>
ཁྱེད་ཀྱི་གནས་ཡུལ། > གཙོ་ངོས། > སྨན་རྫས། > སྔོ་ཡི་སྨན། > > ནང་དོན།

དཔའ་བོ་ཆེན་པོ།

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། བོད་གཞུག་སྐྱིད། དུས་ཚོད། 2015-05-21 11:13:37 ཀློག་གྲངས། 27

   བདུད་རྩི་སྨན་གྱི་རྣམ་དབྱེ་ངོ་བོ་ནུས་མིང་རྒྱས་པར་བཤད་པ་དྲི་མེད་ཤེལ་ཕྲེང་ལས། དཔའ་བོ་ཆེན་པོའམ་གླང་ཆེན་ཆིག་ཐུབ་ནི། གླང་ཆེན་ཁ་ཆུ་དང་། དཀར་པོ་ཆིག་ཐུབ་ཀྱང་ཟེར་ཏེ། འཁྲུངས་དཔེར། གླང་ཆེན་ཆིག་ཐུབ་ཅེས་བྱ་བ།། སྲིབ་རི་དག་ལས་སྐྱེ་བ་ཡིན།། ལོ་མ་མེ་ཏོག་ཆུང་བ་ཡིན།། རྩ་བ་ཆེན་པོ་གླང་ཆེན་གཟུགས།། འབྲས་བུ་དམར་ནག་གདུགས་ཕུབ་འདྲ།། རོ་ནི་ཁ་དང་བསྐ་བ་ཡིན།། རང་གི་ནུས་པས་དུག་ནད་དང་།། ཚད་རིགས་ནད་རྣམས་ཐམས་ཅད་སེལ།། བསིལ་སྨན་རྣམས་ཀྱི་རྒྱལ་པོར་བཤད།། ཅེས་པ་རྩ་བ་ཤིན་ཏུ་ཆེ་ལ་མཁྲེགས་པ་གྲི་བཟང་བས་ཐུབ་པ་ཙམ་དངས་ཤིང་འོད་དང་བཅས་རྡོ་བཅག་པ་ལྟ་བུ། དཀར་ལ་ཅུང་ཟད་སེར་ཁ་ཡོད་པ་རྒྱ་ཡུལ་ཧ་ལི་འཕིས་ཀྱི་ལ་རྒྱབ་ཧུ་ལུ་སིས་ཞེས་པར་སྐྱེ་བས་དར་རྩེ་མདོ་སོགས་ཚོང་འདུས་ནས་མགྲོན་པོས་དཀར་པོ་ཆིག་ཐུབ་ཅེས་ཉོ་འོང་བ་དེ།
   སྨན་སོ་སོའི་མངོན་བརྗོད་དང་ངོས་འཛིན་ཤེལ་དཀར་མེ་ལོང་ལས། དཔའ་ཆེན་ལ། གླང་ཆེན་ཆིག་ཐུབ། དཀར་པོ་ཆིག་ཐུབ་ཀྱང་ཟེར།

གོང་ངོས། དཔའ་རྒོད།
X