//不能复制 // >
ཁྱེད་ཀྱི་གནས་ཡུལ། > གཙོ་ངོས། > སྨན་བཅོས། > ཐོར་བུའི་ནད་ཀྱི་སྐོར། > ནང་དོན།

རུས་འཛེར།

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། བོད་གཞུག་སྐྱིད། དུས་ཚོད། 2015-08-07 11:52:47 ཀློག་གྲངས། 28 

   རུས་འཛེར་གྱི་ནད་ནི་མཇིང་ཚིགས་དང་སྒལ་ཚིགས། ཝ་གདོང་རུས་པ་དང་དཔྱི་རུས་འབྲེལ་མཚམས། པུས་ཚིགས་བཅས་ལ་བྱུང་བ་ཆེས་མང་། མདོར་ན་ཚིགས་མིག་ཆེ་ཆུང་ཕལ་ཆེ་བར་འབྱུང་སྲིད། དེ་ཡང་རུས་འཛེར་ ནི་གཙོ་བོ་བད་ཀན་འབྱོར་བྱེད་འཕེལ་ཟད་འཁྲུགས་གསུམ་གྱུར་ནས་རྣམ་པར་མ་གྱུར་པའི་བད་ཀན་འབྱོར་བྱེད་དེ་ཚིགས་མིག་ཀུན་ལ་གནས་ཤིང་། དེས་རྐང་ལག་སོགས་ཚིགས་མིག་ཐམས་ཅད་ཀྱི་བརྐྱང་བསྐུམ་དང་གཡོ་འགུལ་ལ་འགན་ཁུར་ཡོད་ཅིང་། བད་ཀན་འབྱོར་བྱེད་དེ་ཉིད་འཕེལ་དྲག་པ་དང་ཡང་ན་ཟད་དྲགས་པ། ཡང་ན་འཁྲུགས་པ་བཅས་ལ་བསྟེན་ནས་ནད་འབྱུང་གིན་ཡོད།

རྒྱུ་རྐྱེན།

  དེ་ཡང་ཟས་ཀྱི་ངོ་བོ་གྲང་བ་དང་འཇུ་དཀའ་བ། ལྕི་བ་དང་སྣུམ་པའི་ཟས་སྐོམ་གྱི་རིགས་བསྟེན་དྲགས་པ། ཡང་ན་བསྟེན་པ་ཉུང་ཡང་གསོ་བྱའི་ཕོ་བའི་མེ་དྲོད་སོགས་རྐྱེན་སྣ་ཚོགས་ཀྱི་དབང་གིས་དྭངས་མ་རང་གནས་སུ་མ་སྨིན་པར་བད་ཀན་འབྱོར་བྱེད་འཕེལ་ཟད་འཁྲུགས་གསུམ་དུ་གྱུར་ནས་ཚིགས་མིག་གི་རྒྱུན་ལྡན་ཁྲག་རླུང་གི་འཁོར་སྐྱོད་ལ་ཤུགས་རྐྱེན་ཐེབས་ཏེ་ཚིགས་བར་ཕྲུམ་རུས་ཀྱི་གནས་སུ་ནད་འགྱུར་བྱུང་བ། རུས་པ་སྦོས་ཤིང་སོབ་ནས་ཕྲུམ་རུས་སྙི་མོའམ་རུས་འཛེར་ལྟ་བུ་སྐྱེས་འོང་ངོ། རྐང་ལག་གི་ཚིགས་མིག་ཐམས་ཅད་ཀྱི་ལས་ནི་འགུལ་སྐྱོད་ཡིན་ལ། ཚིགས་མིག་སོ་སོའི་འགུལ་སྐྱོད་ཀྱི་ཚད་ཀྱང་མི་འདྲ། ལྷག་པར་ཚིགས་ཆེན་བཅུ་གཉིས་ཀྱི་འགུལ་བསྐྱོད་ཚད་ཅུང་ཆེ་ཞིང་། ཚིགས་མིག་གཞན་དག་གི་འགུལ་བསྐྱོད་ལྟོས་བཅས་ཀྱིས་ཆུང་། ཚིགས་མིག་སོ་སོར་རུས་འཛེར་འབྱུང་བའི་རྒྱུ་རྐྱེན་ཡང་གཙོ་བོ་ཚིགས་མིག་སོ་སོའི་འགུལ་སྐྱོད་ལ་དམན་ལྷག་ལོག་པ་དང་ཟས་སྤྱོད་ཀྱི་རྐྱེན་ལས་བྱུང་གིན་ཡོད།

ནད་རྟགས།

   མགོ་ཕྱེད་ན་བ། རྣ་བ་འུར་བ། མགོ་ཡུ་འཁོར་བ། སྐྱུགས་པ། མཇིང་རྒྱུད་རྒྱུན་དུ་ན་བ། རོ་སྟོད་དང་སོག་པ་གཡས་གཡོན་གྱི་རྒྱུད་དུ་ན་བ་དང་སྦྲིད་པ། མེས་བསྲེགས་པ་ལྟར་ཚ་བ། རྔུལ་མང་། ལག་པའི་སོར་མོ་སྦྲིད་པ། གྲང་བའམ་འཁྱགས་སྣང་ཡོད་པ་བཅས་ཀྱི་རྟགས་ཡོད།

  སྒལ་ཚིགས་རུས་འཛེར་གྱི་ནད་རྟགས།

  སྒལ་ཚིགས་ལ་རུས་འཛེར་ཡོད་པའི་གནས་ཀྱི་མཐའ་འཁོར་དུ་ན་བ་དང་གནོན་ཟུག་ཡོད་པ། ལྷག་པར་ལངས་ནས་བསྡད་དྲགས་ན་ན་བ། བརླའི་ཕྱི་རྒྱབ་ཏུ་ཐུར་ལ་རྒྱུ་བའི་ཆུ་རྩ་སྦུ་གུ་ཅན་གྱི་གྱེས་རྩ་དང་འབྲེལ་རྩ་རུས་འཛེར་གྱིས་བཙུར་བའི་དབང་གིས་ལུས་སྨད་སྦྲིད་པ་དང་ཚོར་བ་ཉམས་པ། གྲང་བའམ་འཁྱགས་པས་གྲོག་མ་འགྲོ་བའམ་མེས་བསྲེགས་པ་ལྟ་བུའི་མངོན་རྟགས་ཡོད་པ། ལུས་སྨད་ལ་ཤེད་མེད་པ། ལ་ལར་ཤ་བྲི་བ། འགྲེང་བ་དང་འགྲོ་མི་ནུས་པ། ཚབས་ཆེ་ན་རྩ་ཆུ་ལ་རང་དབང་མེད་པར་འཆོར་བ་བཅས་ཀྱི་ནད་རྟགས་ཡོད།

  དཔྱི་ཚིགས་རུས་འཛེར་གྱི་ནད་རྟགས།

  དཔྱི་སྨད་དུ་མི་མངོན་པའི་ཚུལ་གྱིས་ནད་སྟེ། སྣེ་ས་ཁུལ་དང་བརླ་ནང་རྒྱུན་དུ་ན་ལ། ན་ཟུག་པུས་ཚིགས་མཚམས་སུ་ཁྱབ་པ། སྤྱིར་བཏང་ཞོགས་པ་མ་འགུལ་བའི་དུས་སུ་རྟགས་དེ་དག་མངའ་བ་དང་། ཚབས་ཆེ་དུས་འགྲོ་བ་དང་སྐས་ལས་མར་འབབ་སྐབས་ན་བ། དགྱེ་སྒུར་དཀའ་བ་དང་ཙོག་ནས་ལངས་དཀའ་བའི་རྟགས་དང་ལྡན། སྤྱི་ཁྱབ་སུ་དཔྱི་ཚིགས་ན་མཁན་མོ་ལས་ཕོ་མང་ལ་དཔྱི་གཡས་གཡོན་ལས་དཔྱི་ཕྱོགས་གཅིག་ན་མཁན་མང་བ་བཅས།

  པུས་ཚིགས་རུས་འཛེར་གྱི་རྟགས།

  པུས་ཚིགས་ན་བའམ་འཕང་ལོ་དང་པུས་ཚིགས་ནང་ངོས་སུ་ན་བ། འགུལ་དུས་ན་ཟུག་ཇེ་སྡུག་དང་། ལྷག་པར་སྐས་རིམ་འབབ་འཛེག་བྱེད་དུས་ན་ལ་གནོན་ཟུག་ཡོད་པ། པུས་ཚིགས་སུ་སྒྲ་གྲགས་པ། ཕྱི་རྐྱེན་འགྲམས་པ་དང་འགྱེད་བ་སོགས་ལས་བྱུང་ན་སྐྲངས་སྦོས་ཆགས་ཤིང་ན་ཟུག་དྲག་ཏུ་ལངས་ལ། ཚིགས་མཚམས་ཇེ་དོག་དང་པུས་ཚིགས་ཀྱི་འགུལ་སྐྱོད་ནུས་པ་ཇེ་ཞན། རྐང་ཐང་དང་ལངས་ནས་བསྡད་དྲགས་ན་ན་བ་སོགས་ཀྱི་ནད་རྟགས་ཡོད།

གཞོགས་འདེགས་བརྟག་དཔྱད།

   གཞོགས་འདེགས་བརྟག་དཔྱད་ལXགློག་པར་བརྒྱག་པ་དངCRCTMRIསོགས་ཀྱིས་རུས་པའི་ནད་རིགས་སྣ་ཚོགས་ཀྱི་གནས་དང་ཆེ་ཆུང་སོགས་གསལ་བོར་རྟོགས་ཐུབ་བོ།

འཁྲུལ་སོ་བསལ་བ།

   གཞོགས་འདེགས་བརྟག་དཔྱད་ལXགློག་པར་དངCRCTMRIསོགས་ཀྱིས་རུས་པའི་གནས་ལ་ནད་འགྱུར་བྱུང་བ་གསལ་བོར་རྟོགས།

གོང་ངོས། ཤ་ཏྲེམ།
X