>
ཁྱེད་ཀྱི་གནས་ཡུལ། > གཙོ་ངོས། > སྨན་རྫས། > ས་ཡི་སྨན། > > ནང་དོན།

མུ་ལྗང་།

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། བོད་གཞུག་སྐྱིད། དུས་ཚོད། 2015-06-01 10:44:29 ཀློག་གྲངས། 9

     བདུད་རྩི་སྨན་གྱི་རྣམ་དབྱེ་ངོ་བོ་ནུས་མིང་རྒྱས་པར་བཤད་པ་དྲི་མེད་ཤེལ་ཕྲེང་ལས། མུ་ལྗང་ནི། རང་བྱུང་ཞབས་ཀྱིས། མུ་ལྗང་གཉན་ཚད་སེལ་བར་བྱེད།། ཅེས་པ། རྒྱུ་དབྱིབས་སྔ་མ་འདྲ་ནའང་། ཁ་དོག་ལྗང་གུ་སྟེ་མཆོག་དམན་གཉིས། མཆོག་ནི་ཤིན་ཏུ་ལྗང་གུ་གསལ་བས་སྔ་རབས་རྣམས་ཀྱིས་ལྷ་ཚོན་མཛད་པས། སྤང་མ་མེད་པ་འདི་རང་བལ་རིས་རྙིང་པ་དག་ཚོན་ལྗང་མཛད་པས། སྤང་མཐིང་མེད་པ་སྐྱུ་རའི་ལུགས་ཞེས་སྐྱུ་ར་ལྷ་ཆེན་པའི་ཚོན་སྡེབ་ལས་མུ་ལྗང་བཤད་པ་ཁོ་ན། དམན་པ་ནི་ལྗང་ཡང་ཚོན་མི་བཏུབ་ཙམ།
     མ་ལ་ཡའི་དཀའ་འགྲེལ་འདོད་པ་འཇོ་བ་ལས། མུ་ལྗང་ལྗང་ཁུ་མཐིང་རྒྱུས་འདྲ།། མེ་ཉིས་དྲོས་ན་བ་བླ་འདྲ།། ཆུ་ཡང་ལྗང་བ་ཅུང་ཟད་སྔོ།།
     མཛེས་མཚར་མིག་རྒྱན་ལས། རང་བྱུང་རྡོ་རྗེས། མུ་ལྗང་གཉན་ཚད་སེལ་བར་བྱེད།།

གོང་ངོས། མུ་ཟི་སེར་པོ།
X