//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > ཕྱི་མ་རྒྱུད། > ནང་དོན།

ལེའུ་ཉེར་ལྔ་པ། དཔྱད་ཀྱི་ལོག་གནོན་ཐུར་མ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-27 16:30:16 ཀློག་གྲངས། 19 

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ།། ཀྱེ་དྲང་སྲོང་ཆེན་པོ་ཉོན་ཅིགདཔྱད་ལྔའི་ལོག་གནོན་ཐུར་མའི་དཔྱད་མཆོག་ལ།། རུང་དང་མི་རུང་ནད་གཞི་བརྟག་པ་དང་།། ཆ་བྱད་དབྱིབས་དང་གསང་ས་དབྱེ་བ་དང་།། ཆོ་ག་བརྡེག་ཐབས་ལག་ཚོད་འཆི་རྟགས་དང་།། ལོག་གནོན་ཕན་ཡོན་བསྟེན་པ་བཅུ་གཅིག་གོ། ཐུར་མ་འཕང་དུ་རུང་བའི་ནད་གཞི་ནི།། རླུང་དང་བད་ཀན་གྲང་བ་མ་ཞུ་སྐྲན།། དམུ་ཆུ་རླངས་འཁྱིམས་ཤ་བེམ་སྐྲངས་པ་དང་།། ཁྲག་དང་ཆུ་སེར་རྣག་དང་ཚིགས་ཆུ་སོགས།། གསོ་དཔྱད་གཞན་བརྡུགས་ཕལ་ཆེར་ཐུར་མས་གསོ།། རླུང་ནད་མགོ་རླུང་སྙིང་རླུང་གློ་རླུང་དང་།། མཆིན་མཆེར་ཕོ་མཁལ་རྒྱུ་ལོང་མཁྲིས་པའི་རླུང་།། རྒལ་སྒལཔ་རུས་ཚིགས་རླུང་ཞུགས་ཐུར་མས་གཞིལ།། སྙིང་རླུང་སྨྱོ་བྱེད་ཆུ་སེར་བད་ལྡན་བཞི།། བད་ཀན་གྲང་བ་མེ་དྲོད་ཉམས་པ་དང་།། ལྷེན་དང་ལྕགས་དྲེག་མགོ་ལ་བད་ཀན་རྒྱས།། དོན་སྣོད་ཚིགས་ལ་བད་ཀན་རྒྱས་པ་རྣམས།། སྨན་དཔྱད་དྲོད་ཀྱིས་མ་སེལ་ཐུར་མས་གསོ།། མ་ཞུ་སྙིགས་མ་རང་སོར་ལུས་པ་དང་།། བད་ཀན་བེ་སྣབས་རྒྱས་པ་ཐུར་མས་བཞུ།། སྐྲན་ནད་གློ་སྙིང་མཆིན་མཆེར་མཁལ་མ་དང་།། ཕོ་ལོང་མཁྲིས་པ་རྒྱུ་མ་ལྒང་པ་མངལ།། རྩ་སྐྲན་བཅུ་གཅིག་བད་རླུང་ལས་གྱུར་པའི།། གྲང་བའི་སྐྲན་ལ་ཐུར་མ་མཆོག་ཡིན་ཏེ།། ཁྲག་མཁྲིས་ལས་གྱུར་ཚ་བའི་སྐྲན་རྣམས་ཀྱང་།། བཅོས་བརྡུགས་ཚད་ཆོགས་རྙིངས་ནས་ཐུར་མས་བཤིག། དམུ་ཆུ་གྲང་བའི་ཟག་ཟགསཆུ་འཁྱིམས་ཆུ་གཙག། རླངས་འཁྱིམས་མགོ་ལ་བད་ཀན་རླངས་འཁྱིམས་དང་།། བྱང་ཁོག་སྟོད་དུ་བད་རླུང་རླངས་འཁྱིམས་དང་།། གློ་སྙིང་ཕོ་བར་རླངས་འཁྱིམས་ཐུར་མས་གསང་གསེང་།། ཤ་ལ་ཆུ་སེར་བེམས་བེམདང་སྐྲངས་པ་དང་།། མགོ་དང་བྱང་ཁོག་ཡན་ལག་ཆུ་སེར་དང་།། རྣག་ཁྲག་ཞུགས་པ་ཐུར་མས་དབྱུང་བར་བྱ།། མི་རུང་ཤིན་ཏུ་རྒས་དང་བྱིས་པ་དང་།། སྨན་པའི་བསྒོ་བ་མི་ཉན་རྐྱེན་མ་འཛོམ།། མཆིན་མཆེར་སྐྲན་ཟགས་ཚ་ཆུ་ཚ་སྐྲན་རྒྱས།། སྙིང་སོགས་དོན་སྣོད་འགྲམས་སམ་ཚ་རོ་ཡོད།། ཁྲག་མཁྲིས་ལས་གྱུར་ཚ་བ་ཐམས་ཅད་དང་།། སྲོག་གནས་གནད་སྟེང་ཐུར་མ་སྤང་བར་བྱ།།ཆ་བྱད་དབྱིབས་ཚད་མགར་བ་མཁས་བརྡུངས་པའི།། ནས་འདྲ་གློ་སྙིང་ཚིགས་པ་མཁལ་མར་བསྔགས།། སྦལ་མགོ་འདྲ་བ་མཆིན་མཆེར་རྒྱུ་ལོང་ལ།། ཆུ་གྲི་འདྲ་བས་ཡན་ལག་ཅུར་འབྱིན་བྱ།། མདུང་རྩེ་འདྲ་བས་ཡན་ལག་རྣག་ལ་སྦྱར།། མཐོ་གང་དབལ་ལྡན་ཕོ་བའི་ཅུར་འབྱིན་བྱ།། ལེབ་ཆུ་ཁ་ཡིས་མགོ་ལ་བཙག་གཙགཔར་བྱ།། སྦུབས་ཐུར་སྦལ་མགོ་འདྲ་བས་སྙིང་ཆུ་བཙག། བྱིད་པོའི་མཆུ་འདྲས་བྱང་ཁོག་རྣག་གསང་དབྱེ།། སྨྱུག་ཁས་དམུ་ཆུ་གཙག་ཅིང་རླངས་འཁྱིམས་གདོན།། ཟངས་ཐུར་བྲ་བོ་འདྲ་བས་མིག་འགྲིབས་བསལ།། ཀུན་ཀྱང་མགོ་འོག་ལུས་ཤོང་ཐུར་ཞབས་ལྡིག། ཕྲ་ལ་མཁྲང་བ་སྲིད་སོར་དྲུག་པ་བྱ།། གསང་ས་ཐུར་ལམ་རྣམ་པ་བཞི་ཡིན་ཏེ།། དོན་སྣོད་ཡུལ་དང་རྩ་གནད་ཤེས་པ་ཡིས།། སྤྱི་དང་བྱེ་བྲག་གསང་ས་བསྟན་པའོ།། དང་པོ་དོན་སྣོད་ཡུལ་ས་མ་ཤེས་ན།། གང་ལ་ནད་ཞུགས་དཔྱད་ཀྱི་དམིགས་མི་ཕྱེད།། རྩ་གནད་མ་ཤེས་དཔྱད་ལ་འཛོལ་མི་ནུས།། སྨན་པའི་ལག་དགྲ་སྤང་ཕྱིར་རྩ་གནད་གཅེས།། དེ་ཕྱིར་བྱང་ཁོག་ཡུལ་ཚད་ཡིད་ལ་གཟུང་།། གསང་ལ་དབྱེ་གསང་མེ་གསང་ཐུར་གསང་གསུམ།། རྣག་ཁྲག་ཆུ་སེར་དབྱེ་གསང་བྱང་ཁོག་གསལ།། མེ་གསང་མེ་བཙའི་འབྲུ་བཤག་ནད་ནངདུ་བསྟན།། ཐུར་མའི་གསང་ལ་སྤྱི་དང་བྱེ་བྲག་གཉིས།། སྤྱི་གསང་ཡངས་དང་ཤིན་ཏུ་ཡངས་པ་དང་།། དོག་དང་ཤིན་ཏུ་དོག་པ་རྣམ་པ་བཞི།། ཡངས་པའི་གསང་ལ་ཐུར་མ་གཡུལ་ཐབས་ཐུབ།། ཤིན་ཏུ་ཡངས་པ་རྒྱ་གྲམ་ཐུབ་པ་ཡིན།། དོག་པ་གཉན་ཐོག་གཉན་བབས་ཞེས་བྱ་སྟེ།། ནད་ཀྱིས་གནད་ཀྱི་གོ་འཕྲོག་དེ་ལ་བྱ།། ཤིན་ཏུ་དོག་པ་གནད་ཀྱིས་ནད་གོ་ཕྲོགས།། ཐུར་ལམ་གཅུས་ལ་བཙལ་ཞིང་བརྡེག་དགོས་པའོ།། བྱེ་བྲག་སྙིང་ལ་གསང་ས་བཅུ་གཅིག་སྟེ།། ནུ་སྟེང་མཚོན་གང་བཅལ་བ་སྙིང་གི་སྟོད།། སྙིང་སྲོག་འཛོམ་པའི་གསང་སྟེ་སྙིང་རླུང་སེལ།། ནུ་རྒྱབ་མཚོན་གང་སྲོག་རྩ་མྱོས་བྱེད་གསང་།། སྲོག་རྩར་རླུང་དང་ཆུ་སེར་ཞུགས་ལ་ཕན།། ཐུར་དུ་མཚོན་གང་སྙིང་རྩེ་སྙིང་ཆུ་གཙག། བྲང་ངོས་མཚོན་གང་བཅལ་བ་སྙིང་གི་ལོགས།། ཆུ་སེར་བད་རླུང་རླངས་པ་འཁྱིམས་པའི་གསང་།། དེ་ནས་དཀར་ནག་མཚམས་སུ་མཚོན་གང་བཅལ།། གློ་སྙིང་འདོམ་པའི་གསང་སྟེ་གྲང་རླུང་སེལ།། ཚིགས་པ་བདུན་པ་ཁ་གསུམ་དེ་དང་འདྲ།། སྲོག་རྩའི་གསང་ས་དྲུག་པ་ཁ་གསུམ་སྟེ།། གཡོན་ངོས་བྱ་འདབ་བར་དུ་ནད་བཏོལ་ནང་བརྟོལབྱ།། བྱ་རོག་མིག་ནས་ཕྱིར་མཚོན་གང་བཅལ་བའི།། རྩིབ་བར་གོང་འོག་གོ་ཆེན་གོ་ཆུང་གསང་།། སྐེ་སྟོང་ཅ་ར་ཁུང་དང་རྣམ་པ་ལྔ།། གློ་སྙིང་མཆིན་གསང་སྟོད་དུ་རླངས་པ་འཁྱིམས།། སྙིང་འཆུས་སྟོད་ཁེངས་དབུགས་བརྩེག་ནད་ལ་དབྱེ།། གློ་ལ་གསང་ས་ཉི་ཤུ་རྩ་གཉིས་ཏེ།། སོགས་འདབ་རྩིབ་མའི་གོ་བར་རྣམ་པ་གསུམ།། གློ་ཡི་སྒང་ལ་སྐྲན་ཞུགས་གསང་དྲུག་ཡིན།། མཆིན་འོག་རྩིབ་མའི་གོ་བར་རྣམ་པ་གསུམ།། གློ་བ་བྱ་འདབ་སྐྲན་ཞུགས་གསང་དྲུག་ཡིན།། བྲང་གི་རྩིབ་མའི་གོ་བར་གཡས་གཡོན་བཞི།། གློ་བ་བུ་ལ་སྐྲན་ཞུགས་གསང་བརྒྱད་ཡིན།། གློ་ཡི་རྒྱབ་གསང་ཚིགས་པ་བཞི་ལྔ་གཉིས།། ཁ་གསུམ་རླུང་དང་བད་ཀན་ནད་ཞུགས་གསང་།། ཚིགས་པ་བརྒྱད་པ་མཆིན་དྲིའི་གསང་ས་སྟེ།། ཆུ་སྐྱུག་ཕོ་མཆིན་བྲང་ལ་ཐུར་མ་འཕང་།། མཆིན་མཆེར་གཉིས་ལ་གསང་ས་བརྒྱད་ཡོད་དེ།། ནུ་མ་ཐུར་མཚོན་དོ་བཅལ་མཆིན་དྲིའི་མཚམས།། དེ་འོག་རྩིབ་མའི་གོ་བར་རྣམ་པ་གསུམ།། གཡས་ཀྱི་དང་པོ་ཕོ་མཆིན་བར་གྱི་སྐྲན།། བར་པ་མཆིན་ཐེར་མཐའ་མ་མཆིན་གཤམ་སྐྲན།། གཡོན་ངོས་མཆེར་སྐྲན་དེ་བཞིན་ཤེས་བར་བྱ།། རྒྱབ་ཀྱི་ཚིགས་པ་དགུ་དང་བཅུ་གཅིག་པ།། ཁ་གསུམ་རླུང་དང་བད་ཀན་གྲང་བའི་གསང་།། མཁལ་མའི་གསང་ས་ཉི་ཤུ་རྩ་གཅིག་སྟེ།། ཚིགས་པ་བཅུ་བཞི་པ་དང་གཡས་གཡོན་དུ།། མཚོན་གང་བཅལ་བ་མཁལ་མའི་རྩ་ནག་སྟེ།། དེ་ནས་མཚོན་གང་བཅལ་བ་མཁལ་འབྲས་གསང་།། དེ་ནས་མཚོན་གང་བཅལ་བ་མཁལ་ཚིལ་གསང་།། གཞུག་གུ་ཆུང་ནས་སྣག་པོ་ཆེ་ཡི་སྟེང་།། མཛུབ་གང་བཅལ་བ་དཔྱི་ཡི་འཁོར་མིག་ཡིན།། མཁལ་འབྲས་སྟེང་ནས་བཅལ་བས་སོར་བཅུ་དྲུག་ཡོད།། དེ་ནས་ཕྱོགས་བཞིར་མཚོན་རེ་དབུས་དང་ལྔ།། བྱིན་བརླའི་ཕྱི་སུལ་ཆུ་སེར་འབབ་གསང་ཡིན།། དེ་རྣམས་ཀུན་གྱི་གྱིསམཁལ་མའི་གྲང་རླུང་སེལ།། མཁལ་ཚིལ་མཁལ་འབྲས་སྟེང་དུ་མཁལ་སྐྲན་འབབ།། གསང་དང་ནད་དམིགས་མཐུན་ན་ཐུར་མ་འཕང་།། ཕོ་བ་མི་འགྱུར་གསང་དགུ་ཅུར་འབྱིན་གཉིས།། ཚིགས་པ་བཅུ་གཉིས་པ་དང་གསང་བཅུ་གཉིས།། ལྷེན་སྣའི་སྣ་ནས་ཐུར་དུ་མཚོན་གང་བཅལ།། གཡས་གཡོན་མཚོན་གང་ཁ་གསུམ་ལྷེན་གསང་ཡིན།། དེ་འོག་མཚོན་གང་ཁ་གསུམ་སྐྲན་གསང་ཡིན།། དེ་འོག་མཚོན་གང་ཁ་གསུམ་མེ་ཉམས་གསང་།། ཕོ་དབུས་གཡས་གཡོན་མཚོན་དོ་ཅུར་འབྱིན་ནས།། མཆིན་རྒྱས་ཕོ་བའི་ཡུལ་ཕྱོགས་ཐུར་མ་སྤང་།། སྐྲན་དང་ནོར་ཕྱིར་ལག་ཚོད་རན་པར་བྱ།། ཚིགས་པ་བཅུ་གསུམ་བཅོ་ལྔ་བུ་སྣོད་གསང་།། སྐྲན་ཞུགས་གྲང་བས་བུ་མི་ཆགས་ལ་ཕན།། ལྟེ་བའི་གཡས་གཡོན་མཚོན་གང་ལོང་གི་ཐེར།། ལོང་དུ་བད་རླུང་གྲང་བ་ཞུགས་ལ་ཕན།། དེ་ནས་གཡས་གཡོན་མཚོན་རེ་ལོང་སྐྲན་གསང་།། ཚིགས་པ་བཅུ་དྲུག་པ་དང་གསང་ས་ལྔ།། ལྟེ་འོག་མཚོན་གང་ཁ་གསུམ་རྒྱུ་སྟོད་གསང་།། དེ་འོག་མཚོན་གང་ཁ་གསུམ་རྒྱུ་སྨད་གསང་།། ཚིགས་པ་བཅུ་བདུན་པ་དང་བདུན་དུ་བཤད།། རྒྱུ་ཞབས་ཐེར་དུ་དཔྱི་ཡི་ཁ་གཟར་ནས།། ཆག་གང་བཅལ་བ་སྨད་ཀྱི་དབྱེ་གསང་སྟེ།། དེ་དང་ཚིགས་པ་བཅོ་བརྒྱད་འབྲས་བུ་སྐྲངས།། གྲང་བས་ཆུ་ཁ་སྲ་སྙི་སེལ་བར་བྱེད།། ཡན་ལག་ཚིགས་ཆེན་བཅུ་གཉིས་ཆུ་སེར་རྒྱས།། ཚིགས་མིག་ཆུ་བའི་བར་ན་གསང་དམིགས་ཡོད།། རུས་ལ་གཏུག་དང་ཅུར་འབྱིན་གང་འོས་དཔྱད།།ཐུར་མའི་དབྱེ་བ་ཚ་ཐུར་གྲང་ཐུར་གཉིས།། ཚ་ཐུར་གསུམ་སྟེ་ཚ་ཐུར་རྐྱང་པ་དང་།། ཚ་ཐུར་གྱི་ནི་གྲང་ཐུར་ཚ་ཐུར་སྦྲགསྦྲགས དང་པོ་ཐུར་མ་བསྲེགས་ནས་བརྡེག་པ་སྟེ།། འབྲས་དང་ལྷོག་པ་ལྦ་བ་རྣག་ལ་བྱ།། གཉིས་པ་མེ་བཏབ་རྗེས་ལ་ཐུར་རྐྱང་བརྡེག། ཐེ་ཚོམ་བཅས་པའི་རྣག་གསང་འབྱེད་ལ་སྦྱར།། གསུམ་པ་ཐུར་བསྲེགས་སྟེང་དུ་མེ་འདེབས་པ།། འབྲས་དང་ལྷོག་པ་རྨ་རྒན་སྐྲན་ལ་བྱ།། གྲང་ཐུར་གསུམ་སྟེ་གྲང་ཐུར་རྐྱང་པ་དང་།། གྲང་ཐུར་གྱི་ནི་ཚ་ཐུར་གྲང་ཐུར་སྦྲགསྦྲགས དང་པོ་ཐུར་མ་རྐྱང་པར་བརྡེག་པ་སྟེ།། དམུ་ཆུ་དབུག་དང་མིག་འགྲིབ་རྣག་གསང་དབྱེ།། གཉིས་པ་ཐུར་ཤུལ་མེ་ཡིས་གདབ་པ་སྟེ།། རྣག་ཁ་འཁྱིམས་དང་ཚིགས་ཆུ་ཕུག་ལ་སྦྱར།། གསུམ་པ་ཐུར་མ་གྲང་མོར་བཏབ་རྗེས་ལ།། འཁྱག་པ་རྡོ་གྲང་ཆུ་ཡིས་བྲན་པ་སྟེ།། ཤ་བེམ་ཚ་སྐྲངས་མགོ་ཡི་ཆུ་བཙག་དང་།། ཚ་སྐྲན་ཚ་རོ་རྙིང་པ་ཡོད་ལ་བསྔགས།། ཕལ་ཆེར་སྤྲ་བ་གཅིག་བཏབ་ཐུར་མ་འཕང་།། དེ་ཤུལ་མེ་ཡིས་བསྲེག་པ་ཤིས་པ་ཡིན།། ལུས་ཀྱི་ཆོ་ག་ཁད་མཉམ་སྟན་སྟེང་དུ།། སྐྱིལ་ཀྲུང་བཅས་ལ་ལག་གཉིས་པུས་མོར་གླན།། གཅུ་མེད་དྲང་པོར་འདུག་ལ་གཡོག་གིས་བསྟེན།། དེ་ལ་མདུན་རྒྱབ་ཐུར་མ་འཕང་བར་བྱ།། ཕོ་ཐུར་ཟོས་རྗེས་རྒྱབ་ནས་པུས་མོས་བརྟེན།། ཁྱི་ཚུགས་མགྲིན་བཀུག་སྐེ་སྟོང་ཐུར་མ་འཕང་།། ལག་རྒྱངས་ཀ་བ་ལ་བསྟེན་བརྟེནསྨྱོ་ཐུར་འཕང་།། དྲང་པོར་ལངས་ལ་དཔྱི་མིག་ཐུར་མ་འཕང་།། རྐང་པ་བརྐྱང་ལ་པུས་མོའི་དྲུག་བསྐོར་འཕང་།། དེ་བཞིན་གསང་གསལ་ནད་ཕྲད་བརྡེག་ཚུལ་རྣམས།། གང་ལ་གང་བདེ་ཤེས་རབ་རིགས་ལ་དྲིས།།བརྡེག་པའི་ཐབས་ལ་སྤྱི་དང་བྱེ་བྲག་གཉིས།། སྤྱིར་ནི་གཡས་པས་ཕུན་གང་མཚམས་ནས་བཟུང་།། གཡོན་པའི་གུང་མོས་གསང་དམིགས་གསལ་མཚོན་ཏེ།། དེ་རྗེས་ཐུར་རྐེད་ནས་བཟུང་དྲང་པོར་དབུལ།། ལྤགས་ཕིགས་ཕུན་རེ་སྣུད་ཀྱིན་དལ་བུ་ཡིས།། ཤ་རུས་ནང་རྡོལ་དོན་གྱི་ལག་ཚོད་མྱང་།། ཡིད་དང་མཐེབ་ཚོད་ཕྱི་རྟགས་བསྟུན་ལ་འཕང་།། ལག་ཚོད་ཐུར་འཛིན་འུག་པ་ཐུག་ཕྲད་ཡིན།། ཕོ་རོག་གཅེར་མཐོང་ཐུར་ཚོད་བརྟགས་ལ་བཟུང་།། ཡང་ན་དང་པོ་ལྤགས་ལ་ཀོ་འཐེན་བྱ།། བྱེ་བྲག་གཡུལ་ཐབས་འཕྲེད་གཅུས་སྟ་སྒབ་དང་།། ཐོད་སྐོར་རྒྱ་གྲམ་ཅུར་འབྱིན་རྣམ་པ་དྲུག། བུ་སྐོར་མ་ལ་མི་གནོད་པ་དང་བདུན།། མ་སྐོར་བུ་ལ་མི་གནོད་པ་དང་བརྒྱད།། དང་པོ་ཐུར་མ་བྲང་ཐད་འཕང་བ་སྟེ།། མགོ་དང་སྒལ་ཚིགས་རྒྱུ་སྨད་གསང་ལ་བྱ།། གཉིས་པ་ཐུར་རྩེ་གཡས་གཡོན་གཅུ་བ་སྟེ།། མཆིན་མཆེར་མཁལ་མ་ལ་སོགས་ཕལ་ལ་ཤིས།། གསུམ་པ་ཐུར་རྩེ་ཐུར་བསྟན་འཕང་བ་སྟེ།། སྐེ་སྟོང་གློ་སྙིང་ལྷེན་གསང་གསུམ་ལ་སྦྱར།། བཞི་པ་ཐུར་རྩེ་གྱེན་ལ་བསྟན་པ་སྟེ།། མེ་ཉམས་གསང་དང་མཛོད་ཆུང་རྣག་འཚོལ་སྦྱར།། ལྔ་པ་ཐུར་རྩེ་ཕྱོགས་མཚམས་བསྐོར་བ་སྟེ།། ཕོ་དབུས་སྐྲན་དང་རྣག་འཚོལ་བ་ལ་སྦྱར།། དྲུག་པ་ཐུར་མ་ཅུར་འབྱིན་འཕང་བ་སྟེ།། ཕོ་ཐེར་མཛོ་མིག་བརླ་ཡི་འོག་ཏུ་ཤིས།། བདུན་པ་བྱང་ཁོག་ཐུར་མ་འཕེན་པ་རྣམས།། དོན་དང་སྣོད་ལ་གནོད་མེད་འཕང་ལ་བཤད།། བརྒྱད་པ་གནད་དུ་ཞུགས་པའི་ནད་ལ་འཕང་།། དེ་ཡང་མིག་དང་སྙིང་ཆུ་མཆིན་སྐྲན་དང་།། མཁལ་སྐྲན་སྐྱི་ཕུར་རྣག་ལ་སྦྱར་བར་བྱ།།ཐུར་མའི་ལག་ཚོད་སྤྱི་དང་བྱེ་བྲག་གཉིས།། སྤྱི་ཡི་ལག་ཚོད་ལྤགས་ལ་སྲ་བ་སྟེ།། ཤ་ལ་སྙི་སྟེ་བྱོལ་གྱིས་འགྲོ་བ་ཡིན།། རུས་ལ་ཐུག་ན་སྟུགས་ཀྱིས་བརྡུགས་པར་འགྱུར།། དེ་ལ་རྩིབ་མའི་གོ་བར་བཙལ་ཏེ་དབུལ།། ནང་དུ་རྡོལ་ནས་ཐུར་རྩེ་བྱོལ་གྱིས་འགྲོ།། ཡིད་ལ་ཐུར་མ་རྟེན་གྱིས་བརྡུགས་སྙམ་བྱེད།། ནད་པ་བཞིན་ལྡོག་སྐད་ངན་འཆོར་བ་གསུམ།། ཐུར་མ་ཚད་དུ་སླེབ་པའི་མན་ངག་ཡིན།། མི་བརྡུགས་ཕྱོལ་ཕྱོལ་འགྲོ་ན་བཏང་བས་ཆོག། དོག་ཅིང་འཐེན་ཡང་སྲན་བཟོད་ཟོ་བླངས་བཏང་།། སྲན་མི་བཟོད་ན་དེ་ལས་དབུལ་ཐབས་མེད།། བྱེ་བྲག་དོན་ལ་ཉེ་ན་ཤེས་པ་འཁྲུག། ལུས་འདར་མིག་བཟློག་ཐུར་མ་འཕར་པ་ཡིན།། གཞན་རྣམས་དེས་ཆོག་སྙིང་ཆུ་བཙག་གཙགཔ་ལ།། ཐུར་རྩེ་འཕུལ་སྙམ་བྱེད་ན་སྙིང་ལྤགས་སླེབ།། ཆུ་ལྕག་དབུགས་བསྡམ་སོར་གཅིག་སྣུད་ལ་དབུལ།། སྲོག་རྩ་ཐུར་མའི་ལོགས་ལས་འཕར་བ་སྟེ།། གློ་ལ་སྣ་ཕུག་ཧར་ཞིང་གློ་ཆུང་འོང་།། མཆིན་མཆེར་སྐྱུག་མེར་བྱེད་ལ་ཁ་ཆུ་ལྡུགས།། མཁལ་མ་ན་ཞིང་མཁལ་རྩ་འབྲལ་སྙམ་བྱེད།། དོན་རྣམས་ཚུར་སྙེག་བྱ་ཚང་སྦྲུལ་ཞུགས་འདྲ།། མཆིན་མཆེར་མཁལ་མ་གསུམ་ལ་འབྲོས་སྙེག་མེད།། སྣོད་རྣམས་ཕར་འབྲོས་ཡོལ་བ་རླུང་དེད་འདྲ།། དལ་བུས་འཕུལ་བས་རིམ་གྱིས་འབྲོས་པར་འགྱུར།། མགྱོགས་ན་འབྲོས་ལོང་མེད་པར་སྣོད་ལ་འཇུག། ཕོ་བ་ཕྱི་ཡི་དར་ཤ་ཕུགས་པ་དང་།། ཕོ་བའི་བར་ན་སྟོང་པ་སོར་གཅིག་ཡོད།། དེ་ནས་ཕོ་བའི་རྩར་སླེབ་ཡིད་ཙམ་སྲ།། སྐབས་འདིར་མཆིན་པའི་ཇ་ལོག་འབྱུང་བ་ཡིན།། ནང་རྡོལ་ནས་ནི་ཡངས་པར་ཕྱོལ་གྱིས་འགྲོ།། རྒྱུ་ལོང་པགས་པ་ཕིགས་ནས་བྱིལ་བྱིལ་འགྲོ།། སླེབ་ན་སྐྱུག་ལོག་ན་འགྱུར་ཚ་འབྲབ་བྱེད།། སྐྲན་དང་ཕྲད་ན་རེག་པ་སྲ་བ་ལ།། ཐད་ཀར་གཟེར་ཞིང་ཨ་ན་ཟེར་བ་འབྱུང་།། གསར་དུས་མཐའ་བསྐོར་རྙིངས་ནས་རྨ་མང་གདོད།། རྣག་དང་དམུ་ཆུ་རླངས་འཁྱིམས་དངོས་སུ་གསལ།། མགོ་དང་ཡན་ལག་ཚིགས་མིག་རུས་ལ་ཐུག། བཤུལ་ཤའི་ཐུར་མ་ཚད་དང་ལག་ཚོད་བསྟུན།། ཆག་གང་ནང་རྡོལ་འཕར་ནས་དབུལ་ཐབས་མེད།། ཡན་ལག་ཅུར་འབྱིན་ཚིགས་པར་བཀྲུལ་ལ་གདོན།། འཆི་བའི་རྟགས་ལ་ནད་གཞི་སླེབ་པ་དང་།། གནད་ལ་ཉེ་དང་ཐོར་བུའི་རླུང་སྐྱེས་གསུམ།། དང་པོ་གཉིས་ཀ་ལག་ཚོད་སྐབས་སུ་བསྟན།། ཁྱད་པ་པརརྩ་གནད་སྤྲེང་སྦྲེངདང་རབས་ཀྱིས་འོང་།། དེ་ཡང་ནད་པ་ཉིད་ལ་དྲིས་པས་གསལ།། རླུང་སྐྱེས་གཡལ་དང་དངང་དངངསའདར་སྐྱུག་པར་བྱེད།།ལོག་པ་ཚ་ལོག་གྲང་ལོག་རྣམ་པ་གཉིས།། ཚ་ལོག་ཞག་གསུམ་གཉིས་ལ་འབྱུང་བ་སྟེ།། ཚ་གྲང་འཁྲུལ་ལམ་སྐྲན་ནད་ཚ་བར་ལོག། གྲང་ལོག་དཔྱད་བྱས་རྗེས་ལ་འབྱུང་བ་སྟེ།། ཐོར་བུའི་རླུང་སྐྱེས་གསུར་དང་བྱུག་པ་དང་།། བུར་ཆང་རུས་ཁུ་བཅུད་བསྟེན་རླུང་གསང་མནན།། ཐུར་ཤུལ་ཁྲག་བབས་འཁྱགས་ཏེ་དུགས་ཀྱིས་བསྲོ།། ཆུ་སྐྲན་རྡོལ་བས་སྣོད་འགྲིམས་བྱེར་སྐྲངས་ན།། དེ་ལ་དྲོད་སྨན་སྦྱོངས་དང་སྐེམས་ཀྱིས་བཅོས།། དེ་རྟགས་བཅོས་ཐབས་རང་རང་སྐབས་ལྟར་བྱ།། ཕལ་ཆེར་བསིལ་དུགས་སྦྱར་བ་མཆོག་ཏུ་བསྔགས།། དོན་སྣོད་གནད་ལ་ཟིན་ན་རྨ་བཞིན་བཅོས།།ཐུར་མའི་ཕན་ཡོན་རླུང་ཁ་གནོན་པ་དང་།། གྲང་བའི་དྲོད་སྐྱེད་སྐྲན་བཤིག་མ་ཞུ་འཇུ།། རླངས་པ་འཁྱིམས་པ་གསེང་ཞིང་ཤ་བེམ་གསེང་།། རྣག་ཁྲག་ཆུ་སེར་དམུ་ཆུ་ཕྱིར་ལ་འབྱིན།། དེ་དག་ཐུར་མ་བྱས་པའི་ཕན་ཡོན་ཡིན།། དང་པོ་ཐུར་མའི་རུང་ཡུལ་མ་ཤེས་ན།། དཔྱད་ཀྱི་ལ་འདའ་མི་ཤེས་ཁྱད་མི་ཐོན།། གཉིས་པ་མི་རུང་སྤང་ཡུལ་མ་ཤེས་ན།། ཐུར་ལོག་བྱུང་ན་རང་སྐྱེངས་འཕྱར་ཁ་འོང་།། གསུམ་པ་ཐུར་མའི་དབྱིབས་ཚད་མ་ལྡན་ན།། ལག་ཚོད་མི་སྐྱེ་དམན་ཐལ་སྐྱོན་གྱིས་ཕོག། བཞི་པ་ཐུར་མའི་གསང་ས་མ་ཤེས་ན།། ལམ་འགགས་ནད་དང་དཔྱད་དུ་ཕྲད་མི་བྱེད།། ལྔ་པ་ཐུར་མའི་དབྱེ་བ་མ་ཤེས་ན།། ནད་དང་དཔྱད་དུ་འཛོལ་ཞིང་ཐུར་ལོག་འོང་།། དྲུག་པ་ཐུར་མའི་ཆོ་ག་མ་ཤེས་ན།། ཐུར་ལམ་འགགས་ནས་གནད་སྙེག་གནས་མི་སྐྱོལ།། བདུན་པ་ཐུར་མའི་བརྡེག་ཐབས་མ་ཤེས་ན།། ནད་དང་མི་ཕྲད་གནད་ལས་འབྱོལ་མི་ནུས།། བརྒྱད་པ་ཐུར་མའི་ལག་ཚོད་མ་ཟིན་ན།། ཁ་ཐལ་སྨན་པའི་ལག་དགྲས་ཕུང་བར་འགྱུར།། དགུ་པ་ཐུར་མའི་འཆི་རྟགས་མ་ཤེས་ན།། གསོ་ཤིའི་བྱ་ར་མེད་པས་ཚད་མི་སྐྱོལ།། བཅུ་པ་ཐུར་མའི་ལོག་གནོན་མ་ཤེས་ན།། གསོ་དཔྱད་ནད་པའི་སྲོག་གི་བསྐུལ་མར་འགྱུར།། བཅུ་གཅིག་ཐུར་མའི་ཕན་ཡོན་མ་ཤེས་ན།། དཔྱད་མཆོག་ཐུར་མའི་གདེངས་མེད་སྤྱོད་མི་ནུས།། དེ་བཟློག་དེ་ཡི་ཡོན་ཏན་ཡིན་པར་བཤད།། ཅེས་གསུངས་སོ།། བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ལས་དཔྱད་ཀྱི་ལོག་གནོན་ཐུར་མའི་ལེའུ་སྟེ་ཉི་ཤུ་རྩ་ལྔ་པའོ།། །།

X