>
ཁྱེད་ཀྱི་གནས་ཡུལ། > གཙོ་ངོས། > སྨན་རྫས། > རིན་པོ་ཆེའི་སྨན། > > ནང་དོན།

ཆུ་ཡི་ནོར་བུ།

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། བོད་གཞུག་སྐྱིད། དུས་ཚོད། 2015-05-23 10:22:01 ཀློག་གྲངས། 22

   བདུད་རྩི་སྨན་གྱི་རྣམ་དབྱེ་ངོ་བོ་ནུས་མིང་རྒྱས་པར་བཤད་པ་དྲི་མེད་ཤེལ་ཕྲེང་ལས། ཆུ་ཡི་ནོར་བུ་ཚད་རིགས་མཐའ་དག་འཇོམས།། ཞེས་པ་ནི། འདི་ལ་རིགས་གཉིས་ཏེ། ཧྭ་ཤང་གི་འབུམ་འགྲེལ་དུ། འབྱུང་བ་ལྔའི་ནོར་བུ་བཤད་པའི་སྐབས་སུ། ཆུའི་ནོར་བུ་ནི་གངས་སམ། ཆབ་རོམ་ལོ་སྟོང་ལོན་པ་ལ། རིན་པོ་ཆེ་སྤུག་ཅེས་པ་གོང་བུར་ཆགས་པར་བཤད་པ་དེ་ཡིན་ལ། རྒྱུ་འཆགས་པ་སྔོ་ཟར་འདྲ་བར་ཡོད་གསུངས་ལ། དེ་ཡང་ཁ་དོག་ཁྲ་བོར་ཡོད་པར་ཚུལ་ཁྲིམས་བསྐྱངས་ཀྱིས་གསུངས་སོ།། རིགས་གཅིག་ལྗང་ཞད་དང་སེར་ཁ་ཅུང་ཟད་ཡོད་པ་ཞིག་ཡོད་པ་ལ། སློབ་དཔོན་ཡང་དག་བདེན་གྱིས། རིན་པོ་ཆེ་སྤུག་ནི་ཁ་དོག་ལྗང་སེར་ཅན་ནོ་གསུང་པ་དེ་ཡིན་གསུངས།

X