་པ་འདི་རྣམས་ལ།། བོད་འབངས་མགོ་ནག་ཡོངས་ཀྱིས་བཀུར་བར་གྱིས།། ཅི་ཕྱིར་འདི་ནི་ཚེ་སྲོག་སྟེར་བའི་ཕྱིར།། མགོ་ནག་ཡོངས་ཀྱི་ལྷ་ནི་བཙན་པོ་སྟེ།། དེ་ཡིས་བཀུར་པས་མཚན་ཡང་ལྷ་རྗེར་ཐོགས།། འགྲོ་བའི་མགོན་ཡིན་གྲལ་གྱི་གོང་ལ་ཞོག། འབོལ་གྲུམ་སྟག་གཟིག་ཟ་འོག་གདན་དུ་འཐིང་ཐོངས།། བསྐྱེལ་སྐྱེལབསུ་རྟས་ཀྱིས་རྐང་གླ་གསེར་དུ་ཕུལ།། ཅི་གསུངས་དང་ལོང་སྨན་པའི་བཀའ་མ་བཅག། རྒྱལ་སྲིད་ཡིན་ཡང་མི་ཕངས་སྲོག་རིན་ཡིན།། བཅོས་ནོར་ལག་དགྲས་ཤི་ཡང་སྟོང་མ་ལེན།། སྨན་དུ་ཐལ་བ་སྦྱར་ཀྱང་སྨན་རིན་གསེར་དུ་རྫོངས།། ཞལ་དུ་སྐྱེམས་ཞུས་ཤ་གཟུག་རྒྱུན་དུ་དྲོངས།། རྒྱུན་དུ་བསྟེན་ཕྱིར་ངོ་ཁ་ལྐོག་སྨྲས་སྤོངས།། ནམ་ནབབེར་དར་ཟབ་ལྷམ་དང་རྒྱམ་ཐག་ཕུལ།། ཀུན་གྱིས་འཁུར་ལས་ཕྱག་དང་ཞེ་ས་གྱིས།། ཚེ་འདིར་དྲིན་ཆེ་དྲིན་ལན་ཡུན་དུ་སོམས།། ང་ཡིས་ཕུལ་པའི་བླ་གཙིགས་བཅུ་གསུམ་པོ།། གང་གིས་འགལ་ཡང་ཆད་པས་གཅད་པར་བྱ།། ཞེས་སོགས་བཀའ་གཙིགས་གནང་། ཕོ་བྲང་དུ་སྣ་སྣེལེན་དང་ཞབས་ཏོག་གྱ་ནོམ་པ་བཤམས། སློབ་དཔོན་པདྨས་དཔང་བོ་དང་སྐ་ཅོག་གཉིས་སོགས་རང་རང་གི་སྐད་ལ་བྱང་པའི་ལོ་ཙཱ་བ་དང་བཅས་སྨན་དཔྱད་ཀྱི་གཞུང་ལུགས་བསྒྱུར་ཅིག་པར་བཀའ་གནང་པས། རྒྱ་གར་ཤནྟི་གརྦྷས་སངས་རྒྱས་ཀྱིས་གསུངས་པར་གྲགས་པའི་བལ་སྒྲོམ་སྨུག་པོའི་རྒྱུད་དང་། ཤློ་ཀ་སྡེ་བཞི། བདུད་རྩི་ལྷུང་བཟེད་ཆེ་ཆུང་། བདུད་རྩི་བུམ་སྙིང་སྤྱན་རས་གཟིགས་ཀྱི་གསུང་དུ་འབོད་པ་སྤུངས་པ་སྡེ་ལྔ། ཀླུ་སྒྲུབ་ཀྱི་གསུང་དུ་གྲགས་པ་མདོ་ལྔ། སྒྲོལ་མས་གསུངས་པར་གྲགས་པ་སྔོ་འབུམ་ལེའུ་བརྒྱ་ཉི་ཤུ་པ། རྒྱ་ནག་གི་སྨན་པ་གསུམ་པོས་འཇམ་དཔལ་གྱིས་གསུངས་པར་གྲགས་པ་སྦྱོར་བའི་འཕྲེང་བ། བྱང་ཁོག་དོན་འགྲེམས་འཕྲུལ་གྱི་རྒྱ་ལོང་། ཡན་ལག་ཕྱག་གི་བརྡ་ལས་བྱུང་བ་རིན་པོ་ཆེའི་མཛོད་ལྔ། ཇ་ལོག་ནོར་བུ་དྲི་མ་མེད་པ། མེ་ཆུ་གོ་བཟློག དུག་དཔྱད་མེ་ལྕེ་འཁོར་ལོ། ཐོར་བུའི་ནད་ཀྱི་སྒོས་བཅོས། ཆུ་དཔྱད། ཁྱུག་དཔྱད། མེ་བཙའི་ལག་ལེན་སྒྲོན་མེ། ཁ་ཆེའི་སྨན་པས་དཔྱད་ཕྲེང་སེལ་བར་བྱེད་པ་མུན་པའི་སྒྲོན་མེ། དཔྱད་མདོ་དགུ་པ། མན་ངག་གནད་ཀྱི་པྲ་ཡིག སྟག་གཟིག་གི་སྨན་པས་མགོ་བཅོས་མུ་སྟེགས་ཀྱི་སྐོར་བརྒྱད་པ་རྩ་འགྲེལ། རྩ་བཅོས་མན་ངག་ལྗོན་ཤིང་ཆེ་ཆུང་། འདུས་པ་བཅོས་ཐབས་རིན་ཆེན་སྲོག་གི་འཁོར་ལོ། སོག་པོ་ཤ་སྟག་ཅན་གྱི་རྒྱུད། དུག་གསོ་བ་གར་ལོག་རྒྱལ་པོའི་ཤི་གསོས། གྲུ་གུའི་སྨན་པས་ནག་པོ་རྒྱུད་གསུམ། དེའི་མདོ་བྱང་ཆེ་ཆུང་། འདྲ་ཡིག་དུང་གི་མིག ནགས་སུ་འཇག་པ་གཡུའི་དྲ་བ། གུ་ཎ་ཤ་ཏ་བམ་པོ་ལྔ་བརྒྱ་པ། རྟའི་དཔྱད་མེ་ལོང་སྐོར་གསུམ། དོལ་བོའི་སྨན་པས་མི་འཇིགས་པ་བརྒྱད་ཀྱི་མཚོན་ཆ། གབ་གསལ་བྱེད། འཚོ་འཆི་རྟགས་ཀྱི་ལེའུ། རྩའི་ལ་ཉེ། གཏར་ཁའི་དཔྱད། བལ་བོའི་སྨན་པས་འགྲམ་པ་ཏི། སྦྱོར་བ་བརྒྱ་བ། རིན་པོ་ཆེའི་སྨན་གྱི་འཁྲུངས་དཔེ། ཐུར་དཔྱད་དང་ལྷོག་པའི་གསོ་ཐབས་རྣམས་བརྩམས་ཤིང་བསྒྱུར། གཞན་ཡང་ཀླུ་སྒྲུབ་ཀྱིས་མཛད་པར་གྲགས་པ་སྨན་དཔྱད་རིན་པོ་ཆེ་འདུས་པ་བམ་པོ་བདུན། ཀེ་ཏུ་པྲཛྙཱས་བྱས་པའི་མགོ་དཔྱད་བདུད་རྩི་ཐིགས་པ་སྐབས་བདུན་པ། བེ་དུ་རས་བྱས་པའི་གཞུང་བདུད་རྩི་མེ་ལོང་ལེའུ་བརྒྱད། ཀླུ་སྒྲུབ་ཀྱིས་མཛད་ཟེར་བ་སྒྲོན་མ་ལྔ་སྐོར། འཇམ་དཔལ་གྱི་སྤྲུལ་པ་ནེ་ཙོས་མཛད་པ་དུག་དཔྱད་མེ་ལྕེ་འཁོར་ལོ། དྲང་སྲོང་ཉི་མའི་སེང་གེས་བྱས་པའི་དུག་དཔྱད་ཤ་མོ་ལས་དཀྱུས། རིན་པོ་ཆེ་སྐ་རགས་འཆིང་འགྲོལ། ཟླ་གསང་འཁོར་ལོ་མཚོན་ཆ་ལས་ཀྱི་རྒྱུད་ལེའུ་བཅུ་པ། དེ་འགྲེལ་ཤ་མོ་ལས་དཀྱུས་ཆ་ལག་དང་བཅས་པ་རྣམས་གནུབས་སངས་རྒྱས་ཡེ་ཤེས་ཀྱི་འགྱུར། གནུབས་རང་གི་མཛད་བྱང་སྨོས་པ། བསྲུང་བ་རིན་པོ་ཆེ་འོད་ཀྱི་གདམས་པ། བརྟག་པ་རིན་པོ་ཆེ་འོད་ཀྱི་གཟུགས་བརྙན། གསོ་བ་དཀར་པོ་ལམ་གྱི་སྒྲོན་མ་དང་གསུམ། ཀླུ་སྒྲུབ་ཀྱིས་མཛད་ཟེར་བའི་དུག་བཙས་བཅོསདཔའ་བོ་ཐུབ་པའི་རྒྱུད་དང་གཞའ་འོད་འཁྱུག་པའི་རྒྱུད་ཤྲི་བཛྲ་དང་ཆོས་ཀྱི་དབང་ཕྱུག་གི་འགྱུར། ཕྱག་ན་རྡོ་རྗེ་དང་ཀླུ་སྒྲུབ་ཞུས་ལན་དུ་མཛད་པའི་གཟའ་རྒྱུད་རིན་ཆེན་སྤུངས་པ་ལེའུ་བཞི་བཅུ་རྩ་དྲུག་པཎྜི་ཏ་རིན་ཆེན་རྡོ་རྗེ་དང་བཻ་རོའི་འགྱུར། གཟའ་བཅོས་སྙིང་ཏིག་གསལ་སྒྲོན་རྒྱ་ནག་མ། ཀླུ་སྒྲུབ་དང་ཀླུ་རྒྱལ་འཇོག་པོ་གཉིས་ཀྱི་ཞུས་ལན་ཆེ་བ་ལེའུ་སུམ་ཅུ་སོ་བཞི། འབྲིང་པོ་མེ་ལོང་རབ་གསལ། ཆུང་བ་མངོན་པར་རྟོགས་པ། དོན་གསལ་སྒྲོན་མ། གསལ་བྱེད་སྒྲོན་མ། འཕྲུལ་གྱི་མེ་ལོང་། ཐུགས་ཀྱི་སྒྲོན་མ། རོ་ལངས་མཁའ་འགྲོ་མས་གསུངས་པར་གྲགས་པ་མཛེ་རྟག་རྟགསམིག་ཡིག བཅུ་དྲུག་པ་དྲང་སྲོང་མེ་ཁྱེར་གྱི་འགྱུར། འཇམ་དབྱངས་ཀྱི་གསུང་དུ་འདོད་པ་རིན་པོ་ཆེ་སྒྲོན་མའི་མཛོད། སྒྲོལ་མས་མཛད་ཟེར་བ་མཁྲིས་རིམས་དུག་ཐབས་ཞི་བྱེད་དང་། སྔོའི་འཁྲུངས་དཔེ་རིན་ཆེན་སྒྲོལ་མ་ལེའུ་གསུམ་པ་ཤནྟི་གརྦྷའི་འགྱུར། འཕགས་པ་འཇམ་དཔལ་དང་དྲང་སྲོང་བཞིས་ཞུས་ལན་དུ་མཛད་པ་སྔོ་སྦྱོར་བདུད་རྩི་འཆི་མེད་གསང་བ་སྐུ་གསུང་ཐུགས་ཀྱི་རྒྱུད། དེའི་འགྲེལ་བ་དཔལ་མགོན་ཀླུས་མཛད་པར་གྲགས་པ། ཧ་ཤང་མ་ཧཱ་ཀྱིན་དས་བྱས་པའི་སྔོ་སྦྱོར་ལེའུ་བཅུ་གཉིས་པ་བེ་བུམ་སྨུག་པོར་འབོད་པ། དེ་འགྲེལ་གསང་བའི་ཡང་ཏིག དྲང་སྲོང་ཙ་ར་ཀས་མཛད་པ་ཚེའི་རིག་བྱེད་ཀྱི་རྒྱུད་རིན་པོ་ཆེ་ཁྲི་མཛོད་འོད་ལྡན། དེ་ལས་བསྡུས་པ་ལེའུ་བདུན་ཅུ་པ། བཅུད་ལེན་ཤ་སྦྱོར་རྩ་བའི་རྒྱུད་བདུད་རྩི་ལྗོན་ཤིང་ལེའུ་བདུན་པ་སྤྱན་རས་གཟིགས་ཀྱིས་སྒྲོལ་མར་གནང་པའི་མཁྲིས་རིམས་དུག་ཐབས་གསོ་བ་ལ་སོགས་ཇི་སྙེད་འགྱུར། རྗེའི་ཐུགས་ལ་བབ་ཅིང་འབངས་ལ་ཕན་ཐོགས་པར་བྱུང་བས། བཙད་པོའི་ཞལ་ནས། སྨན་པ་ཕ་ཡིན་ནད་པ་སྙིང་རྗེས་སྐྱོང་།། ནད་པ་བུ་ཡིན་ངན་མཚང་ཕྱིར་མ་བརྗོད།། ཅེས་སོགས་བཀའ་བསྩལ་ཞིང་གཙིགས་ཆེ་བར་གནང་། དེ་ལྟ་བུའི་གསོ་རིག་གི་གཞུང་ལུགས་ཆེན་པོ་རྣམས་ཕྱོགས་གཅིག་ཏུ་སེང་ལྡེང་གི་གླེགས་ཤིང་དུ་བཞུགས་པ་ལ་རྒྱལ་པོའི་བླ་དཔྱད་པོ་ཏི་སྨུག་པོར་གྲགས། བོད་འབངས་ཀྱི་བྱིས་པ་བློ་རྣོ་བ་དགུ་ལ་གསོ་བ་རིག་པ་བསླབ་ཏུ་བཅུག་པས་སྟོད་ན་ཆེར་རྗེ་ཞིག་པོ། འུག་པ་ཆོས་བཟང་། བེ་ཆེ་ལེགས་མགོན་གསུམ། བར་ན་གཡུ་ཐོག་མགོན་པོ། མི་ཉག་རོང་རྗེ། བྲང་ཏི་རྒྱལ་བཟང་གསུམ། སྨད་ན་གཉའ་བ་ཆོས་བཟང་། མཐའ་བཞི་དར་བོ། སྟོང་པ་གྲགས་རྒྱལ་ཏེ་བོད་སྨན་མཁས་པ་མི་དགུར་གྲགས་པ་བྱུང་། ཕྱོགས་ཀྱི་སྨན་པ་རྣམས་རྙེད་བཀུར་གྱི་མཆོད་པ་བཟང་པོ་དང་བཅས་སོ་སོའི་ཡུལ་དུ་བཞུད། དེ་ལས་ཧ་ཅང་མི་རིང་བ་ན་རྒྱལ་པོ་སྙུན་གྱིས་བཏབ་པར་བོད་ཀྱི་སྨན་པ་མི་དགུ་སོགས་ཡོད་ཀྱང་བློན་པོ་རྣམས་ཀྱི་འདོད་པ་ལྟར་མཐའ་བཞི་གའི་སྨན་པ་རྣམས་སྤྱན་འདྲེན་པར་བཏང་བས། གཞན་རྣམས་འབྱོན་པར་མ་བཞེད་ཅིང་། རྒྱ་ནག་གི་སྨན་པ་སྟོང་གསུམ་གང་བ་ཞེས་བྱ་བ་སྤྱིར་རིག་གནས་མཐའ་དག་དང་། ཁྱད་པར་གསོ་བ་རིག་པ་ལ་མཁས་ཤིང་། རྗེ་བཙུན་འཇམ་དཔལ་དབྱངས་ཀྱི་ཞལ་གཟིགས་པ་ཞིག་ཡོད་པ་བྱོན། བཤུལ་ལམ་གསོ་བ་དཀར་པོ་ལམ་གྱི་སྒྲོན་མེར་གྲགས་པ་དང་། མཐའ་བཞིའི་ལུགས་ཞུ་བ་བཞི་ལྡན་སོགས་བསྟན་བཅོས་བརྩམས་ཏེ་སྐྱེས་སུ་ཕུལ། གསོ་བའི་དཔྱད་བྱས་པས་མངའ་བདག་སྙུན་ལས་མྱུར་དུ་དྭངས། མཐའ་བཞི་གའི་སྨན་པའི་གོ་ཆོད་པར་འདུག་པས་མིང་ཡང་མཐའ་བཞི་སྟོང་གསུམ་གང་བར་བཏགས། བྱ་དགའ་ལ་གཞུང་དང་དོལ་གཉིས་ཡུལ་གཞིས་སུ་བསྩལ། ཁབ་བཞེས་སྲིད་བསྐྱངས་པས་མཐའ་བཞིའི་བརྒྱུད་པ་རྣམས་འཕེལ། དེ་ལྟར་ན་ཆོས་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱི་བླ་སྨན་གནང་པ་རིགས་ཀྱི་འཚོ་བྱེད་དངོས་ནི་མཐའ་བཞི་དང་། བོད་སྨན་གཞན་བརྒྱད་པོ་རྗེས་འབྲེལ་ཙམ་ཡིན་པར་མངོན། རྒྱལ་པོ་གླང་དར་མས་བསྟན་པའི་དངོས་གཞི་སོ་ཐར་གྱི་འདུལ་ཁྲིམས་བཤིག་པས་སྔ་དར་ཕྱི་དར་གྱི་ཐ་སྙད་བྱུང་བ་ལས། གསོ་དཔྱད་ནི་སྲོང་བཙན་ནས་ད་ལྟའི་བར་རྒྱུན་ཉམས་མ་མྱོང་བས་དར་ལུགས་ཀྱི་སྒོ་ནས་སྔ་དར་དང་། ཕྱི་དར་ཞེས་འདོགས་མི་དགོས་པར་སེམས། སྔ་རབས་པ་ཁ་ཅིག་ལྟར་ན། བརྟག་པ་བློ་གྲོས་ཀྱིས་མཛད་པ་དྲི་མེད་གཟི་བརྗིད་ལ་སོགས་པ་ཁ་ཆེའི་ལུགས།ཛི་ན་མི་ཏྲས་མཛད་པའི་གསོ་སྟོང་དགུ་བཅུ་རྩ་དགུ་ལ་སོགས་པ་ཨོ་རྒྱན་གྱི་ལུགས། ཤྲཱི་ཨ་ནནྟས་མཛད་པའི་གནས་འགྱུར་གསུམ་ལ་སོགས་པ་ཡུལ་དབུས་ཀྱི་ལུགས། སུ་མ་ཏི་གི་རྟིས་མཛད་པའི་བསྡུས་སྦྱོར་གསུམ་ལ་སོགས་པ་བལ་བོའི་ལུགས། ཨརྦ་ཡས་མཛད་པའི་ཆོས་འབྱུང་དྲུག་ལ་སོགས་པ་ཏ་ཟིག་གི་ལུགས། རྡོ་རྗེ་འབར་བས་མཛད་པའི་མི་འཇིགས་མཚོན་ཆ་ལ་སོགས་པ་དོལ་བོའི་ལུགས། ལེགས་པ་རྒྱལ་མཚན་གྱིས་མཛད་པའི་ག་གོན་གྱི་བརྡོལ་ཐབས་སུམ་ཅུ་རྩ་ལྔ་ལ་སོགས་པ་ཧོར་གྱི་ལུགས། བརྩོན་འགྲུས་སྙིང་པོས་མཛད་པའི་སུ་ཁུགས་ལ་སོགས་པ་མི་ཉག་གི་ལུགས། རྒྱལ་བ་རྡོ་རྗེས་མཛད་པའི་ཡན་ལག་བདུན་པ་སོགས་ལིའི་ལིའི་ལུགས། ཙན་པ་ཤི་ལ་ཧས་མཛད་པ་ཚད་པ་འབྲོས་འདེད་ལ་སོགས་པ་ཁྲོམ་གྱི་ལུགས་དང་བཅུའི་ཡིག་ཆ་དང་ཕྱག་ལེན་མན་ངག་རྣམས་བོད་དུ་རིམ་གྱིས་དར་པའི་དོན་ཐམས་ཅད་ཕྱི་ཤེས་བྱ་གཞུང་གི་སྐོར། ནང་གདམས་པ་དོན་གྱི་སྐོར། གསང་བ་ལག་ལེན་སྨར་དམརཁྲིད་གྱི་སྐོར། ཡང་གསང་ཉམས་མྱོང་ཐབས་ཀྱི་སྐོར་དང་བཞིར་འདུས་པར་བཤད། ལྷ་བླ་མ་ཡེ་ཤེས་འོད་ཀྱི་སྐུ་རིང་ལ་དཎྜི་པཎྚིཏ་དྷརྨ་ཤྲཱི་ཝ་རྨ་དང་། སྙེ་བོ་ལོ་ཙཱ་བ་དབྱིག་གི་རིན་ཆེན། མར་ལོ་རིག་པ་གཞོན་ནུ། དབྱིག་གུ་དགེ་སློང་ཤཱཀྱ་བློ་གྲོས་རྣམས་ཀྱིས་ཡན་ལག་བརྒྱད་པའི་སྙིང་པོ་བསྡུས་པའི་རང་འགྲེལ་བསྒྱུར། དེ་རྗེས་གུ་གེའི་ཆུ་སྙུང་ཝཾ་རཏྣ་རུ་སྐུ་འཁྲུངས་པ། སྤྲུལ་བའི་སྐྱེས་མཆོག་ལོ་ཆེན་རིན་ཆེན་བཟང་པོ་ཞེས་བྱ་བ། དགུང་ལོ་བཅུ་བདུན་ནས་འཕགས་ཡུལ་དུ་ལོ་བཅུ་བཞུགས། ཇོ་བོ་ན་རོ་ཏ་བ་སོགས་པཎྜི་ཏ་བདུན་ཅུ་རྩ་ལྔ་བསྟེན། སངས་རྒྱས་སྐར་རྒྱལ་བཏུལ་བ་སོགས་ཕྱི་དར་ལ་འགྲན་པའི་ཟླ་ཐམས་ཅད་དང་བྲལ་བ་དེས། ཁ་ཆེའི་པཎྜི་ཏ་ཛ་ན་རྦྷ་ལ་གསེར་སྲང་བརྒྱ་ཕུལ་ནས་སློབ་དཔོན་དཔའ་བོས་མཛད་པའི་ཡན་ལག་བརྒྱད་པའི་སྙིང་པོ་བསྡུས་པ་ལེའུ་བརྒྱ་ཉི་ཤུའི་བདག་ཉིད་ཅན་དང་། དེའི་ཚིག་དོན་རྒྱས་པར་འགྲེལ་བ་ཟླ་བའི་འོད་ཟེར་ཞེས་བྱ་བ་ཁ་ཆེ་ཟླ་བ་ལ་མངོན་པར་དགའ་བས་མཛད་པ་སོགས་ལེགས་པར་བསྒྱུར་ཅིང་གཏན་ལ་ཕབ་པའི་བོད་ཡུལ་དུ་དར་རྒྱས་སུ་གྱུར་ཞིང་། དཔལ་ཕག་མོ་གྲུ་པའི་དུས་ཙི་ནའི་རྒྱལ་ཁབ་ཏུའང་དར་པས་རྒྱལ་པོ་ཧྭང་ཐའི་ཧུའི་ཨི་ཙིའི་དུས་ཡར་ཀླུངས་མཆིག་སྨན་གྱི་བསྐུལ་ནས་ཕོ་བྲང་ཏའི་ཏུང་དུ་ཡེ་ཤེས་དཔལ་གྱིས་ཞུས་དག་སྟེ་བརྐོས་པའི་རྒྱ་པར་ཡང་ཡོད། ལོ་ཆེན་དེ་ཉིད་ལ་གསོ་རིག་གི་བརྒྱུད་པ་འཛིན་པའི་སློབ་མ་མང་དུ་ཡོད་མོད་དེ། གྲགས་ཆེ་བ་ནི། མྱང་འདས་སེང་གེ་སྒྲ། ཤ་ཀ་ཤཱཀྱཁྲི་ཡེ་ཤེས་འབྱུང་གནས། ཨོང་སྨན་ཨ་ནེ། མང་པོ་མོསྨན་བཙུན་ཏེ་སྤུ་རངས་ཀྱི་སྨན་པ་མི་བཞིར་འབོད་པ་ཡིན་ལ། དེའི་ནང་ནས་ཀྱང་མང་མོ་སྨན་བཙུན་མཁས་ཤིང་འཕྲིན་ལས་ཆེ་བས་དབུས་གཙང་གི་སྨན་པ་ཕལ་ཆེར་གྱིས་མཇལ། ལྷག་པར་ཆེ་ཆོསརྗེ་ཏི་པང་ལ་གཞུང་ཟླ་ཟེར་དང་བཅས་རྫོགས་པར་གནང་། ཏི་པང་གིས་རང་སྲས་བྱང་ཆུབ་འོད། ཨུ་ལང་བཀྲ་ཤིས་མཁར། དགྲ་ལས་རྒྱལ་པོ་གསུམ་ལ་བཤད། ཨུ་ལང་གི་གཞུང་འགྲེལ་ལག་ལེན་ཀུན་ལ་མཁས་པས་འཚོ་བྱེད་གཞོན་ནུའི་སྤྲུལ་པ་ཡིན་པར་ཡང་བྱེདབཤད དེས་གཅེན་གྱི་སྲས་དཔོན་ཇོ་བཀྲ། གཡུང་དྲུང་། ཇོ་བཙན། རང་སྲས་ཟླ་བ་དང་། སྙིང་པོ། གཅུང་སྲས་འབྲོ་ཚ་དང་དྲུག་ལ་གསུངས། དེ་དག་གིས་རྟག་རྟོག་རྒྱལ། ཇོ་འཕན། ཇོ་ནག་གསུམ་ལ་བཤད། དེའི་སྔ་མ་གྲགས་པ་ཆེ། བར་བ་ལུང་རྒྱུས་ལ་འདྲིས། ཐ་མ་གཞུང་གདམས་ངག་ལག་ལེན་འཛོམ། དེ་གསུམ་ག་ལ་སྔ་རབས་སྨན་བླ་ལྟ་བུ་བཅུར་གྲགས་པའི་ནང་ཚན་ཆེ་ཆོསརྗེ་ཞང་སྟོན་ཞིག་པོའམ་ཐུགས་རྗེ་ཁྲི་འོད་ཀྱིས་ཞུས་ཏེ་སྨན་དཔྱད་མཐར་ཕྱིན་པར་གྱུར། ཤེས་བྱ་སྤྱིའི་ཁོག་འབུབས་རྒྱལ་མཚན་རྩེར་འབར། ས་བཅད་དོན་ཁྲིགས་འབྱེད་པའི་ལྡེ་མིག་དཀའ་ཚོམས་གེགས་སེལ་གནམ་ལྕགས་འཁོར་ལོ། ཚིག་དོན་ཞིབ་རྒྱས་སུ་འགྲེལ་བ་མུ་ཏིག་གི་འཕྲེང་བ་རྒྱས་བསྡུས་གཉིས། སྐྱིད་སྨད་ཁོལ་མའི་ཞང་སྟོན་འདུལ་བ་སོགས་ཀྱི་དོན་དུ་ལག་ལེན་དམར་ཁྲིད་རྒན་མོ་མཛུབ་ཚུགས་ཀྱི་ཚུལ་དུ་འཆད་པ་བདུད་རྩི་ཐིགས་པ་རྣམས་བརྩམས། གཞུང་ལ་ནག་མཆན་ལེགས་པར་བཏབ། སློབ་མ་བདེ་བ་དཔལ། ཡོན་ཏན་རྒྱ་མཚོ། གཙང་སྟོན་སྟོདདར་མ་མགོན་པོ་ལ་སོགས་པ་དུ་མ་བྱུང་། དར་མ་མགོན་པོས་སློབ་མའི་དོན་དུ་ཟིན་ཏིག་དང་། བུའི་དོན་དུ་ཡང་ཏིག་ཅེས་པའི་མན་ངག་གི་ཡིག་འཇོག་ཀྱང་མཛད། དེ་དག་གི་བརྒྱུད་འཛིན་བོ་དོང་རོག་ཚོའི་སྐོར་ན་མང་བར་གྲགས། ཇོ་བོ་རྗེ་ལྷ་གཅིག་དཱི་པཾ་ཀ་ར་དང་ནག་ཚོ་ལོ་ཙཱ་བ་གཉིས་ཀྱིས་ཤ་སྦྱོར་བདུད་རྩི་དར་ཡ་ཀན་བསྒྱུར་ཅིང་། མགོ་དཔྱད་དྲ་བ་སྡོམ་པ་སོགས་མན་ངག་ཁ་འཐོར་མང་དུ་མཛད། ཡང་འཇིག་རྟེན་གྱི་མིག་གཅིག་ལོ་ཆེན་རིན་ཆེན་བཟང་པོའི་སློབ་མ་ཞང་ཞུང་བ་ཤེས་རབ་འོད་ཀྱིས་རྒྱ་སྟོན་པ་གྲགས་པ་ཤེས་རབ་ལ་གསུངས། ཤེས་རབ་འོད་ཀྱི་མཚན་གྱི་རྣམ་གྲངས་སམ་འཁོར་ལོ་རྒྱལ་པོར་གྲགས་པས་མཛད་པ་བཤད་རྒྱུད་དང་མཐུན་པའི་གསོ་དཔྱད་ཡིག་རྙིང་ཞིག་དང་སངས་རྒྱས་ཁོག་འབུབས་གསེར་གྱི་བང་མཛོད་ཅེས་པ་སོགས་མཆིས། དེས་གཡུ་ཐོག་རྒྱ་གར་རྡོ་རྗེར་བཤད་དེ་ས་བཅད་ཡི་གེར་བཀོད། དཀའ་འཕྲེང་དཔེའུ་ཆུང་དུ་བྱས། དོན་མགོ་སྟོང་ཐུན་དུ་བསྡེབས། འཁྲུགས་འབྱེད་དང་ལག་ལེན་རྣམས་ཡིག་ཆུང་དུ་བྱས་ཏེ་རྟོགས་སླ་བར་བཅོས། དེ་ནས་གཡུ་ཐོག་བརྗིད་པོ། ཁྱུང་བོ། མགོན་པོ་སོགས་ལ་རིམ་པར་བརྒྱུད་པ་དང་། ཡང་ཞང་ཞུང་བ་ཤེས་རབ་འོད་ཀྱིས་རྡོག་གྱོང་སྨན། གཡུ་ཐོག་གྲགས་སེ། མགོན་པོ་ལ་སོགས་པར་བརྒྱུད་པའང་སྣང་། ཡུལ་ཡར་ཀླུངས་གད་པ་སྟེང་དུ་ཡབ་དགེ་བཤེས་བསོད་ནམས་དབང་ཕྱུག་དང་ཡུམ་མེར་བཟའ་འབུམ་སྐྱིད་གཉིས་ཀྱི་སྲས་སུ་འཁྲུངས་པ་ཞང་གཟི་བརྗིད་འབར་ཞེས་བྱ་བ་དེས། གཉགས་སྙིང་པོ་རྒྱལ་མཚན་ལ་རབ་ཏུ་བྱུང་། བྱམས་ཆོས་ལྔ་ལ་སོགས་པར་མཁས་པར་སྦྱངས། ལྡུམ་རར་རྭརརི་བོང་བྱུང་བ་ལ་རྡོ་བརྒྱབ་པས་རྐང་པ་ཆག གས་བསྐུར་པས་གསོས་པས་རི་བོང་སྨན་པར་གྲགས། དེས་བྲོད་ཁ་རྙེད་པ་ལྟ་བུས་སྨན་དཔྱད་སློབ་པའི་བློ་སྐྱེས། མིང་དོན་མཚུངས་པའི་སློབ་དཔོན་མ་རྙེད་པས། མཁས་པ་མི་དགུའི་བརྒྱུད་པ་རྣམས་ལ་གཏུགས་ཏེ་ཐེ་ཚོམ་ཆོད་པར་བྱ་བར་དམ་བཅས་ནས། ཐོག་མར་སྨད་ཀྱི་སྨན་པ་གཡོ་རུའི་གཡའ་གྱོང་བོ། སྟོད་ལུངས་ཀྱི་ལུང་གིལྷ་རྗེ་སུམ་སྨད། དབུ་རུའི་མཐའ་བཞི་རྣམས་བསྟེན། ཡིག་སྣ་རེ་རེ་གཉིས་གཉིས་ཙམ་ཞུས་གནད་ལས་རྣམ་རྟོག་ཆོམས་པའི་བློ་ཁ་རྫོགས་པ་མ་བྱུང་། སྟོད་སྨན་ལ་གཏུགས་ཀྱང་ཞང་ཤེས་རབ་ཆེ་བས་གོང་ཤོར་བྱུང་དོགས་གདམས་པ་མ་བྱིན། དེའི་སློབ་མ་འཕན་ཡུལ་རྒྱལ་བ་དར་སྨན་བདུད་རྩི་བྱ་བ་དེར་གཏུགས། དེ་ནས་གཡུ་ཐོག་རྒྱ་གར་རྡོ་རྗེ་ལ་ཡན་ལག་ཤིང་ཆེན་གྱི་འཁོར་ལོ་དང་། མི་ཉག་ཟླ་གྲགས་སྔོ་སྦྱོར་ཆེན་མོ་ལ་སོགས་པ་དང་། བྲང་ཏི་རྒྱལ་པོ་ལ་མགོའི་ལྷག་ཆས་ལ་སོགས་པ་གསན་ཀྱང་སྔོན་མ་ལྟར་གྱུར། དེ་ནས་སྟོད་གྱི་བི་ཇི་ལྷུན་ནོ། འུག་པ་ཆོས་སེང་། ཆེ་ཇི་ཆོས་རྗེསྟག་ལ་དགའ་གསུམ་ལ་རིམ་བཞིན་གཏུགས་པས་ཆ་ལག་མང་ལ་གདམས་ངག་ཆུང་བར་མཐོང་ནས།གསེར་མང་དུ་སྒྲུབས་པ་བསྣམས་ཏེ་རྒྱ་གར་དུ་བྱིན། ལམ་དུ་རྔོག་བློ་ལྡན་ཤེས་རབ་དང་མཇལ། སྒྲ་ལ་མཁས་པར་སྦྱངས། རིམ་གྱིས་བགྲོད་དེ་དཔལ་ནཱ་ལནྡྲར་ལེནྡྲརཕེབས། ཐམས་ཅད་ལ་སྨན་པ་སུ་མཁས་དྲིས་པར། དྲང་སྲོང་ཙནྡྲ་བི་བྱི་བ་མཁས་ཟེར་པར་ཁ་མཐུན། དེར་དྲང་སྲོང་འཇག་མའི་སྤྱིལ་བོ་ན་བཞུགས་པའི་དྲུང་དུ་ཕྱིན། སྒོར་ཞག་བདུན་གྱི་བར་དུ་བསྡད་པས་ཁྱོད་དེ་ཙམ་དོན་དུ་ཅི་གཉེར་གསུངས། སྨན་དཔྱད་ཤེས་པར་འདོད་པའི་རྒྱུ་མཚན་ཞུས་པས། ཐུགས་ཐོག་ཐོགསནས་ཡན་ལག་བརྒྱད་པ་ཚར་གཅིག་གནང་། ལོག་པར་བརྩམས་པས་དེས་མི་འཁྲོལ་ལམ་གསུངས། སླར་གསེར་གྱི་མཎྡྲིལ་དང་བཅས་ཞུས་པས་དཔེ་ཐོག་ནས་གཞུང་ཚར་གཅིག ཁོག་དབུགས། མན་ངག་ལག་ལེན་དང་བཅས་རྫོགས་པར་སྩལ། ཡིག་སྣ་རྩོམས་ལ་འགྲོ་ཕན་རྒྱ་ཆེ་བར་གྱིས་ཤིག་གསུངས་པ་ལྟར། བོད་དུ་བྱོན། སློབ་མ་བསྐྱངས། གཞུང་དྲི་མེད་གཟི་བརྗིད་ལེའུ་བཞི་པ། དེ་འགྲེལ་ཉི་མའི་འོད་ཟེར། དཔེ་དོན་གྲངས་ཀྱི་ཕྲེང་བ་གསུམ་སྦུག་སྟོན་རྒྱ་དཀར་རཱ་ཛཱ་དང་བལ་སྟོན་ཤེས་རབ་ཁྲི་འབུམ་གྱི་དོན་དུ་ལེགས་པར་བརྩམས། དེ་ནས་གདམས་པ་སུམ་ཅུ་པ་དང་སྟོད་སྨད་ཀྱི་འགྲེལ་བ་གསུམ་རྩོམ་འཕྲོར་བཞག་པ་སྦུག་སྟོན་རྒྱ་གར་གྱིས་མུ་མཐུད་པར་གྲགས། ཞང་གི་སློབ་མ་ལྷ་སའི་བལ་ཆུང་ལ་ཕྱི་སྐོར་ནང་སྐོར། འོལ་ཁའི་སྤྲང་ཆུང་ལ་ཁོར་ཁོངསྙིང་དང་འདྲ་བའི་དཀྱུས་བཀོད་རྣམ་གསུམ། གཉལ་གྱི་རོག་ཆུང་ལ་གདམས་པ་སུམ་ཅུ་པ། ཉེར་གནས་སྐྱོགས་ཤེས་རབ་ཁྲི་ལ་དྲི་མེད་གཟི་བརྗིད་མ་བུ་རྣམས་སོ་སོར་གནང་། དེ་བཞི་དང་སྟོད་སྨན་གྱི་སློབ་མ་དར་སྨན་ལྔ་ལ་དོལ་པ་རིང་མོས་ཞུས། གདམས་པ་སུམ་ཅུ་པའི་ཞལ་ཤེས། ཚད་འཕྲང་བཅུ་གསུམ།གདམས་ཕྲན་གཞན་དག་དང་། དྲི་མེད་གཟི་བརྗིད་ལས་མ་འགྲེལ། འབྲུ་འགྲེལ་སྟོང་ཐུན། ཚད་པ་གལ་འགག་གི་གཟེར་ཆེན་སོགས་བརྩམས། མི་ཉག་མི་བསྐྱོད་རྡོ་རྗེས་ཁོག་འབུབས། མུ་ཏིག་འཕྲེང་བ། གཞུང་བཤད་ཐབས་ཀྱི་ཡན་ལག ཆོས་འབྱུང་ལོ་རྒྱུས། སྟོང་ཐུན། དཔྱད་དགུ། འཕྲང་བཅོ་ལྔ། འབྲུ་འགྲེལ་བར་བཀབ་གསེར་འཕྲེང་ཞེས་བྱ་བའི་བསྟན་བཅོས་རྣམས་མཛད། ཚ་ལུང་བ་སྟོད་རོགསྟོན་དཀོན་ཅོག་སྐྱབས་ཀྱིས་རྒྱ་གར་དུ་བྱོན། སྙིགས་དུས་ཀྱི་ཐམས་ཅད་མཁྱེན་པ་ཤནྟི་པ་ཕྱི་མ་དང་མཇལ། གསོ་དཔྱད་ཡན་ལག་བརྒྱད་པ་རྫོགས་པར་གསན་ནས་བོད་དུ་ཕེབས། གཞུང་གི་ས་བཅད་བསྡུས་དོན་རིན་པོ་ཆེའི་དྲ་བ་ཞེས་པ་བརྩམས་ཤིང་། གཞུང་ལ་མཆན་བུ་བཏབ་ནས་གཡུ་ཐོག་ཡོན་ཏན་མགོན་པོ་ལ་གནང་། དཔལ་མགོན་ཀླུས་མཛད་པའི་སྦྱོར་བ་བརྒྱ་པ་དང་། ཁ་ཆེ་ཟླ་དགའི་སྒྲ་སྦྱོར་ངེས་པ་གཉིས་ཐར་ལོ་ཉི་མ་རྒྱལ་མཚན་གྱིས་བསྒྱུར། ལོ་ཙཱ་བ་རང་གིས་ཅོང་ཞིའི་གདམས་པ་མཛད། ཡེ་ཤེས་མཁའ་འགྲོའི་ནད་སེལ་གདམས་པ་འཇའ་ལི་བ་དང་ཁྲོ་ཕུ་ལོ་ཙཱའི་འགྱུར།བལ་བོའི་དེ་བ་ཙནྡྲའི་སྙན་བརྒྱུད་བདུད་རྩིའི་ཐིགས་པ།

གཏེར་མར་གྲགས་པ་ནི། སློབ་དཔོན་པདྨའི་གསུང་ལས། མ་འོངས་དོན་དུ་རིན་ཆེན་ཆོས་གཉེར་སྦས།། ཇི་སྲིད་སངས་རྒྱས་བསྟན་པ་མ་རྫོགས་པར།། དེ་སྲིད་གཏེར་གྱི་བསྟན་པ་རྫོགས་མི་སྲིད།། དེས་ན་གཏེར་གྱིས་འགྲོ་བ་དཔག་མེད་འདྲེན།། ཞེས་གསུངས་པ་ལྟར་ཨོ་རྒྱན་གྱི་སློབ་དཔོན་པདྨ་སམྦྷ་ཝས་གཙོས་པའི་ཟབ་གཏེར་ཆོས། སྨན། རྩིས། བོན་ལ་སོགས་པ་དཔག་ཏུ་མེད་པ་ཡོད་པ་ལས། བོན་པོ་དྲུག་རྩལ་གྱིས་བུམ་ཐང་རྩིས་ལུང་གི་ལྷ་ཁང་ནས་རྫོགས་ཆེན་གུ་རུ་བཞི་པ་ལ་སོགས་པའི་ཆོས་དང་། སྨན་དཔྱད་བདུད་རྩི་བུམ་པའི་སྐོར་རྒྱས་པ་སྤྱན་དྲངས། ཐང་ཡིག་ལས། ལ་སྟོད་བཙན་ཡུལ་བོན་ལ་གསོ་ནམ་བྱེད༔ འཛམ་གླིང་རྒྱལ་པོའི་དཔོན་བརྒྱུད་འབངས་མི་ནོན༔ ལྷོ་གཏེར་གཏེར་ཕྲན་འགའ་ཞིག་སྦས་པ་འདི༔ མི་བཞག་འདོན་པའི་རྟགས་དེར་བསྟན་ནས་བྱུང་༔ གཏེར་སྟོན་སྐུ་ཀུས་སྨན་པ་ཞེས་བྱ་འབྱུང༔ ཞེས་ཀུ་ས་སྨན་པར་གྲགས་པས་སྤ་གྲོ་བཅལ་སོགས་ནས་ཆོས། སྨན། བོན་གསུམ་གྱི་བབ་གཏེར་དུ་མ་བཏོན་ཅིང་། གཏེར་ཆེན་གཞན་ལས་ཀྱང་སྨན་དཔྱད་ཀྱིས་འགྲོ་དོན་རྒྱ་ཆེ་བ་འབྱུང་བ་དང་། བྱང་གི་ཕྱི་གོང་རུ་བ་འཚུབ་མས་འཁྱེར༔ ཞེས་པའི་དུས་རྟགས་ཐོག་བྱོན་པ་ཡུལ་སྟོད་ལུང་དུ་འཁྲུངས་ཤིང་རུས་བོན་ཡིན་པས་ཨ་ཡ་བོན་པོ་ལྷ་འབུམ་དུ་གྲགས་པས་སྨན་རྩིས་ཆོས་བོན་བཞི་ག་རུ་མཚམས་ནས་ཕྱུངས། ཐང་ཡིག་ལས། རྒྱ་གར་མ་ཕྱིན་ཀུན་ཀྱང་ལོ་ཙཱར་བཞེད༔ བོད་ཀྱི་མཁས་བཙུན་ཐམས་ཅད་ས་མཐར་འཁྱར༔ ཧོར་དང་ཡོན་མཆོད་ཁྲིམས་གསར་འབྲེལ་བ་ཡོད༔ ནང་ནག་ཕྱི་དཀར་དུད་ཁའི་སྙེ་མ་བཞིན༔བོད་ཀྱི་བསོད་ནམས་མར་མར་འགྲིབ་པའི་དུས༔ པདྨ་ཤེལ་ཕུག་སྦ་པའི་གཏེར་ཁ་འདི༔ མི་བཞག་འདོན་པའི་རྟགས་དེར་བསྟན་ནས་བྱུང་༔ གཏེར་སྟོན་ར་མོ་ཤེལ་སྨན་ཞེས་བྱ་འབྱུང་༔ ཞེས་དཔལ་ལྡན་ས་སྐྱ་བ་དང་ཧོར་རྒྱལ་ཡོན་མཆོད་ཐོག་མར་འབྲེལ་བའི་དུས་ཡར་སྟོད་ར་མོ་སྨན་ཆུར་འཁྲུངས་པ་འདིས། སྨན་ཆུའི་རྫོང་བྲག་རིའི་ཕུག་པ་ནས་བླ་རྫོགས་ཐུགས་གསུམ། གསོ་དཔྱད་དང་རྩིས་ཀྱི་སྐོར་མཐའ་ཡས་པ་ཐོན་ཀྱང་། ཐོག་མར་གསོ་རིག་དང་ཕན་བྱ་གནོད་བྱའི་སྐོར་མང་པོ་ཉམས་སུ་བླངས་པས། ཆོས་ཀྱི་འགྲོ་དོན་ཆེར་མ་བྱུང་ཞིང་། གསང་སྨན་སོགས་ཆུ་བཅོས་ཀྱི་སྐོར་དང་། འབམ་ནད་ལ་སྨན་དཀར་སྨན་ནག རྡོལ་ནད་སོགས་ཐོར་བུ་མ་གཏོགས་གཏེར་ཆོས་ཕལ་ཆེར་ཤོག་གསེར་ལས་འབེབས་མ་ཐུབ་པར་ལུས། ཆུ་དང་འབམ་གྱི་ཕྱག་ལེན་ནི་ད་ལྟའི་བར་མ་ཉམས་པར་ཡོད། གུ་གེ་འདམ་གྲོག་མཁར་བྱ་བ་ན་བུ་ཚ་མང་པོ་ལ་ཆུང་ནད་ཀྱི་གནོད་པས་འཇིགས་པར་གྱུར་པའི་ཚེ། བྱིས་པ་གཅིག་ལ་ནད་ལ་སོགས་པ་གང་ཡང་མ་བྱུང་བར་ཕ་མ་གཉིས་ཀྱིས་དེའི་རྒྱུ་མཚན་དྲིས་པས། བུ་ཚ་ན་རེ། ངེད་རང་གི་གྲོང་གི་དབུས་ན་ལ་རྫས་ཆེན་པོ་ཡོད་པ་དེ་གཡངས་གཡེངསཔའི་གསེབ་ནས་རྡོའི་བུམ་པ་ཞིག་དོན་པ་ཁ་ཕྱེ་བའི་ནང་ནས་ཤོག་དྲིལ་ལ་ཆོས་གཏུམས་པ་ཞིག་རྙེད་པ་ཉིན་མཚན་མེད་པར་བདག་གི་ལུས་ལ་བཅངས་པས་ཆུང་ནད་ཀྱི་རིགས་མ་བྱུང་ཟེར། དེར་ཕ་མས་སྔགས་རྙིང་མ་ལ་མཁས་པའི་བླ་མ་ཞིག་སྤྱན་དྲངས། ཤོག་སེར་སྤྱན་ལམ་དུ་ཕབ་པ་བླ་མས་གཟིགས་པས། མ་འོངས་པ་ན་གུ་གེ་འདམ་གྲོག་མཁར་འདིར་ཆུང་ནད་ཆེན་པོས་ཉེན་པའི་དུས། སྐལ་ལྡན་བྱིས་པ་གཅིག་གིས་གཏེར་འདི་རྙེད་ནས་འགྲོ་བ་ལ་ཕན་ཐོགས་པར་ཤོག ཅེས་སོགས་གཙོ་བོར་ཆུང་ནད་དང་། བསྲུང་བའི་སྐོར་ཆ་ཚང་འདུག་པས་ཤོག་སེར་ལས་ཕབ་སྟེ་འགྲོ་དོན་ཆེ་བར་བྱུང་། རྒྱ་གར་གྱི་གཏེར་སྟོན་བཛྲ་མ་ཏིས་བལ་ཡུལ་ལི་ཤནྟིའི་གནས་ནས་མཁའ་འགྲོའི་ཟབ་གཏེར་ངོ་མཚར་ཅན་རྣམས་གདན་དྲངས། ཚལ་གུང་ཐང་བ་གཞོན་ནུ་བསམ་གཏན་གྱིས་བལ་ཡུལ་དུ་བྱིན་པ་གཏེར་སྟོན་དང་མཇལ་ནས་གནང་པའི་ཆོས་སྐོར་དུ་གུ་རུ་པདྨ་ཕག་རྒོད་ལ་ཆིབས་པའི་རིམ་རིམསསྲུངས་བཅོས་ཐབས་ཀྱི་རྒྱུན་དང་། རིགས་འཛིན་རྒོད་སྡེམ་གྱིས་བྱང་གཏེར་ཐུགས་སྒྲུབ་ཀྱི་ཆ་ལག་སྨན་དཔྱད་སྐོར་ཤོག་དྲིལ་དཀར་སེར་སྔོན་པོ། སྣང་གསལ་སྒྲོན་མེ། བདུད་རྩི་བུམ་ཆུང་། རྡོ་རྗེ་ཁྲབ་རིང་སྐོར་གནད་ཀྱི་མན་ངག་གཉན་ཚད་བཅོས་ཐབས། ཁྱུང་ནག་སྐོར་ལ་ལྷོག་པའི་བཅོས་ཐབས་སོགས་སྤྱན་དྲངས་པས་མཚོན་གཏེར་མ་མཐའ་ཡས་ཤིང་། བདག་གི་བླ་མ་ངེས་པ་དོན་གྱི་ཐམས་ཅད་མཁྱེན་པ་ངག་དབང་བློ་བཟང་རྒྱ་མཚོའི་གསན་ཡིག་གངྒཱའི་ཆུ་རྒྱུན་དུ་བཞུགས་གྲས། སྤྲུལ་པའི་གཏེར་སྟོན་རྡོར་འབུམ་ཆོས་ཀྱི་གྲགས་པས་ཁོང་པའི་ནང་གི་སྙིང་ངམ་ཡིད་བཞིན་གྱི་ནོར་བུ་ལྟ་བུའི་དཔེ་དང་སྦྱར་པས་བདུད་རྩི་བུམ་ཆེན་གྱི་ཤོག་སེར་ཕལ་ཆེར་བྱང་སྤྲ་སྦྲདུན་རྩེའི་རྟ་མགྲིན་དྲེགས་པ་ཟིལ་གནོན་གྱི་ཐུགས་ཀ་ནས་སྤྱན་དྲངས་ཤིང་། ཁ་སྐོང་ཟུར་བཀོལ་བཀོདདུ་སྦས་པ་འགའ་ཞིག་བྱམས་སྤྲིན་རྡོ་སྐུའི་འོག་ནས་བཏོན་པ། ཕྱི་ལྟར་དཀར་ཆག་ཏུ་བསྟན་པ་རྩ་བ་མ་ཡིག་གི་སྐོར། ནང་པར་ཐེམས་ལྟར་བསྟན་པ་དགོངས་འགྲེལ་མདེ་ཐུང་སོགས་བུ་ཡིག་གི་སྐོར། དཀར་ཆག་དང་བར་ཐེམས་ལས་དངོས་སུ་མ་གསལ་བ་ཐེམས་མེད་ཀྱི་སྐོར། དེ་དག་ཉམས་སུ་ལེན་པ་ལ་ཉེ་བར་མཁོ་བ་དགོངས་གཏེར་གྱི་སྐོར་དང་བཞི། དང་པོ་ནི། གཏེར་གཞུང་དཀར་ཆག་ལས། གདམས་པ་བདུད་རྩིའི་བུམ་པ་ལ།། རྒྱུད་གསུམ་གྱད་ལྔ་སྲོག་གཏེར་གྱད།། གསང་མཛོད་འབྱེད་པའི་ལྡེ་མིག་ལྔ།། མཁའ་འགྲོ་གསང་བའི་སྙིང་ཁྲག་གཅིག། ཅེས་པ་ལྟར། རྒྱུད་གྱད་ལྔ། སྲོག་གཏེར། གསང་མཛོད་ལྡེ་མིག མཁའ་འགྲོ་གསང་བའི་སྙིང་ཁྲག ཡན་ལག་དང་དྲུག དང་པོ་ལ་འཆི་མེད་བདུད་རྩི་བུམ་པ་རྩ་རྒྱུད་གཞུང་ཡན་ལག་བརྒྱད་པ་ལེའུ་བཅུའི་བདག་ཉིད་ཅན། དོན་སྐོར་གསུམ་པ་ཞེས་བྱ་བ་འཇམ་དབྱངས་ཀྱི་ཐུགས་བཅུད་བརྟག་པ་སྤྱི་དང་ཁྱད་པར་དོན་རྟགས་གསུམ་དུ་མདོར་བསྡུས་པའི་རྩ་རྒྱུད་དང་དེའི་བཤད་རྒྱུད་སྔོན་འགྲོ་དངོས་གཞི་གསུམ་སྤྱི་བྱེ་བྲག་སོ་སོར་བསྟན་པ་སྣང་གསལ་ཉི་མའི་དཀྱིལ་འཁོར་ཏེ་རྩ་བཤད་འདི་གཉིས་རྒྱུད་གཅིག་ཏུ་བྱས་པ། གསང་བདག་གི་ཐུགས་བཅུད་ཕྱི་ནང་གསང་བ་བཟླས་སྔགས་བསྲུང་ཐབས་སྦྱིན་སྲེག་གཏད་རྒྱར་བཅས་པ་བཤད་རྒྱུད་གནམ་ལྕགས་རྡོ་རྗེའི་ཁྲབ་རིང་ཞེས་བྱ་བ་རྣམས། གཉིས་པ་གྱད་ལྔ་ཞེས་པ་དང་པོ་སྣོད་རུང་དབང་གི་གྱད་ནི། གཏོར་མའི་བཤོམས་དང་བདག་མདུན་དབང་ཚོགས་གཏོར་བསྔོ་ཕན་ཡོན་རྣམས་རྩ་བ་མདོར་བསྡུས་པ་བུམ་པ་འདེགས་པའི་གྱད། གཉིས་པ་མ་ལས་ལྷག་པ་བུའི་གྱད་ལ། ནང་གསེས་ཀྱི་དང་པོ་བསྲུང་བ་དང་གསོ་བའི་ཐབས་རྣམ་པ་ལྔས་བྱིན་ལོག་ལས་རྣམ་པར་རྒྱལ་པ་མ་ལས་ལྷག་པའི་བུ། གཉིས་པ་བསྲུང་བའི་ཞལ་འཕང་དང་བརྟག་ཐབས་གཉིས་བཅོས་ཐབས་བཞིས་གཟེར་ཐུང་ལས་རྣམ་པར་རྒྱལ་པ་ཞི་སྦྱོང་སྦྲགས་མ་མ་ལས་ལྷག་པའི་བུ། གསུམ་པ་ཁྱད་པར་དམིགས་པས་བསྲུང་བརྟགས་གསུམ་བཅོས་ཐབས་སྨན་དཔྱད་ཟས་སྤྱོད་རྣམས་ཀྱིས་ལྷོག་པ་ལས་རྣམ་པར་རྒྱལ་པ་བུར་འཇོམས། ཞི་སྦྱོང་སྦྲགས་མ་མ་ལས་ལྷག་པའི་བུ། བཞི་པ་ཐུན་མོང་རྫས་བསྲུང་བ་བརྟག་པ་སྤྱི་བྱེ་བྲག་གནས་རིགས་དབྱེ་བ་བཅོས་ཐབས་སྨན་དཔྱད་ཟས་སྤྱོད་སྔགས་རྣམས་ཀྱིས་གག་པ་ལས་རྣམ་པར་རྒྱལ་པ་ཞི་སྦྱོང་སྦྲགས་མ་མ་ལས་ལྷག་པའི་བུ། ལྔ་པ་རིགས་གསུམ་བསྲུང་ཐབས་ཕྱི་ནང་གསང་བ་འཁྲུ་མདོག་བཅུ་དང་བརྟག་པ་བཞི་གསོ་ཐབས་རྣམ་གསུམ་ལུས་ཟུངས་གསོས་ཏེ་རྒྱུ་གཟེར་ལས་རྣམ་པར་རྒྱལ་པ་ཞི་སྦྱོང་སྦྲགས་མ་མ་ལས་ལྷག་པ་བུའི་རྩ་བ། དྲུག་པ་རྒྱུ་རྐྱེན་རྟགས་རིགས་བཅོས་ཐབས་ལོག་གནོན་བསྲུང་བ་སྐམ་པ་རྗེས་སུ་རྗེས་གཅོད་ཕྱིར་མི་ལྡོག་པ་གཏར་ཁས་བཅོས་པ་རྣམས་ཀྱིས་འབྲུམ་བུ་ལས་རྣམ་པར་རྒྱལ་པ་མ་ལས་ལྷག་པའི་བུ། བདུན་པ་ངོས་འཛིན་བཅོས་ཐབས་སྙིང་པོར་དྲིལ་པ་བེག་གེའི་ནད་ལས་རྣམ་པར་རྒྱལ་པ་མ་ལས་ལྷག་པའི་བུ། འདི་རྣམས་ལ་བུའི་མིང་ཐོགས་ཀྱང་དོན་མ་ཡིག་གི་ཁོངས་སུ་བསྡུ་བ་ཡིན། གསུམ་པ་ཡང་གསང་སྦས་པ་མཛོད་ཀྱི་གྱད་ནི། སྤྱན་རས་གཟིགས་ཀྱི་ཐུགས་བཅུད་ཅོག་འགྱེལ་ནག་པོ་གསུམ་འདྲིལ་བཅོས་ཐབས་མདོར་བསྡུས་པ་འཆོར་བ་མེད་པའི་སྨན་དཔྱད་ལག་ལེན་བདུད་རྩི་བུམ་པའི་སྙིང་པོ་སྨན་གྱི་གཏོང་ཐབས་དང་བཅས་པ་གསལ་བའི་སྒྲོན་མེ། བཞི་པ་འཆི་མེད་གྲུབ་པ་སྲོག་གི་གྱད་ནི། ཧ་ལ་ལྕོག་ཅོགའགྱེལ་ཞིང་ཞེསབྱ་བའི་ནད་གདོན་བཅོས་ཐབས་རྒྱལ་དབང་པདྨའི་མགུར་ལས་སྲོག་གཏེར་ཆེན་པོའི་སྦྱོར་བ་ཉེ་བའི་རྒྱུ་རྐྱེན་རྩ་ཆུ་མཐོང་བ་སྒྲ་གསང་རྟགས་དྲུག་ངོས་འཛིན་འཕྲུལ་གྱི་མེ་ལོང་བཅོས་ཐབས་བསྡུ་བསད་སྦྱང་བ་སྡོང་ཟླ་བསད་པ། ལྔ་པ་གསང་བ་སྙིང་ཁྲག་གདམས་པའི་གྱད་ནི། རབ་གནས་བདུད་རྩི་སྨན་སྒྲུབ་རྒྱུན་མཆོད་བཤོམས་སོགས་སྔོན་འགྲོ་དང་ཁྲོལ་བུ་ཕྱེ་མ་རིལ་བུ་སོགས་དངོས་གཞི་དང་རྗེས་གསོ་བསྲུང་ཕན་ཡོན་རྣམས། རྩ་བའི་གསུམ་པ་སྲོག་གཏེར་གྱི་གྱད་ནི། ཇི་སྐད་དུ། ལོག་གནོན་སྲོག་གི་ཀ་ཆེན་འདི།། གུད་དུ་བཀོལ་པའི་རྒྱུད་ཅིག་ཡིན།། ཞེས་པ་ལོག་གནོན་ཆོངས་ཀྱི་ཤོག་དྲིལ་མཁའ་འགྲོའི་ལུང་བསྟན་ཡང་གསང་སྲོག་གི་ཀ་ཆེན་སུམ་སྒྲིལ་རྟ་ཞོན་འཇུག་སྒོ་འགྲིམས་གསང་གནས་ཡུལ་རྫོང་བསྲུང་རྟགས་གསོ་བ་འཆི་འཚོའི་བརྟག་རྗེས་རྣམས་ཚང་བ་བརྒྱུད་འཛིན་རེ་རེར་མཐར་ཐོན་པར་ཤོག་ཅིག་པའི་སྨོན་ལམ་དང་བཅས་པ། རྩ་བའི་བཞི་པ་གསང་མཛོད་འབྱེད་པའི་ལྡེ་མིག་ལྔའི་དང་པོ་གསང་མཛོད་སྒོ་འབྱེད་གཏེར་སྲུང་ལ་གདམས་གཏད། གཉིས་པ་གཅེས་པ་བཅོ་བརྒྱད་དང་བསྔགས་པ་དགུའི་བསྡུས་དོན་ཁོག་འབུབས། གསུམ་པ་ལས་ཀྱི་མཐའ་བསྒྱུར་ཟུག་གཟེར་གཅག་གཅོགཔའི་ལྡེ་མིགབཞི་པ་ལུད་པ་འགྱུར་དུ་མ་འདོད་ན་འཕྲུལ་འཁོར་ཆེན་མོའི་སྦྱོར་བ་གདམས་པ་གནད་ཀྱི་ཡིག་ཆུང་གསང་སྒོ་འབྱེད་པའི་ལྡེ་མིགལྔ་པ་འཁོར་ལོའི་ལྡེ་མིག་གནད་ཀྱི་ཉིང་ཁུ་བཅུས་བསྟན་པ། རྩ་བའི་ལྔ་པ་མཁའ་འགྲོ་གསང་བའི་སྙིང་ཁྲག་ནི། གླེང་གཞི་རྒྱུ་རྐྱེན་དབྱེ་བ་བརྟག་པ་བཅོས་པ་སྨན་དཔྱད་རྩ་རྒྱུགས་ཚ་བ་གྲང་བ་ལུས་ཟུངས་མཁྲིས་གསུམ་ཤ་གཡའ་སྟེ་ལེའུ་བཅུ་གཉིས་སྡོམས་དང་བཅས་པ་གཡའི་བདུད་རྩི་མ་ལྷ་མོའི་ཁྲག་དར་ཡ་ཀན་ཞེས་བྱ་བ་བུམ་པ་འདེགས་པའི་གྱད། དེའི་ཞར་བྱུང་མཁའ་འགྲོའི་སྙིང་ཁྲག་དྲུག་ཤིན་ཏུ་གཅེས་པའི་ཡང་སྙིང་ལྷ་མོའི་སྙིང་ཁྲག་འབྱེད་པའི་ལྡེ་མིག་རྣམས། རྩ་བའི་དྲུག་པ་ཡན་ལག་ནི། ཡང་གསང་སྦས་པའི་མཛོད་ཆེན་ལ། དཔའ་བོ་གྱད་ཀྱི་རལ་སྐོར་ཡོད། ཅེས་གོང་དུ་བསྟན་པའི་གྱད་ལྔའི་ནང་ཚན་གྱད་གསུམ་པའི་ཡན་ལག་སྒོ་བསྲུང་གི་ཚུལ་དུ་ལོག་གནོན་གྱད་ཀྱི་སྦྱོར་བ་རླུང་མཁྲིས་བད་ཀན་ཁྲག་གྲང་བ་སྲིན་བུ་འདུས་པ་སོགས་གཉེན་པོ་སྦྱོར་བ་ཁྲག་འཐུང་པད་མ་རྒྱལ་པོས་ཡུམ་ལ་ཆིག་ཆོད་དུ་གཏད་རྒྱར་སྦས་བཅོལ་བཀའ་ཟབ་རྒྱས་བཏབ་སྨོན་ལམ་དང་བཅས་པ་གནམ་ལྕགས་གྱད་ཀྱི་རལ་སྐོར་ཞེས་བྱ་བ་གཏེར་སྲུངས་རྒྱལ་པོ་སྡེ་བཞི་དང་ཡང་ལེ་བེར་ལ་གཏད་པའི་སྨོན་ལམ་དང་བཅས་པ། ལག་ལེན་བདུད་རྩིའི་འཕྲེང་བ་ཡོད། ཅེས་པ་གྱད་ལྔའི་ནང་ཚན་བཞི་པའི་ཆ་ལག་ཏུ་ཧ་ལ་ཅོག་འགྱེལ་བཅོས་ཐབས་ཆིག་རྒྱུད་ཐབས་ཤེས་གསུམ་དཔའ་བོ་བཞི་ཁྱུང་ལྔ་དཀར་པོ་དྲུག་གྷི་ཧཾ་བདུན་དྲི་ལྡན་བརྒྱད་སེར་པོ་དགུ་སྦྱོར་སྤྱི་དོན་བརྒྱད་ཀྱི་མཐར་ཐུག་པ་བདུད་རྩི་རིལ་བུའི་འཕྲེང་བ་མཁར་ཆེན་བཟའ་ལ་གདམས་པ་འདི་ཡན་གྱིས་མ་ཡིག་དཀར་ཆག་གི་ཚིག་གིས་ཟིན་པ་རྣམས་རྫོགས་ནས། རྩ་བའི་གཉིས་པ་ནང་པར་ཐེམས་ལྟར་བསྟན་པ་དགོངས་འགྲེལ་མདེ་ཐུང་སོགས་བུ་ཡིག་གི་སྐོར་ལ། སྤྱི་དང་ཁྱད་པར་གཉིས། དང་པོ་སྤྱིར་བསྟན་པ་ལ། བཤད་རྒྱུད་ཀྱི་སྦྱིན་སྲེག་རྩ་ཚིག་རྐང་པ་བཅུའི་འགྲེལ་བ་ཇོ་མོས་མཛད་པ། རྒྱུ་གཟེར་བསྲུང་བ་ཕྱི་ལྷ་སྔགས་གསང་བ་བསྲུང་བ་རྒྱས་བསྡུས་ནང་སྨན་སྔགས་བཅོས་ཐབས་རྩ་ཚིག་གི་མཇུག་རྒྱུ་གཟེར་ལས་རྣམ་པར་རྒྱལ་པ་ཞི་སྦྱོང་སྦྲགས་མའི་འགྲེལ་བ། བུ་ཡིག་ལ་ནང་གསེས་ཀྱི་གྱད་ལྔར་ཕྱེ་བའི་དང་པོ་གཏེར་སྟོན་ལ་ཞལ་གདམས་བདག་འཇུག་གི་དོན་དང་བཅས་པ། གྱད་གཉིས་པ་བྱིན་ཆུང་གསོ་བ་འཕྲུལ་གྱི་ཡང་ཞུན་གྱི་མདེ་ཐུང་ཞེས་བྱ་བ། གྱད་གསུམ་པ་བདུད་རྩི་སྲོག་གཏེར་ཆེན་པོ་དཔའ་རྒོད་ལོག་གནོན་འཆི་བ་བླུ་བྱེད། གྱད་བཞི་པ་ཆུ་ལ་བརྟག་པ་དེའི་སད་མདའ་གདོན་ངོས་འཛིན་པའི་གདམས་པ་དང་བཅས་པ། གྱད་ལྔ་པ་ལྷ་དགུའི་སྦྱོར་བ་རི་ལུ་བྱུག་པ་ཕུར་མ་གསུམ་གྱི་གཅེས་པའི་ཤོག་དྲིལ། རྫས་ལ་ནུས་པ་བསྐྱེད་པ་དཔའ་བོའི་གོ་ཆ་རབ་གནས་མངའ་གསོལ་གྱི་མདེ་ཐུང་སྲོག་གི་ཀ་ཆེན་ལ་ནང་གསེས་ཀྱི་མདེ་ཐུང་དགུ་ཡོད་པའི་དང་པོ་ནང་དུ་ཟུག་གུ་རྔུགཟུད་པའི་མདེ་ཐུང་། གཉིས་པ་ཕུར་མས་བསྲུང་བའི་མདེ་ཐུང་། གསུམ་པ་བྱུག་པས་གསོ་བའི་མདེ་ཐུང་། བཞི་པ་ཀླད་གཟེར་རྟགས་འཆོས་འཚོ་འཆི་བརྟག་ཐབས་དང་བཅས་པ་གསལ་བྱེད་ཉི་མའི་སྙིང་པོ་ཐུན་མོང་མ་ཡིན་པའི་མདེ་ཐུང་། ལྔ་པ་སྟོད་བབས་ཀྱི་གཟེར་ཐུང་བཅོས་ཐབས་བསིལ་བྱེད་ཟླ་བའི་བདུད་རྩི་ཞེས་བྱ་བའི་མདེ་ཐུང་། དྲུག་པ་སྨད་བབས་ཀྱི་རྒྱུ་གཟེར་རྒྱ་ནད་བཅོས་པའི་མདེ་ཐུང་། བདུན་པ་གག་པའི་བཅོས་ཐབས་གག་ཁྲག་སྐྱུགས་ཀྱི་མདེ་ཐུང་། བརྒྱད་པ་ལྷོག་པའི་བཅོས་ཐབས་ཚིག་དོན་བཅུ་བཞི་པ་དངོས་སུ་བསད་པའི་མདེ་ཐུང་། དགུ་པ་བསྲུང་བ་མེ་ཀློང་ཐོང་ཐོདཔའི་མདེ་ཐུང་། མ་དང་འདྲ་བའི་བུ་བརྒྱད་ཀྱི་ཤོག་དྲིལ་ལ་ནང་གསེས་ཀྱི་དང་པོ་ཚད་རིམས་ཆམ་པའི་ནད་བདག་མོའི་སྲོག་སྔགས་བསྲུང་བའི་མདེ་ཐུང་། གཉིས་པ་རྒྱ་ནད་རྒྱུ་གཟེར་ནད་བདག་མོའི་སྲོག་སྔགས་བསྲུང་བའི་མདེ་ཐུང་། གསུམ་པ་འགྲོས་བཞི་བྱིན་ཆུང་ནད་བདག་མོའི་སྲོག་སྔགས་བསྲུང་བའི་མདེ་ཐུང་། བཞི་པ་རྒྱ་ནད་མིག་སེར་བདག་མོའི་སྲོག་སྔགས་བསྲུང་བའི་མདེ་ཐུང་། ལྔ་པ་ས་ནད་གག་ལྷོག་ནད་བདག་མོའི་སྲོག་སྔགས་བསྲུང་བའི་མདེ་ཐུང་། དྲུག་པ་འབྲུམ་ནག་གོ་ཤོལ་ནད་བདག་མོའི་སྲོག་སྔགས་བསྲུང་བའི་མདེ་ཐུང་། བདུན་པ་ཐབས་ཤེས་ཉི་ཟླ་འཁོར་ལོར་འདྲི་བའི་མདེ་ཐུང་། བརྒྱད་པ་འཚོ་རྒྱལ་ལ་གདམས་པའི་མདེ་ཐུང་། སྙིང་ཁྲག་གི་དགོངས་པ་ལ་གབ་པ་གཏེར་གྱི་ཡང་ཞུན་རུས་དར་ཡ་ཀན་ཞེས་བྱ་བ་གླེང་གཞི་སྤྱི་སྡོམ་མཚན་ཉིད་བཅོས་ཐབས་ལེའུ་གཞིར་ཕྱེ་བ། གླེང་གཞི་ཆུང་གསུམ་བསྐྱེད་པར་རང་བསྲུང་སྒོ་འབྱེད་དེ་དྲུག་ཏུ་འདུས་པ་ཤ་དར་ཡ་ཀན་ཞེས་བྱ་བ། ཟླ་ཟིལ་དར་ཡ་ཀན་ཞེས་གླེང་གཞི་རྩ་སྦྱོང་བསྲུང་བ་ནད་སེལ་ཚེ་སྒྲུབ་སྟེ་ལེའུ་དྲུག་ཏུ་ཡོན་ཏན་བརྗོད་པ། གྱད་ཀྱི་རལ་སྐོར་གྱི་ཆ་ལག་ཏུ་གཏོགས་པ་ནང་གསེས་ཀྱི་དང་པོ་དོན་སྣོད་ཁ་འཛིན་དུ་བསྡེབས་པ་ཡང་གསང་སྦས་མཛོད། གཉིས་པ་འཛུམ་ཁ་རྩེག་འཆོས་པ་བརྟག་ཐབས་གསོ་བ་སྤྱོད་ལམ་བསྟན་པ་སྙིང་པོ་བདུད་རྩི་འཆི་མེད། གསུམ་པ་ཁོག་འབུབས་རྩ་ཆིངས། བདུད་རྩི་འཕྲེང་བ་བཞི་ལ་ངར་འདོགས་ཀྱི་གདམས་པ་བདུད་རྩི་རྦ་ཀློང་ལ་ནང་གསེས་ཀྱི་དང་པོ་གསོ་བ་དྲག་པོ་ཀུན་འདུལ། གཉིས་པ་སྲོག་འཛིན་འཆི་མེད་ཀྱི་སྦྱོར་བ་དཔའ་བོ་བདུན་སྦྱོར་གཉན་ནད་འཇོམས་པའི་བདུད་རྩི། གསུམ་པ་བད་ཀན་གྲང་རིམས་བརྟག་འཆོས་བདུད་རྩི་འཆི་གསོས། བཞི་པ་མི་རྟ་ཆ་གཅིག་ཁ་འཛིན་དངུལ་ཆུའི་སྡེབས་སྦྱོར། ལྔ་པ་མཁྲིས་པ་རླུང་གྱུར་གསོ་ཐབས་ཐུན་མོང་མ་ཡིན་པའི་ནོར་བུ། དྲུག་པ་ཁོང་ལྷོག་ནག་པོ་ཅོག་འགྱེལ་ལོག་གནོན་རྒྱུ་རྐྱེན་བརྟག་གསོ་ཕྲད་ཤོག་གི་མཐའ་ཅན་ཁཎྡྲི་གའུ་མ་སྟེ། སྡེ་བརྒྱད་ལ་གཏེར་དུ་གཏད་པ། གཉིས་པ་ཁྱད་པར་སྦས་དོན་གྱི་སྐོར་ནི། ཨོ་རྒྱན་ཆེན་པོས་མངའ་བདག་ལ་གདམས་པ་བསམ་ཡས་བཞེངས་ནས་ཞེས་སོགས་གླེང་གཞི་ནས་བཟུང་སྟེ་སྡེ་ཚན་གཅིག་ཏུ་སྤྱི་བྱེ་བྲག་ཁྱད་པར་གསུམ་དུ་ཕྱེ་ནས་གསུམ་བརྟག་པ་ཕྱི་ནང་གསང་བའི་བསྲུང་ཐབས་གསོ་ཐབས་ལ་རྩ་བ་ཡན་ལག་ལ་ཁ་འཛིན་ལོག་གནོན་དང་མཐར་སྨོན་ལམ་ཕྲད་ཤོག་དང་བཅས་པ། རྩ་བའི་གསུམ་པ་དཀར་ཆག་བར་ཐེམས་ལས་དངོས་སུ་མ་གསལ་བ་ཐེམས་མེད་སྐོར་ལ། གྱད་བཞིའི་དཔོན་པོ་ལུས་སྲོག་བསྲུང་བའི་གོ་ཆ་ཆིག་རྐྱ་ཐུབ་པ་འཁོར་ལོའི་གྱད། ཤིན་ཏུ་གཅེས་པའི་སད་མདའ་ལྔ་པོ་ཕྱི་སོ་སོར་ལེན་པ་གསུམ་དང་། མགྱོགས་པའི་རྟ་བཞི་ལ་ཚོད་ཆེན་མི་གསུམ་བསྐྱོན་པའི་གདམས་པ་ནང་ཡན་ཕུགས་ཚོལ་གྱི་ལྡེ་མིག རྒྱལ་པོ་དྲུག དམངས་དྲུག བློན་པོ་གཉིས། དར་བསྐྱེད་དང་བཅས་པས་རིམས་བསྲུང་བ་ཉི་མའི་འོད་ཟེར་བུམ་པ་འདེགས་པའི་གྱད། དོན་ཏིག་ཤོག་དྲིལ་བཅུ་གསུམ་བདུད་རྩི་བུམ་པའི་སྙིང་པོ་ལ། དང་པོ་ལྷོག་པ་ཁོག་གསོད་ཀྱི་ཤོག་དྲིལ་གཉིས་པ་གཉན་ཚད་འཇོམས་པའི་ཤོག་དྲིལ། གསུམ་པ་གག་པ་སྐྱུགས་འདྲེན་གྱི་ཤོག་དྲིལ། བཞི་པ་མིད་འཆུས་སེལ་བའི་ཤོག་དྲིལ། ལྔ་པ་དམར་ཤལ་བཤལགསོ་བའི་ཤོག་དྲིལ། དྲུག་པ་བྱིན་ལོག་གསོ་བའི་ཤོག་དྲིལ། བདུན་པ་དངུལ་ཆུས་ལྷོག་པ་གསོ་བའི་ཤོག་དྲིལ། བརྒྱད་པ་སྟོད་གཟེར་གློ་ཚ་འཇོམས་པའི་ཤོག་དྲིལ། དགུ་པ་དཔའ་བོ་རྐྱང་འདེད་ཀྱིས་གག་ལྷོག་འཇོམས་པའི་ཤོག་དྲིལ། བཅུ་པ་གཞན་གྱིས་བཅོས་ཉེས་པ་ལ་སྦྱོང་གི་ཤོག་དྲིལ། བཅུ་གཅིག་པ་ལྷོག་པ་དངོས་སུ་བསད་པའི་ལོག་གནོན་ཕག་ནག་ལྕགས་འཇིབ་ཀྱི་ཤོག་དྲིལ། གཉན་ནད་མ་ལུས་སེལ་བ་འཁྲུད་པ་བདུད་རྩིའི་ཆུ་རྒྱུན་འཆི་བ་ལས་སློང་བ་ཁྱད་པར་འཕགས་པའི་གདམས་པ། རང་བསྲུང་དང་སྦྱོང་གི་ཞལ་ཤེས་དཔའ་བོ་བཞི་སྦྱོར་གྱི་གདམས་པའི་ཆ་ལག་དང་དྲི་ཆུ་བར་པ་ལ་བརྟེན་པའི་བསྲུང་བ། སྨན་གྱི་ཕྱག་ཚད་བསྟན་པའི་མདེ་ཐུང་། ཕོ་མོ་བཅོས་ཐབས་རིགས་གསུམ་གྱི་ངོས་འཛིན་སོ་སོའི་གསོ་བྱེད་རྗེས་ཀྱི་སྤྱོད་ལམ་དང་བཅས་བསྟན་པའི་མདེ་ཐུང་། བྱིས་རིམས་བཅོས་ཐབས་འཁྲུ་ལུགས་ལྔ་གསོ་ཐབས་ལྔ་རྗེས་གཅོད་རྒྱུ་མའི་རྩིག བསྲུང་བ་སོགས་བསྟན་པའི་མདེ་ཐུང་སྙིང་ལྟ་བུ། བྱིས་རིམས་འཆོས་པའི་ལག་ལེན་གསལ་བ་དངུལ་གྱི་མེ་ལོང་། བསིལ་སྦྱོར་ཆེན་མོ་ཚ་བ་མེ་ལྟར་འབར་བའི་གཉེན་པོ་སྙིང་ལྟ་བུའི་ཤོག་དྲིལ་ཐུན་མོང་མ་ཡིན་པའི་མདེ་ཐུང་། སྨིན་མཚམས་སུ་གཡུང་དྲུང་རིས་སྒོམ་པ་སོགས་དམིགས་པས་བསྲུང་བ་རྡོ་རྗེའི་ཁྲབ།ཧ་ལ་ཅོག་འགྱེལ་རྒྱུ་རྐྱེན་བརྟག་ཐབས་གསོ་ཐབས་གཉེན་པོ་བཞིས་བསྟན་པ་འཆི་བ་དུས་བཏབ་ངེས་པར་གསོས་པ་བདུད་རྩི་འཆི་གསོས། ཟས་སྤྱོད་སྨན་གྱི་སྤྱང་ཀིའི་ངོས་འཛིན་སོགས་གདམས་པ་ལག་ཏུ་བླང་བའི་ཤོག་དྲིལ་མཐར་དར་བའི་སྨོན་ལམ་གྱི་སྒོ་ནས་རྒྱས་བཏབ་པ་རྣམས་སོ།། དེ་ཡང་ཆོས་རྒྱལ་བཀྲ་ཤིས་སྟོབས་རྒྱལ་གྱིས། ཤིན་ཏུ་དཀོན་པའི་ཚིལ་བུ་དར་ཡ་ཀན་ཞེས་གསུངས་པའི་ཚིལ་བུ་དར་ཡ་ཀན་དང་གཞན་ཡང་ཡིག་སྣ་འགའ་ཞིག་ཡོད་ཚོད་དུ་འདུག རྩ་བའི་བཞི་པ་དེ་དག་ཉམས་སུ་ལེན་པ་ལ་ཉེ་བར་མཁོ་བ་དགོངས་གཏེར་ཆོས་རྒྱལ་བཀྲ་ཤིས་སྟོབས་རྒྱལ་གྱིས་ལེགས་བསྒྲིགས་ལ་ལྷ་སྒོམ་ཁ་བརྒྱན་དཔག་བསམ་ལྗོན་ཤིང་། འཛབ་དགོངས་མགུལ་རྒྱན་པཉྪ་ལི་ཀ སྦྱིན་སྲེག་ཁ་རྒྱན་རྨ་བྱའི་མདོངས། རྫས་འཁོར་གྱི་གང་ཟག་རེ་རེ་དང་ཡུལ་ཁམས་བསྲུང་བའི་སྡོམས་དང་གཏེར་སྟོན་འབྱུང་ཚུལ་སོགས་ཡིག་སྣ་རྣམས་ནས་ཁོལ་བུར་ཕྱུངས་པ་དང་གཅེས་པ་བཅོ་བརྒྱད་ནས་ཁོལ་བཏོན་མང་ཡུལ་བྱམས་སྤྲིན་མའི་ཤོག་དྲིལ་གྱི་དོན་ཟུར་གྱི་བསྟན་པ། ཁྲབ་རིང་བཤད་རྒྱུད་དང་། འཁོར་ལོ་གྱད་དང་ཁྱུང་དང་འཁོར་ལ་ཕྱག་རྒྱའི་ཡང་ཏི་ཉི་ཤུ་མདེ་ཐུང་གནད་ཀྱི་ཉིང་ཁུ་སོགས་ཀྱི་ཞལ་ཤེས་གསལ་སྒྲོན། ཆིག་རྐྱ་ཐུབ་པའི་འཁོར་ལོ་ཁྱུང་གསུམ་མའི་གྱད་ཀྱི་ཕྱག་ལེན་སྐོར། བདུད་རྩི་བུམ་པའི་འཕྲུལ་གསང་སྔགས་བྱང་མཐོང་ཆོག་མ། རྣམ་དག་དབང་གི་ཆུ་རྒྱུན་བུམ་བཅུད་མའི་དབང་ཆོག་བདག་གི་བླ་མ་ལྔ་པ་ཆེན་པོའི་དབང་ཆོག་གསལ་བྱེད་བདུད་རྩིའི་ཟླ་སྣང་རྣམས། སྤྲུལ་སྐུ་དམ་པ་དམར་པོས་སྦ་གྲོ་བཙལ་གྱི་བྲག་སེང་གེའི་ཁོག་པ་འདྲ་བའི་ཕ་བོང་སྡིག་རུ་ཅན་གྱི་རྩ་བ་ནས་སྤྱན་དྲངས་པའི་དངོས་གྲུབ་ཀུན་གྱི་རྩ་བ་བདུད་རྩི་ཆེན་པོའི་བཅུད་ལེན་གྱི་སྐོར་ལ། བདུད་རྩིའི་བྱིན་རླབས་དང་། ལུང་བདུད་རྩི་འབྱུང་བའི་རྒྱུད་ལེའུ་ཉེར་གཅིག་པ། འགོར་སློབ་དཔོན་ཆེན་པོའི་མཚན་གྱི་རྣམ་གྲངས་བསྟན་པའི་བདུད་རྩིའི་ལག་ལེན་རིན་ཆེན་འཕྲེང་སྦྱོར། བདུད་རྩི་དྲི་ཆེན་གྱི་སྒྲུབ་ཐབས་ཚེའི་གདམས་པ་ཁྱད་པར་འཕགས་པའི་མན་ངག་མི་ཤེས་འཕྲང་སྒྲོལ་གཅེས་པའི་ལག་ལེན་མདོར་བསྡུས་རྫོགས་སོའི་མཐའ་ཅན། བདུད་རྩི་ལུང་འབོགས་པ་ཞར་བྱུང་མཆོད་རྫས་དཀའ་ཐུབ་ཀྱི་དབྱེ་བ་སྦྱང་བྱ་རྫས་ཀྱི་སྒོམ་ཐབས་བཅས་སྟོན་པ་དོན་རྟོགས་ཤོག་གི་མཐའ་ཅན། བཅུད་ལེན་ལག་ཏུ་བླངས་པའི་ཞལ་གདམས་དཀའ་ཐུབ་དང་བསྲུང་བའི་སྐྱོབས་ཀྱི་དབྱེ་བ་བསྲུང་བར་བགེགས་སྐྲོད་བྱ་ཚུལ་བླ་མ་དམ་པའི་གདམས་ངག་རྫོགས་སོའི་མཐའ་ཅན། བདུད་རྩི་མར་དུ་དྲངས་པའི་གདམས་པ་ཞེས་པ་འཇམ་དཔལ་ཟླ་གསང་ལས་རྫས་ཀྱི་བསྲུང་བ་དང་བཅུད་ལེན་བྱ་ཐབས་ཞར་བྱུང་ཕན་ཡོན་ནག་པོ་དགུ་ཐུབ་ལ་བརྟེན་ནས་བདུག་པ། བྱུག་པ། རིལ་བུ། ཕུར་མ་སོགས་ཀྱི་ཁ་བསྒྱུར་བསྟན་པ། བདུད་རྩི་མར་ཁུའི་གདམས་པ་རྣམ་པར་སྣང་མཛད་མར་ཁུ་བཅུད་འབྱུང་བའི་ཐབས་ཞེས་པ་ལག་ལེན། རྫས་སྔགས་ཀྱི་ཁ་བསྒྱུར། སྤང་བྱ། ཟ་བའི་ཚད། ཕན་ཡོན་མདོག་ལེགས་པར་བྱ་བ་དང་བཅས་སྟོན་པ། བདུད་རྩི་མར་ཁུའི་གདམས་པ་དོན་བདུན་གྱིས་བསྟན་པ་མཁས་ཁྱད་མན་ངག་གི་ཡིག་ཆུང་རྫོགས་སོའི་མཐའ་ཅན། གདོན་དང་ནད་སོགས་བརྟགས་ཏེ་གེགས་སེལ་པའི་ཐབས་སྨན་གྱི་འཕྲང་བསལ་རྫོགས་བྱང་གི་མཐའ་ཅན། ཞར་བྱུང་གནས་སྐབས་མཐར་ཐུག་གི་ཕན་ཡོན་སྐུ་གསུམ་གྱི་གྲོལ་ཚུལ་དང་བཅས་པ་གུ་རུས་མཛད་པ་བོའི་མཐའ་ཅན་རྣམས། མངའ་བདག་ཉང་རལ་བ་ཅན་གྱི་ཟབ་གཏེར་དཔའ་བོ་ལྷ་གསུམ་སྐོར་གྱི་ལས་ཚོགས་རྣམ་བརྒྱད་ཀྱི་གྲས་ལ། སྨྱོ་འབོག་འདུལ་དང་སྲིའུ་གསོ༔ མཛེ་ནད་གསོ་དང་སེར་བ་བཟློག༔ ཅེས་པ་ཙམ་ཞིག་དང་། དྲག་སྒྲུབ་ལས་ཚོགས་སུ། ཡམས་ནད་བཟློག་པ། སྲིའུ་གསོ་ཐབས། གཟའ། མཛེ། ལྷོག གཟེར་སོགས་གཉན་ནད། དུག་ནད་རྣམས་འཆོས་པ། སྨྱོ་འབོག་འདུལ་བ། བྱིས་ནད་འཆོས་པ། ཀླད་གཟེར། བལ་ནད། ཁྱི་སྨྱོན། ཕོ་མཆིན་ན་བ། སྐྲན་ནད་རྣམས་འཆོས་པ། ཆུ་འགགས་སེལ་བ། འདྲེས་གནོད་པའི་ནད་པ་གསོ་བ། ལིང་ཏོག་དང་མིག་ནད་སེལ་བ། ལྷོག་རོ་བཤའ་བ་ལ་སོགས་པ་དང་། བདུད་རྩི་འོད་ལྡན་གྱི་རྒྱུད་ལེའུ་དྲུག་ཅུ་པ། གུ་རུ་ཆོས་ཀྱི་དབང་ཕྱུག་གིས་གཏེར་ཁ་བཅོ་བརྒྱད་ཀྱི་དང་པོ་གནམ་སྐས་ཅན་ནས་སྨན་དཔྱད་གཞུང་གཅིག མན་ངག་གསུམ། དྲང་སྲོང་ཉེར་གཅིག་གི་དགོངས་འདུས་གཞུང་སྙིང་ཏིག་རིན་པོ་ཆེའི་ཁྲི་མཛོད་བདུད་རྩིའི་བུམ་པ་ལེའུ་ཉི་ཤུ་ཐམ་པ་རྣམས་གཏེར་ནས་བཞེས་པ་ལས་གསན་ཡིག་གངྒཱའི་ཆུ་རྒྱུན་དུ་བཞུགས་པ། བདུད་རྩི་སྨན་སྒྲུབ་བུམ་པའི་རྒྱ་ཅན་ལ་ནང་གསེས་ཀྱི་མན་ངག་ཚན་དོན་བཀོལ་པ། སྨན་གྱི་སྔགས་བྱང་། སྨན་སྒྲུབ། སྔགས་འགྲེལ་རྣམས་ཆོས་སྡེ་གཅིག དེའི་ཁ་སྐོང་ཞི་བའི་ལས་བྱང་། སྨན་གྱི་ལས་ཚོགས་ལ་ནང་གསེས་དགུར་བཤད་པའི་དང་པོ་གང་ལ་དགོངས་ནས་བཤད་པ། གཉིས་པ་བདུད་རྩི་ལྔ་སྤྱོ་སྤྱིསྒྲུབ་ཀྱི་སྦྱོར་བ་ལ་བདུད་རྩིའི་ཁ་བསྒྱུར་ལ་བརྟེན་ནས་རིམས་དུག ཁྲག་འཁྲུགས། མཆིན་པ། གློ་བ། སྙིང་། མཁལ་མ། མཁྲིས་པ། མཆེར་པ། རྒྱུ་ལོང་། མཛེ་རྣམས་ཀྱི་ནད་སེལ་པ། སྐྲ་དང་སྨིན་མ་སྐྱེ་བ། འབྲུམ་བུ་གསོས་པ། གོས་མི་དགོས་པ། རྐང་མགྱོགས། རྐང་པ་མི་གས་པ། ཐོག་སེར་འབེབས་པ་རྣམས། གསུམ་པ་བྱེ་བྲག་སོ་སོའི་སྦྱོར་བ་ལ་ལུས་སྨིན་ཅིང་རྫོགས་པ། རུས་པ་མཁྲེགས་པ། སོ་ཚགས་དམ་པ། སྲིའུ་སྐྱེ་བ། ཕྱི་མ་རྡོ་རྗེའི་རིགས་འགྲུབ་པ། མཆོག་གི་བཅུད་ལེན། མཛེ་རླུང་སེལ་བ། ཤ་སྐྱེ་བ། ཕྱི་མ་རིན་ཆེན་རིགས་འགྲུབ་པ། སེམས་གསལ་བ། གྲང་བ་མི་སྐྱེ་བ། འབྲུམ་ནད། རྒྱུ་རིམས་ཐུབ་པ། ཕྱི་མ་པདྨའི་རིགས་འགྲུབ་པ། བཀྲག་བཟང་བ། དུག་རིགས་ཐུབ་པ། ཕྱི་མ་ལས་ཀྱི་རིགས་འགྲུབ་པ། བཞི་པ་དྲི་ཆེན་རྒྱལ་བློན་དམངས་སྦྱོར་ལ། རྩ་བ་རྒྱལ་པོ་ལྟ་བུ། ཁ་བསྒྱུར་བློན་པོ་ལྟ་བུ། ཞག་ཉེར་གཅིག་བསྟན་པས་ཀླུ་ནད། གག་ལྷོག གློ་གསར་རྙིང་། འབྲུམ་ནད། མིག་ནད། ཟ་རྐོང་། དུག་ནད། སྦྱར་དུག་རྣམས་སེལ་བ། དམངས་བདུད་རྩི་སྤྲུལ་པ། འདུལ་བ། སྤེལ་པ། དབྱུང་བ། གྲང་རླུང་སེལ་བ། མིག་གསལ་བ། བཅུད་མི་འཆོར་བ། རྩ་མིག་ཏུ་འགྲོ་བ། དྲོད་སྐྱེ་བ། རིལ་བུ། ལྡེ་གུ། ཟན་ཚོད། ཐུག་པ། ཆང་། སྨན་མར། ཟན་དྲོན། འོ་ཐུག རྒྱུན་སྒྲུབ་རྣམས། ལྔ་པ་ཕྱི་ནང་གསང་གསུམ་ལ། ཕྱི་དྲི་ཆེན་ལ་གཞི་བརྟེན་པ། ནང་སྐྱེ་བདུན་ལ་གཞི་བརྟེན་པ། གསང་བ་ཕྱག་རྒྱ་མ་ལ་བརྟེན་པ་རྣམས། དྲུག་པ་ལས་ཚོགས་ཐ་དད་པར་སྦྱར་པ་ལ། མིག་ནད། སྦྱར་དུག མགུལ་འགགས། གག་པ། མཛེ་ནད། འདུ་བ་རྣམ་བཞི་རྣམས་སེལ་བ། ལུས་ཟུངས་རྒྱས་པ། མཁྲིས་པ། སྙིང་རླུང་། མགོ་འཁོར། ཤ་དུག ལོ་དུག དུག་ནད་ཀུན། ཤ་མཛེར། འབྲས་ནད། ཕོ་ལོག ཤ་རོ། ཤ་འཁྲིག ཕོལ་མིག རུས་ནད། གྲང་ནད། ཚ་བ། ལྷོག་པ། རྒྱལ་གདོན།བསེན་མོ། རྒྱལ་ཕྲན། ཀླུ་གདོན་ཐམས་ཅད་ཞི་བ། ཚེ། བསོད་ནམས། ནོར། གཞོན་ཤ་རྣམས་རྒྱས་པ། ཕོ་རིགས། མོ་རིགས། ཡུལ་ཁམས་རྣམས་དབང་དུ་བསྡུ་བ། མནན་སྲེག་འཕང་གསུམ་གྱི་ཁ་བསྒྱུར། དུག་ནད་བསྲུང་བ། བུ་ཆུང་ལྟར་གྱུར་པ། གཞོན་པར་གྱུར་པ། མཆིན་ནད་སེལ་བ། རྐང་མགྱོགས། མཁའ་ལ་འཕུར་བ། བུད་མེད་བརྒྱ་ལ་བུ་འབྱིན་པ། གྲང་རླུང་སྟོད་ནད། ཤ་གཡའ། ཁྲག་ནད་རྣམས་སེལ་བ། མིག་མཐོང་། མཛེ་རྩ་བས་འབྱིན་པ། བདུན་པ་དམ་ཚིག བརྒྱད་པ་ལོག་གནོན། དགུ་པ་ཡོན་ཏན་བསྟན་པ་རྣམས་དང་། གཞན་ཡང་རྒྱ་བན་རྡོ་རྗེ་འོད་ཀྱིས་མཁར་ཆུ་དཔལ་གྱི་ཕུག་རིང་མདའ་སྒྲོ་ཅན་ནས་གདན་དྲངས་པ་སྨན་རྟག་ཏུ་ངུའི་བཅུད་ལེན་སྐོར། ཐང་སྨན་དྲང་སྲོང་དོན་གྲུབ་ཀྱིས་གཉལ་སྨད་བྲག་ནག་མདའ་འགྲོ་སྒྲོནས་སྤྱན་དྲངས་པ་བདུད་རྩི་འཆི་གསོས་རྟ་རི་མ། རཏྣ་གླིང་བས་ཀོང་བོ་གསང་བ་ཡང་མཛོད་ནས་སྤྱན་དྲངས་པ་སྨན་སྒྲུབ་གསང་བ་ཡོངས་རྫོགས། མཆིམས་ཕུའི་དཔལ་ལྷ་མོའི་བརླ་ནས་རྐུས་སྨན་གྱིས་བཏོན་པ་རིན་ཆེན་སྤུངས་པ། ལྷ་བྲག་ནས་དཔོན་གསས་ཁྱུང་རྒོད་ཀྱིས་ཕྱུངས་པ་བདུད་རྩི་བུམ་པ་འབྲིང་པོ། ལ་སྟོད་དམར་པོའི་གཏེར་མ་བདུད་རྩི་མར་ཁུའི་སྐོར། གུ་རུ་ཇོ་ཙེའི་མར་ཁུའི་སྐོར། སངས་རྒྱས་གླིང་བའི་མིག་སྨན། རིན་ཆེན་གླིང་བའི་བདུད་རྩི་དངུལ་ཆུའི་བཅུད་ལེན་དང་མིག་སྨན། ཨོ་རྒྱན་གྱི་སློབ་དཔོན་པདྨ་སམྦྷ་ཝས་ཁ་ཆེ་བོན་པོའི་དོན་དུ་བཀའ་བསྩལ་ནས་ཚ་བ་རོང་གི་བྲག་གླང་བོའི་སྣ་དང་མི་རེང་འདྲ་བའི་མཚམས་གཏེར་དུ་སྦས་པ་ཙ་མིའི་རྒྱལ་པོ་སི་ཧི་ཧ་རས་རྙེད། ལྷ་སྲས་མུ་ནེ་བཙན་པོར་ཕུལ་བ་རེ་ཞིག་འགྲོ་དོན་དུས་ལ་མ་བབ་པས་བུམ་ཐང་རིན་ཆེན་དབེན་གནས་སུ་གཏེར་དུ་སྦས། དེ་ནས་གཙང་སྟོན་ཆོས་འབར་གྱིས་བཏོན་པ་ཆུང་དཔྱད་པདྨ་གཅེས་ཕྲེང་ཆ་ལག་དང་བཅས་པ། ལིའི་རྒྱལ་པོས་ཁྲི་སྲོང་ལ་ཕུལ་པའི་སྐེ་བཅོས་སོག་པོ་སྨན་པ་བྱང་ཆུབ་ཀྱིས་གཏེར་ནས་བཏོན་པ། དུག་བཅོས་ཤ་མོ་ལས་དཀྱུས་སློབ་དཔོན་ཉི་མ་སེང་གེས་མཛད་པ་བཻ་རོས་བསྒྱུར་ཅིང་མངའ་བདག་ཡབ་སྲས་ལ་ཕུལ་པ་ལྷ་སྲས་ཀྱིས་གཏེར་དུ་སྦས་པ་སྣ་ནམ་པས་གཏེར་ནས་བཏོན་པ། ཡན་ལག་གཏེར་སྒྲོམ་སྨུག་པོ་ལྷ་སྲས་ཀྱིས་སྤ་གྲོ་སྐྱེར་ཆུར་གཏེར་དུ་སྦས་པ་ལྕེ་གཡུ་བཞེར་གཞརགྱིས་བཏོན་པ། བྱ་འདྲེའི་བཅོས་ཐབས་སྣུབས་གནུབསསྟོན་གྱི་གཏེར་མ་སོགས་ཟབ་གཏེར་ནས་གདན་དྲངས་པའི་སྨན་དཔྱད་མཐའ་ཡས་ཤིང་།

X