>
ཁྱེད་ཀྱི་གནས་ཡུལ། > གཙོ་ངོས། > སྨན་རྫས། > སྲོག་ཆགས་ཀྱི་སྨན། > > ནང་དོན།

ཞོ་རྩབ།

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། ལྷ་མོ་ཚེ་རིང་། དུས་ཚོད། 2015-07-07 16:33:09 ཀློག་གྲངས། 9

        བདུད་རྩི་སྨན་གྱི་རྣམ་དབྱེ་ངོ་བོ་ནུས་མིང་རྒྱས་པར་བཤད་པ་དྲི་མེད་ཤེལ་ཕྲེང་ལས། ཞོ་རྩབ་མོ་ལ་སྤྱིར་རྩབ་མོ་ཟེར་ལ། རྩབ་མོ་འཇུག་པ་མང་བས། སྐབས་འདིར་ནི། དཔལ་མོའི་ངག་སྒྲོན་ལས། ཞོ་རྩབས་རྩབ་མོ་སེར་རྩའི་གོས།། ཞེས་དང་། འཕྲལ་སྐད་དུ། ཞོའི་རུ་མའམ། རུ་རྩི་སྟེ། གཡོར་བོ་རྣམས་ཞོ་རུལ་ལ་རྩབས་ཟེར་བར་སྣང་ལ། དོན་ཞོ་སྣོད་དུ་གཏུམས་པ་སྟེ་དྲོད་རྐྱལ་དུ་ཉར་ཚགས་བྱས་པས་རང་འཐག་ལ་སོང་བའི་སྐྱུར་ལངས་པའི་གར་མའོ།། འཁྲུ་གཅོད་ཀྱི་སྐབས་ཀྱི་རྩབས་འདི་ཡིན། བད་ཀན་སོགས་ཞི་སྦྱོང་སྐབས་ལྕུམ་སྡོང་རྩ་དང་། འཇམ་དབྱངས་བློ་འཕེལ་དུས་རྩབ་མོའི་བཏུང་བ་ཞེས་པ་དང་། སྦྱོང་ལྕག་སྐབས་སིངས་པོའོ།། རླུང་རྩི་འབྱར་སོགས་ཀྱི་སྐབས་ཟན་ཆང་ཡིན། རྨ་འདུལ་སྐྲངས་འབྱར་སོགས་ལ་སྦང་མ་ཡིན་པ་རྣམས་སྐབས་ཕྱེད་དགོས་སོ།། ཞེས་དང་། ཞོ་རྩབས་འཁྲུ་གཅོད་རླུང་དང་བད་ཀན་སེལ།། དྲོད་སྐྱེད་ཟས་འཇུ་ཡི་ག་འབྱེད་པར་བྱེད།།  ཅེས་གསུངས།

གོང་ངོས། ཞོ་སྤྲིས།
X