//不能复制 // >
ཁྱེད་ཀྱི་གནས་ཡུལ། > གཙོ་ངོས། > སྨན་བཅོས། > ཚ་བ་གཉན་རིམས་སྐོར། > ནང་དོན།

རྒྱས་ཚད།

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། བོད་གཞུག་སྐྱིད། དུས་ཚོད། 2015-08-06 10:12:30 ཀློག་གྲངས། 22 

   རྒྱས་ཚད་ནི་བད་ཀན་དང་། རླུང་སོགས་ནད་གཞན་གྱི་བསྡོངས་ཟླ་དང་བྲལ་ནས་ཚ་བ་རྐྱང་པའི་སྟོབས་ཆེས་ཆེར་རྒྱས་ཤིང་ལུས་ཟུངས་སྲེག་པར་བྱེད་ཕྱིར་རྒྱས་བའི་ཚ་བ་ཞེས་བྱའོ།

རྒྱུ་རྐྱེན།

  སྟོན་དཔྱིད་ཚ་བའི་ཡུལ་དུས་འཛོམས་པ་དང་ཤ་ཆང་སོགས་དྲོད་བཅུད་བསྟེན་དྲགས་པ། སྤྱོད་ལམ་དྲག་ཤུལ་གྱི་ལས་བྱས་པ། ཚ་བ་སྨིན་པ། མ་སྨིན་ཚ་བ་ལ་ཡུལ་དུས་རང་བཞིན་ན་ཚོད་དང་གནས་དང་ནད་ཁམས་རྣམས་མཁྲིས་པའི་རྐྱེན་དུ་འདོམ་པ།

ནད་རྟགས།

  ལུས་ལ་ཚ་བ་ཆེན་པོ་རྒྱག་པ་དང་ལུད་པ་དམར་སེར་དུད་ཁུ་འདྲ་བ་མང་དུ་ལུ་བ། དབུགས་ཐུང་ལ་གཟེར་དྲག་པ། ཁ་སྐམ་ཞིང་སོ་དྲེག་ཆགས་པ། ལུས་ལྕི་དང་ག་མི་བདེ་སྐོམ་དད་ཆེ་བ། བསིལ་གྲིབ་ཀྱི་གནས་འདོད་པ་དང་། ལུས་ལ་རྔུལ་དྲི་མནམ་པ།

  རྩ་སྦོམ་ལ་དྲག་པ་དང་། འབུར་འདྲིལ་གྲིམས་མཁྲང་མྱུར་ལ་མགྱོགས་པ།

  དྲི་ཆུའི་མདོག་དམར་སེར་ལ་དྲི་དང་རླངས་པ་ཆེ་བ་དང་ཀུ་ཡ་མཐུག་པ།

  ལྕེ་མདོག་སེར་སྐྱ་ཆགས་པར་ཁ་ཏིག་ཁ་བ།

གཞོགས་འདེགས་བརྟག་དཔྱད།

  ནད་གཞི་འདི་ལ་འབྲེལ་ཡོད་བརྟག་དཔྱད་ལས་གནས་སྐབས་རྒྱུན་ལྡན་མིན་པའི་སྣང་ཚུལ་མ་མཐོང་ལ། རྗེས་མ་མཐོང་ཚེ་ཁ་གསབ་བྱེད་ངེས།

འཁྲུལ་སོ་བསལ་བ།

  སྟོངས་ཚད་དང་འཁྲུལ་སོ་བསལ་བ། སྟོངས་ཚད་གྱི་ནད་འདིར་ཚ་བའི་རྟགས་ཡོད་ཀྱང་བསིལ་བཅོས་ཀྱིས་གནོད་པ་དང་། འཕར་རྩའི་གྲངས་མགྱོགས་ཀྱང་ངོ་བོ་སྟོང་བ། སྐོམ་ཚད་ཆེ་ཡང་སྐོམ་མ་འཐུང་ཡང་བཟོད་ཐུབ་པ། ལྕེ་སྐམ་རུང་མདོག་དམར་ལ་ངོ་བོ་དམར་རྩུབ་ཆགས་པ། གཟེར་ཟུག་ཡོད་ཀྱང་གནས་ངེས་མེད་དུ་འཕོ་བ། རླུང་ཁ་གནོན་པའི་ཟས་རིགས་བསྟེན་ན་ཕན་སྙམ་བྱེད་པ།

   འགྲམས་ཚད་དང་འཁྲུལ་སོ་བསལ་བ། འགྲམས་ཚད་ཀྱི་ནད་དེ་ཕྱི་ནང་གི་གནས་གང་རུང་དུ་འགྲམས་ཡོད་ཏེ། ལུས་ཡོངས་སུ་ན་ཞིང་གཟེར་བ་དང་། ལུས་འགུལ་དཀའ་བ། ཚ་བ་རྒྱག་པ། རྩ་རྒྱུད་ཕྲ་ལ་མགྱོགས་པ། དྲི་ཆུ་དམར་ལ་ཉོག་པ། འགུལ་འཁྲུགས་བྱུང་སྐབས་དེ་བས་སྡུག་ཏུ་འགྲོ་བ་སོགས་ཀྱི་མངོན་ཚུལ་ཡོད་པ།

གོང་ངོས། མ་སྨིན་ཚ་བ།
X